అయితే.. గత రెండు, మూడేళ్లుగా ఈ పరిస్థితి మారింది. స్పెషల్ బస్సుల్లోనూ సాధారణ ఛార్జీలనే వసూలు చేస్తున్నారు. ప్రస్తుతం దసరా పండుగ సమీపించిన వేళ తెలంగాణ ఆర్టీసీ (TSRTC) ప్రయాణికులకు అదిరిపోయే శుభవార్త చెప్పింది. బతుకమ్మ, దసరా పండుగలకు సొంతూళ్లకు వెళ్లే వారి కోసం 5,265 ప్రత్యేక బస్సులను ఏర్పాటు చేసినట్లు ప్రకటించింది. ఈ నెల 13 నుంచి 25వ తేదీ వరకు ఈ ప్రత్యేక బస్సులు ప్రయాణికులకు అందుబాటులో ఉంటాయని తెలిపింది. ఈ స్పెషల్ బస్సుల్లో సాధారణ ఛార్జీలే ఉంటాయని ఆర్టీసీ ప్రకటనలో పేర్కొంది.

బతుకమ్మ, దసరాకు సొంతూళ్లకు వెళ్లే వారి కోసం 5,265 ప్రత్యేక బస్సులను #TSRTC ఏర్పాటు చేసింది. ఈ నెల 13 నుంచి 25వ తేది వరకు ఈ ప్రత్యేక బస్సులు ప్రయాణికులకు అందుబాటులో ఉంటాయి. ఈ ప్రత్యేక బస్సుల్లో 536 సర్వీసులకు ముందస్తు రిజర్వేషన్ సౌకర్యం కల్పించడం జరిగింది. రిజర్వేషన్ కోసం సంస్థ… pic.twitter.com/RWEmodv9Cv

— VC Sajjanar – MD TSRTC (@tsrtcmdoffice) October 6, 2023

ఈ మేరకు ప్రకటన విడుదల చేసింది. ఈ ప్రత్యేక బస్సుల్లో 536 సర్వీసులకు ముందస్తు రిజర్వేషన్ సౌకర్యం ఏర్పాటు చేసినట్లు ఆర్టీసీ తన ప్రకటనలో పేర్కొంది. రిజర్వేషన్ కోసం సంస్థ అధికారిక వెబ్ సైట్ http://tsrtconline.in ను సందర్శించాలని ప్రకటనలో పేర్కొంది ఆర్టీసీ.