GPS Bill in AP Assembly: ఏపీ కాంట్రాక్టు ఉద్యోగుల‌కు జగన్(CM jagan) సర్కార్‌ గుడ్ న్యూస్ చెప్పింది. ఏపీ అసెంబ్లీ(AP Assembly)లో కాంట్రాక్టు ఉద్యోగుల‌ను క్రమ‌బద్దీక‌రించే బిల్లుకు ఆమోదముద్ర వేసింది. అనంత‌రం జీపీఎస్ బిల్లును (GPS Bill) ఏపీ ప్రభుత్వం ప్రవేశ పెట్టింది. ఏపీ రాష్ట్ర ఆర్ధిక శాఖ మంత్రి బుగ్గన రాజేంద్రనాథ్ రెడ్డి(Buggana Rajendranath) ఈ బిల్లులను అసెంబ్లీలో ప్రవేశ పెట్టారు. ఈ సందర్భంగా ఏపీ రాష్ట్ర ఆర్ధిక శాఖ మంత్రి బుగ్గన రాజేంద్రనాథ్ రెడ్డి మాట్లాడుతూ.. ఉద్యోగుల ప్రయోజనాలకు ప్రభుత్వం ప్రాధాన్యత ఇచ్చిందన్నారు. ప్రభుత్వ ఉద్యోగుల రిటైర్మెంట్ వయస్సును పెంచిన విషయాన్ని ఆయన గుర్తు చేశారు.జీపీఎస్ అమలు చేయడం ద్వారా రాష్ట్ర ఖజానాపై రూ. 2500 కోట్ల భారం పడే అవకాశం ఉందని మంత్రి చెప్పారు.