తెలంగాణ రాష్ట్రంలో బాగుపడ్డది కేవలం కల్వకుంట్ల కుటుంబం మాత్రమే అన్న ఆయన.. తమ కలలను సాకారం చేసుకోవడం కోసం పోరాటాలు చేసిన విద్యార్థులు, నిరుద్యోగుల పరిస్థితి దారుణంగా మారిందన్నారు. ఇక నిరుద్యోగులు కేసీఆర్‌కు ఓటు వేసే ప్రసక్తే లేదని ఆయన తెలిపారు. రాష్ట్రంలో కేసీఆర్‌ ప్రభుత్వానికి పరీక్షలు కూడా నిర్వహించడం చేతకావడంలేదని కోమటరెడ్డి మండిపడ్డారు. పది పరీక్షల్లో పేపర్‌ లీకేజీలు ఉన్నాయన్న ఆయన.. ఇటీవల జరిగిన టెట్‌ పరీక్షల్లో సైత ఒక దానికి బదులు మరో ప్రశ్నాపత్రం ఇచ్చారన్నారు.

అంతే కాకుండా టీఎస్‌పీఎస్సీలో ఏకంగా బోర్డు సభ్యుల సంతకాలు సైత ఫోర్జరీ చేసిన విషయాన్ని ఆయన గుర్తు చేశారు. బీఆర్‌ఎస్‌ పాలనలో ప్రభుత్వ ఉద్యోగులకు సమయానికి జీతాలు రాకపోవడంతో వారి కుటుంబాలను పోషించుకోవడానికి డబ్బులు లేక లంచాలకు అలవాటు పడుతున్నారన్నారు. అందులో భాగంగానే పేపర్ లీకేజీ ఘటనలు జరుగుతున్నాయని కోమటి రెడ్డి రాజగోపాల్‌ రెడ్డి పేర్కొన్నారు.