ఈ ఘటన ములుగు జిల్లా ఏటూరు నాగారం మండలం శంకర్రాజుపల్లి గ్రామంలో చోటుచేసుకుంది. వివరాల్లోకి వెళితే.. శంకర్రాజుపల్లి గ్రామానికి చెందిన యానక బాబు గత కొంత కాలంగా మందుకు బానిసయ్యాడు. ఎప్పుడూ చూసినా ఫుల్ గా తాగి ఉండేవాడు. పని కూడా మానేసి మద్యం తాగుతూ తిరగడం మొదలుపెట్టాడు. ఎవరు ఎంత చెప్పినా మందు మాత్రం మానడం లేదు.

దీంతో కళ్ళ ముందే సొంత తమ్ముడు మద్యానికి బానిసై జీవితాన్ని, ఆరోగ్యాన్ని పాడు చేసుకోవడం చూడలేక అన్న యానక ముత్తయ్య అతడ్ని మందలించాడు. ఈ రోజు నుంచి తాగుడు బంద్ చేయాలని వార్నింగ్ ఇచ్చాడు. దీంతో ఆగ్రహం తెచ్చుకున్న బాబు అన్న మాటలను మనసులో పెట్టుకొని  రోకలి బండతో తాగిన మైకంలో విచక్షణ కోల్పోయి ముత్తయ్య తల ఇంకా మెడ పై బలంగా కొట్టి అక్కడి నుంచి పారిపోయాడు.

దీంతో తీవ్ర గాయాలతో ముత్తయ్య అక్కడికక్కడే ప్రాణాలు వదిలాడు. మృతుడి కుటుంబ సభ్యులు ఫిర్యాదు చేయడంతో నిందితుడు బాబు కోసం పోలీసులు వెతుకుతున్నారు. కేసు నమోదు చేసి దర్యాప్తు చేస్తున్నారు.