కాగా డిసెంబర్ 15వ తేదీ లోపు ఈ రాష్ట్రాలన్నింటిలో ఓట్ల లెక్కింపు పూర్తవుతుంది. ప్రధాన ఎన్నికల కమిషనర్ రాజీవ్ కుమార్ (Rajiv Kumar) ఆమోదం తెలిపిన తర్వాత ఎన్నికల ప్రకటన వెలువడనుంది. ఇవాళ జరిగే పరిశీలకుల సమావేశం అనంతరం తుది నిర్ణయం తీసుకోనున్నట్లు సమాచారం. పలు వార్త ఏజెన్సీల ప్రకారం ఐదు రాష్ట్రాల ఎన్నికల తేదీ భిన్నంగా ఉండే అవకాశం ఉన్నట్లు తెలుస్తోంది. అయితే ఓట్ల లెక్కింపు మాత్రం ఏకకాలంలో జరగునున్నట్లు సమాచారం.

ఛత్తీస్‌గఢ్ (Chhattisgarh), మధ్యప్రదేశ్ (Madhya Pradesh), తెలంగాణ (Telangana), మిజోరాం (Mizoram), రాజస్థాన్‌ (Rajasthan)లలో నవంబర్-డిసెంబర్లలో అసెంబ్లీ ఎన్నికలు జరిగే అవకాశం ఉంది. మిజోరాం అసెంబ్లీ పదవీకాలం ఈ ఏడాది డిసెంబర్ 17తో ముగియనుంది. ఈశాన్య రాష్ట్రంలో మిజో నేషనల్ ఫ్రంట్ అధికారంలో ఉంది. తెలంగాణ, రాజస్థాన్, ఛత్తీస్‌గఢ్, రాజస్థాన్ అసెంబ్లీల పదవీకాలం వచ్చే ఏడాది జనవరిలో వేర్వేరు తేదీల్లో ముగియనుంది. తెలంగాణలో బీఆర్ఎస్, మధ్యప్రదేశ్‌లో బీజేపీ అధికారంలో ఉంది. ఛత్తీస్‌గఢ్‌, రాజస్థాన్‌లలో కాంగ్రెస్‌ ప్రభుత్వాలున్నాయి.