ఈ నేపథ్యంలో తాము అధికారంలోకి వస్తే ఉద్యోగ దరఖాస్తు ఫీజు కేవలం రూ.5/రూ.10 మాతమ్రే ఉంటుందన్న హామీని కూడా ఇవ్వాలని కాంగ్రెస్ నేతలు భావిస్తున్నారు. ఇంకా ఆటో డ్రైవర్లను ఆకర్షించడమే లక్ష్యంగా వారి కోసం కూడా ఓ పథకాన్ని రూపొందించనుంది కాంగ్రెస్ ఎన్నికల మేనిఫెస్టో కమిటీ. శుక్రవారం గాంధీ భవన్ లో కాంగ్రెస్ ఎన్నికల మేనిఫెస్టో కమిటీ సమావేశం జరిగింది. ఈ కమిటీకి మాజీ మంత్రి, మంథని ఎమ్మెల్యే దుద్దిళ్ల శ్రీధర్ బాబు ఉన్నారు. ములుగు ఎమ్మెల్యే సీతక్క, గడ్డం ప్రసాద్ తదితరులు సభ్యులుగా ఉన్నారు.

ఈ సమావేశంలో ముఖ్యంగా విద్యార్థులు, యువకుల కోసం ఎలాంటి పథకాలు రూపొందించాలి అన్న కోణంలో చర్చ జరిగినట్లు తెలుస్తోంది. ఇంకా అక్టోబర్ 2వ తేదీన ఆదిలాబాద్, నిజామాబాద్ జిల్లాల్లో పర్యటించి ప్రజలకు ఏం కావాలో తెలుసుకోవాలని కమిటీ నిర్ణయింనుంది. రానున్న రోజుల్లో మరిన్ని హమీలను ప్రకటించనుంది కాంగ్రెస్ పార్టీ. ప్రస్తుతం జరుగుతున్న చేరికలు ముగిసిన తర్వాత మేనిఫెస్టో, హమీలను విడుదల చేయనుంది హస్తం పార్టీ.