అయితే, సింగర్ శ్రావణ భార్గవి గురించి ప్రత్యేకంగా పరిచయం చేయాల్సిన అవసరం లేదు. శ్రావణ భార్గవి పాడిన ఎన్నో పాటలు ప్రేక్షకులను ఎంతగానో ఆకట్టుకున్నాయి. సింగర్ గా ఇప్పటికీ మంచి ఆఫర్లతో శ్రావణ భార్గవి కెరీర్ ను కొనసాగిస్తున్నారు. డబ్బింగ్ ఆర్టిస్ట్ గా కూడా శ్రావణ భార్గవి పాపులారిటీని మరింత పెంచుకున్నారు. వరుస ఆఫర్లతో బిజీగా ఉన్న సమయంలోనే సింగర్ హేమచంద్రతో ప్రేమలో పడి.. వివాహం కూడా చేసుకుంది. ఈ జంటకు ఒక పాప కూడా ఉంది.

2013 సంవత్సరంలో పెళ్లి బంధంతో ఒక్కటైన ఈ జంట.. త్వరలోనే అధికారికంగా విడాకులు తీసుకునే ఛాన్స్ ఉందని అనే వార్తలు పెద్ద ఎత్తున వినిపించాయి. హేమచంద్ర శ్రావణ భార్గవి మధ్య మనస్పర్ధలు వచ్చాయని ప్రచారం జరిగింది. అయితే ఈ వార్తలను హేమచంద్ర శ్రావణ భార్గవి ఖండించడం జరిగింది.

అయితే తాజాగా  శ్రావణ భార్గవి రెండో పెళ్లి చేసుకోనున్నరని కొంతమంది జోరుగా ప్రచారం చేస్తున్నారు. హల్దీ వేడుకకు సంబంధించిన ఫోటోలను షేర్ చేస్తూ ట్రోల్స్ చేస్తున్నారు. ఇక అసలు విషయం ఏంటంటే.. ఆ ఫొటోలు శ్రావణ భార్గవి సోదరుడు హరీష్ హల్దీ ఫంక్షన్ లోనివి. 2022 ఫిబ్రవరిలో జరిగిన ఈవెంట్ ఫోటోలు ఇప్పుడు ట్రెండ్ చేస్తూ.. ఆమె రెండో పెళ్లి అంటూ ప్రచారం చేస్తున్నారు. అసలు విషయం తెలుసుకున్న అభిమానులు ఇంత నీచంగా ఎలా ప్రచారం చేస్తారంటూ ఫైర్ అవుతున్నారు.

Also Read: క్లీంకారతో టాలీవుడ్ మెగాస్టార్ చిరంజీవి వినాయకచవితి సెలబ్రేషన్స్..!!