జనసేన టీడీపీ పొత్తు పై మంత్రి జోగి రమేష్ హాట్ కామెంట్స్ చేశారు. దమ్ముంటే జగన్ లాంటి వీరుడుని చూసి నేర్చుకోండి అంటూ సవాల్ విసిరారు. 16 నెలలు జైల్లో పెట్టిన ఒక్కడే ధైర్యంగా ప్రజల మద్దతుతో గెలిచాడని వ్యాఖ్యనించారు. టీడీపీ, జనసేన వాళ్ళ బంధం ఫెవికాల్ లాంటిదని  జోగి రమేష్ సెటైర్ వేశారు. జనసేన-టీడీపీ 2014 నుంచే కలిసి ఉన్నారన్నారు. విడిగా వస్తారని వైసీపీ ఎప్పుడూ భావించలేదని స్పష్టం చేశారు. రానున్న ఎన్నికల్లో టీడీపీ-జనసేనను చిత్తు చిత్తుగా ఓడిస్తామంటూ ధీమ వ్యక్తం చేశారు.

చంద్రబాబు ఆంధ్రప్రదేశ్ ను అవినీతి రాష్ట్రం గా మార్చాడని విమర్శలు గుప్పించారు మంత్రి జోగి రమేష్‌. హవాలా రూపంలో వేలకోట్ల రూపాయలు దొడ్డిదారిన తరలించడాని.. చంద్రబాబును మేధావి అన్నవారే ముక్కుమీద వేలు వేసుకునేలా చేశాడని ఫైర్ అయ్యారు. చంద్రబాబుకు తగిన శాస్తి జరిగిందని ప్రజలు అనుకుంటున్నారన్నారు. జగన్ మోహన్ రెడ్డి పరిపాలనలో ప్రజలకు లబ్ధి చేకూరుతుందని అదే చంద్రబాబు పాలనలో ఏమీ లబ్ధి జరిగిందో చెప్పాలని జోగి రమేష్ డిమాండ్ చేశారు. వచ్చే ఎన్నికల్లో వైసీపీ గెలుపును ఎవ్వరూ ఆపలేరని వ్యాఖ్యనించారు.