సుప్రీంకోర్టులో జస్టిస్ బివి నాగరత్న (Justice BV Nagaratna), జస్టిస్ ఉజ్వల్ భూయాన్‌ (Justice Ujwal Bhuyan)లతో కూడిన ధర్మాసనం దీనిపై విచారణ చేపట్టింది. జైళ్లు ఖైదీలతో నిండిపోయాయని, అలాంటప్పుడు సంస్కరించుకునే అవకాశం ఎందుకు ఇవ్వలేదని సుప్రీంకోర్టు ధర్మాసనం తన మౌఖిక వ్యాఖ్యల్లో పేర్కొంది. బిల్కిస్ దోషుల కోసం జైలు సలహా కమిటీని ఏ ప్రాతిపదికన ఏర్పాటు చేశారంటూ సుప్రీం ప్రశ్నించింది? సలహా కమిటీ వివరాలను తెలియజేయాలని ఆదేశించింది. గోద్రా కోర్టు విచారణను నిర్వహించనప్పుడు, దాని అభిప్రాయాన్ని ఎందుకు కోరారని కోర్టు ప్రభుత్వాన్ని ప్రశ్నించింది. బిల్కిస్ బానో పిటిషన్‌పై సుప్రీంకోర్టులో ఆగస్టు 24న విచారణ జరగనుంది.

2002లో గోద్రా అల్లర్ల (Godhra riots)సమయంలో బిల్కిస్ బానో (Bilkis Bano )పై సామూహిక అత్యాచారం జరిగడం.. ఆమె కుటుంబానికి చెందిన 7 మంది హత్యకు గురికావడం జరిగింది. ఈ కేసులో పదకొండు మంది దోషులుగా నిర్ధారితమయ్యారు, అయితే గత సంవత్సరం ఆగస్టు 15, 2022న, గుజరాత్ ప్రభుత్వ కమిటీ నివేదికను అనుసరించి, ఈ దోషులు కూడా ముందస్తుగా విడుదలయ్యారు. ఈ దోషుల విడుదల సందర్భంగా వారికి పూలమాలలు వేసి స్వాగతం పలికారు. ఈ దోషుల విడుదలపై గతేడాది బిల్కిస్ బానో సుప్రీంకోర్టును ఆశ్రయించారు. ఈ అంశంపై సుప్రీంకోర్టులో సాధారణ విచారణ జరుగుతోంది.