గోల్డ్‌ లోన్‌ రికవరీలు, ఖాతాల ముగింపును చూసుకునేవాడు. బంగారు రుణాల నిమిత్తం ఖాతాదారులు డబ్బులు తీసుకొస్తే కార్తీక్‌ ఆ డబ్బులను తీసుకుని బ్యాంక్‌ ఖాతాల్లో జమ చేయకుండా తన సొంతానికి వాడుకునేవాడు. రుణదారుల ఖాతా క్లోజ్‌ చేయకుండానే బంగారు ఆభరణాలు వారికి ఇచ్చేసేవాడు.

అలా ఇప్పటి వరకు బంగారు రుణ ఖాతా ద్వారా సుమారు రూ. 8 .65 కోట్లను నొక్కేశాడు. అలా నొక్కేసిన మొత్తాన్ని కూడా ఆన్ లైన్‌ క్రికెట్ బెట్టింగ్ లో పెట్టి పొగొట్టుకున్నాడు. దీని గురించి మూడు నెలల క్రితమే వెలుగులోకి రాగా..బ్యాంకు అధికారుల ఫిర్యాదు మేరకు నర్సంపేట పోలీసులు కేసు నమోదు చేసుకున్నారు.

అయితే అప్పటి నుంచి కూడా కార్తీక్‌ పరారీలో ఉన్నాడు. కార్తీక్ కోసం పోలీసులు గాలించగా, రెండు రోజుల క్రితం అతడు పట్టుబడ్డాడు. దీంతో కార్తీక్ ను అదుపులోకి తీసుకుని విచారించగా నేరం ఒప్పుకున్నాడు. దీంతో పోలీసులు కార్తీక్ ను అరెస్ట్ చేసి పోలీసు స్టేషన్‌ కు తరలించారు.