ఆయన ఇంకా ఆ బాధ నుంచి తేరుకోకముందే..ఆయన సోదరి మరణం ఆయన్ని మరింత విషాదంలోకి నెట్టింది. ఆయన సోదరి గత కొన్ని రోజుల నుంచి అనారోగ్యంతో చికిత్స తీసుకుంటున్నారు. చాలా రోజుల నుంచి ఆమె ఆసుపత్రిలోనే ఉన్నారు. పరిస్థితి విషమించడంతో ఆమె మంగళవారం ఉదయం కన్నుమూశారు.

ప్రస్తుతం ఆమె వయసు 70 సంవత్సరాలు. ఆమెకు ముగ్గురు పిల్లలు ఉన్నారు. మమ్ముట్టి సోదరి మరణం గురించి తెలుసుకున్న ప్రముఖులు ఆయనకు సంతాపం తెలియజేస్తన్నారు. దీంతో మమ్ముట్టి కుటుంబం మరోసారి విషాదంలో మునిగింది. తల్లి మరణించిన కొన్నాళ్లకే సోదరి కూడా మరణించడంతో మమ్ముట్టి తీవ్ర విషాదంలో ఉన్నారు. బుధవారం అమీనా అంత్యక్రియలు నిర్వహించనున్నట్లు కుటుంబ సభ్యులు తెలిపారు.

మమ్ముట్టి ఇటీవలే తన 72 వ పుట్టినరోజును జరుపుకున్నారు. ఆ సందర్భంగా ఆయన నటిస్తున్న చిత్రం యొక్క పోస్టర్‌ ను కూడా రిలీజ్‌ చేశారు. మమ్ముట్టి తనయుడు దుల్కర్ సల్మాన్ కూడా వరుస సినిమాలతో బిజీగా ఉన్నారు. ఈ ఏడాది ఆయన సీతారామంతో సూపర్‌ హిట్‌ అందుకున్నారు.