అమిత్‌షా తెలంగాణ పర్యటన ఖరారైంది. ఈ నెల 16న రాష్ట్రానికి రానున్నారు కేంద్ర హోంమంత్రి అమిత్‌షా. 17న విమోచన దినోత్సవ సభలో పాల్గొననున్నారు.
16న రాత్రి 8 గంటలకు శంషాబాద్‌ ఎయిర్‌పోర్టుకు రానున్న అమిత్ షా.. సీఆర్పీఎఫ్‌ సెక్టార్‌ మెస్‌లో బస చేయనున్నారు. సభ తర్వాత ఢిల్లీకి కేంద్ర హోంమంత్రి
తెలంగాణ బీజేపీ నేతలతో సమావేశమయ్యే ఛాన్స్ ఉంది. పార్టీ బలోపేతంపై నేతలతో మంతనాలు జరిపారు.

కాంగ్రెస్‌, బీఆర్‌ఎస్‌పై కిషన్‌రెడ్డి ఫైర్:
ప్రభుత్వం అధికారికంగా ‘విమోచన దినోత్సవం’ (సెప్టెంబర్ 17) జరపడంలేదని.. ప్రస్తుతం అధికారంలో ఉన్న బీఆర్‌ఎస్‌పై కిషన్‌రెడ్డి మండిపడ్డారు. ఉమ్మడి ఆంధ్రప్రదేశ్‌లో నాటి కాంగ్రెస్ ముఖ్యమంత్రి కె. రోశయ్య విమోచన దినోత్సవాన్ని అధికారికంగా నిర్వహించలేదని అప్పుడు కేసీఆర్‌ విమర్శలు గుప్పించారని.. తెలంగాణ ఏర్పడి అధికారంలోకి వచ్చిన తర్వాత ఎఐఎంఐఎం కారణంగా ప్రభుత్వ కార్యక్రమాలు నిర్వహించలేదని కిషన్‌రెడ్డి ఆరోపించారు. ఈ దినోత్సవాన్ని పురస్కరించుకుని అధికారిక కార్యక్రమాన్ని నిర్వహిస్తామని గతేడాది కేంద్రం ప్రకటించడంతో సీఎం కలవరపడ్డారని.. ఆ రోజును ‘జాతీయ సమైక్యతా దినోత్సవం’గా పాటిస్తామని గతంలో ప్రకటించారన్నారు.

గతేడాది సెప్టెంబరు 17న కేంద్రం నిర్వహించిన వేడుకలకు ముఖ్యమంత్రి హాజరు కాకపోవడంపై కూడా రెడ్డి మండిపడ్డారు. ‘ఏఐఎంఐఎం అధినేత అసదుద్దీన్‌ ఒవైసీ అనుమతి ఇవ్వకపోవడంతో గతేడాది కేసీఆర్‌ హాజరు కాలేదని ఆరోపించారు. ఈ కార్యక్రమం మతపరమైన సమస్య కాదని, రజాకార్లకు వ్యతిరేకంగా పోరాడిన వారి ఆకాంక్షలకు, చరిత్రకు సంబంధించిన సమస్య అని కేంద్ర పర్యాటక శాఖ మంత్రి అన్నారు.

ALSO READ: ప్లీజ్ అలా ప్రచారం చేయకండి.. ఆ ప్రకటనపై క్లారిటీ ఇచ్చిన మంత్రి కేటీఆర్..