ఇజ్రాయెల్-పాలస్తీనా సంక్షోభం నేటికి రెండో రోజుకు చేరుకుంది. నిన్న హమాస్ ఇస్లామిక్ గ్రూప్ మిలిటెంట్లు ఇజ్రాయెల్ భూభాగంపై పెద్ద ఎత్తున రాకెట్ దాడులు చేపట్టడం తెలిసిందే. హమాస్ ప్రయోగించిన చాలా రాకెట్లు ఐరన్ డోమ్ వ్యవస్థను ఛేదించుకుని ఇజ్రాయెల్ భూభాగంపై విధ్వంసం సృష్టించాయి. దానికితోడు హమాస్ మిలిటెంట్లు పారాగ్లైడర్ల సాయంతో ఇజ్రాయెల్ గడ్డపై దిగి విచక్షణ రహితంగా కాల్పులు జరిపి నరమేధం సృష్టించారు. చాలామంది ఇజ్రాయెల్ పౌరులను హమాస్ మిలిటెంట్లు బందీలుగా పట్టుకున్నారు. హమాస్ మారణకాండలో మృతి చెందిన వారి సంఖ్య 600కి పెరిగినట్టు ఇజ్రాయెల్ మీడియా సంస్థలను ఉటంకిస్తూ అంతర్జాతీయ న్యూస్ ఏజెన్సీ రాయిటర్స్ పేర్కొంది.

పాలస్తీనాకు చెందిన హమాస్ ఉగ్రవాద సంస్థ ఇజ్రాయెల్‌పై శనివారం జరిపిన ఆకస్మిక దాడుల్లో ఇప్పటివరకూ 300 మందికి పైగా మరణించారు. పాలస్తీనాలోని గాజా స్ట్రిప్‌లో సుమారు 232 మంది అసువులు బాసారు. మరోవైపు హమాస్‌పై ఇజ్రాయెల్ యుద్ధం చేస్తోంది. తీవ్రదాడులతో ప్రతీకారం తీర్చుకుంటుంది. హమాస్‌‌పై వైమానిక దాడులు చేపట్టింది. ఈ పోరాటంలో కనీసం 30 మంది అధికారులు మరణించారు.

 

https://t.co/hwOoXEyp1Q

— أبوزيد الحسني الإدريسي (@bouzidi3131) October 8, 2023

హమాస్ భారీ మూల్యం చెల్లించుకోనుందని ఇజ్రాయెల్ ప్రధాని బెంజమిన్ నేతన్యాహూ పేర్కొన్నారు. ప్రస్తుతం యుద్ధం నెలకొంది. ‘‘ఇది ప్రత్యేక ఆపరేషన్ కాదు, రెచ్చగొట్టడం కాదు, ఇది యుద్ధం. ఇందులో విజయం మనదే’’ అంటూ దేశప్రజలను ఉద్దేశించి భీషణ ప్రతిజ్ఞ చేశారు. కాగా, ఇజ్రాయెల్‌పై ‘ఆపరేషన్ అల్ కాసా ఫ్లడ్’ ప్రారంభించినట్టు హమాస్‌కు చెందిన సాయుధ దళం ప్రకటించుకుంది.

మరోవైపు ఇజ్రాయెల్‌లోని భారతీయులు అప్రమత్తంగా ఉండాలని అక్కడి భారతీయ ఎంబసీ సూచన జారీ చేసింది. అనవసరంగా బయటకు రావద్దని, రక్షణ స్థావరాల్లో తలదాచుకోవాలని సూచించింది. భారతీయులు సంప్రదించేందుకు వీలుగా ఓ హెల్ప్‌లైన్, ఈ-మెయిల్ కూడా అందుబాటులోకి తెచ్చింది. మరోవైపు, రాకెట్ దాడులతో ధ్వంసమైన భవంతులు, తీవ్రగాయాల పాలైన ప్రజలతో ఆ ప్రాంతమంతా భయానక వాతావరణం నెలకొంది.

🛑 STOP EVERYTHING. WATCH THIS PLEASE.

Israeli family is held hostage by Hamas terrorists who took control of their house inside Israel. Just look at their faces. This is a crime against humanity.

I demand world leaders to take action. #Israel #IsraelUnderAttack… pic.twitter.com/vKuN1vcqD0

— Hananya Naftali (@HananyaNaftali) October 8, 2023

 

నిజానికి.. గతంలో ఇజ్రాయెల్ అనే దేశమే ఉండేది కాదు. కేవలం పాలస్తీనా మాత్రమే ఉండేది. కానీ.. మొదటి ప్రపంచ యుద్ధం సమయంలో యూరప్‌లో ఉండే యూదులంతా ప్రాణభయంతో పాలస్తీనాకు వచ్చారు. అప్పట్లో పాలస్తీనాలో అరబ్బులు ఎక్కువ సంఖ్యలో ఉంటే, యూదులు మాత్రం తక్కువ సంఖ్యలో ఉండేవారు. అయితే.. క్రమంగా యూదులు సంఖ్య పెరుగుతూ వచ్చింది. వీళ్లంతా ఇతర ప్రాంతాల నుంచి పాలస్తీనాకు తరలివచ్చారు. తమ సంఖ్యాబలం పెరిగాక.. ఇజ్రాయెల్ దేశాన్ని ప్రకటించారు. అంతేకాదు, ప్రపంచంలో యూదులు ఏ మూలన ఉన్నా సరే వారు తమ పౌరులేనని ప్రకటించింది. 1920 నుంచి 1940 వరకు వివిధ ప్రాంతాల నుంచి పెద్ద సంఖ్యలో యూదులు పాలస్తీనాకు తరలి వచ్చారు.

అయితే, ఆశ్రయం కోసం తమ ఇంటికొచ్చిన యూదులు.. ఇంటినే కొల్లగొట్టడాన్ని చూసి తట్టుకోలేక వారి ప్రకటనని పాలస్తీనియన్లు వ్యతిరేకించారు. అప్పటి నుంచి వీరి మధ్య యుద్ధం జరుగుతూ వస్తోంది. పాలస్తీనియన్లకు మద్దతుగా హమాస్ గ్రూపు పోరాటం చేస్తోంది. అయితే.. ఇజ్రాయెల్, యూఎస్, యూరోపియన్ యూనియన్, కెనడా, ఈజిప్ట్, జపాన్‌ వంటి దేశాలు హమాస్‌ను ఉగ్రవాద సంస్థగా ప్రకటించాయి.

Also Read: రిపోర్టింగ్‌ చేస్తుండగా పేలిన బాంబు.. ఆ మహిళా జర్నలిస్ట్‌ ధైర్యానికి సెల్యూట్‌..!

[vuukle]