ఇటీవలే దిల్ రాజు తండ్రి మరణంతో ఆయన కుటుంబంలో విషాదం చోటు చేసుకుంది. ఈ నేపథ్యంలో ఇంట్లో ఒక శుభకార్యం చేస్తే బాగుంటుందని ఆయన అనుకున్నారట. ఈ నేపథ్యంలో దిల్ రాజు తమ్ముడి కుమారుడు ఆశిష్ రెడ్డి పెళ్లి పీటలు ఎక్కబోతున్నట్లుగా చెబుతున్నారు. ఆశిష్ రెడ్డి రౌడీ బాయ్స్ సినిమాతో ప్రేక్షకులకు హీరోగా పరిచయం అయ్యాడు. ఆశిష్ మొదటి సినిమా ప్రేక్షకులను అంతగా ఆకట్టుకోలేకపోయిన సంగతి తెలిసిందే.

ఆశిష్ వివాహం పూర్తిగా పెద్దలు కుదిర్చిన వివాహమని సమాచారం. ఆశిష్ పెళ్లి చేసుకోబోయే అమ్మాయి ఏపీకి చెందిన ఓ వ్యాపార వేత్త కుమార్తెగా చెబుతున్నారు. అయితే వీళ్లిద్దరి పెళ్లి చర్చలు దిల్ రాజు తండ్రి మరణానికి ముందే జరిగాయని అంటున్నారు. ఈ మ్యారేజ్ అధికార ప్రకటన త్వరలోనే రానున్నట్లు చెబుతున్నారు. వీళ్ళ పెళ్లి డెస్టినేషన్ వెడ్డింగ్ తరహాలో జరుగబోతున్నట్లు సమాచారం. సినీ వర్గాల నుంచి అందుతున్న సమాచారం ప్రకారం ఇంకో రెండు నెలల్లో నిశ్చితార్థం, ఫిబ్రవరి నెలలో ఈ జంట పెళ్లి చేసుకోబోతున్నట్లు వార్తలు వినిపిస్తున్నాయి.

గతంలో దిల్ రాజు సోదరుడి కుమారుడు హర్షిత్ వివాహం కూడా ఏపీకి చెందిన రాజకీయ ఫ్యామిలీతో జరిగింది. ఇప్పుడు జరగనున్న ఆశిష్ వివాహం కూడా ఏపీకి చెందిన బిజినెస్ ఫ్యామిలీతో జరగడం ఆసక్తికరంగా మారింది.

Also Read: Salaar Movie: రిలీజ్ కు ముందే రూ.175 కోట్ల కలెక్షన్స్‌.. దిమ్మతిరిగేలా సలార్ క్రేజ్‌..!