హైదరాబాద్ తరహాలో విశాఖలో ఐటి అభివృద్ధి చేయాలని దివంగత నేత వైయస్సార్ రుషికొండ హిల్స్ అభివృద్ధి చేశారని అన్నారు మంత్రి గుడివాడ అమర్నాథ్. అయితే, విభజన అనంతరం విశాఖలో ఐటి నిర్లక్ష్యానికి గురైందన్నారు. రాష్ట్ర విభజన తర్వాత పెద్ద ఐటి కంపెనీ తీసుకురావాలని ఏపీ ప్రభుత్వం ఇన్ఫోసిస్ విషయంలో చొరవ చూపిందని వెల్లడించారు. సెప్టెంబర్ నెలలోనే సేవలు ప్రారంభించడానికి ఇన్ఫోసిస్ ముందుకు వచ్చిందని మంత్రి అమర్నాథ్ తెలిపారు. ఇన్ఫోసిస్ ప్రతినిధులు, జిల్లా అధికారుల చొరవతో ఇన్ఫోసిస్ విశాఖలో సిద్ధమైందని వ్యాఖ్యనించారు. విశాఖలో ఇన్ఫోసిస్ రాక ఏపీలో ఐటి అభివృద్ధికి కీలకం కానుందని వ్యాఖ్యనించారు. దాదాపు1000 మంది ఉద్యోగులతో ఇన్ఫోసిస్ ను స్టార్ట్ చేయనున్నట్ల ఐటీ శాఖ మంత్రి గుడివాడ అమర్నాథ్ చెప్పారు.

Also Read: ఏపీలోని నిరుద్యోగులకు మంత్రి బొత్స శుభవార్త.. టెట్, డీఎస్సీ నోటిఫికేషన్ ఎప్పుడంటే?