అక్కడ కూడా అంతే:
ఇటు హైదరాబాద్‌తో పాటు తెలంగాణ వ్యాప్తంగా ఇదే పరిస్థితి నెలకొంది. ప్రతిచోటా అభ్యర్థులు నిరసనలు చేస్తున్నారు. కరీంనగర్‌లో మంత్రి గంగుల కమలాకర్ క్యాంపు కార్యాలయం వద్ద ఏబీవీపీ కార్యకర్తలు ముట్టడి చేసేందుకు ప్రయత్నించడంతో ఉద్రిక్తత నెలకొంది. విద్యాశాఖలోని సమస్యలను పరిష్కరించాలని డిమాండ్‌ చేస్తూ కార్యాలయ గేట్లు ఎక్కేందుకు ప్రయత్నించారు. పోలీసులు రంగ ప్రవేశం చేయడంతో పలువురు ఏబీవీపీ కార్యకర్తలను అదుపులోకి తీసుకున్నారు.

అటు సూర్యాపేట జిల్లాలో మంత్రి జగదీష్ రెడ్డి క్యాంపు కార్యాలయాన్ని ఏబీవీపీ కార్యకర్తలు ముట్టడించారు. పెండింగ్‌లో ఉన్న స్కాలర్‌షిప్‌లను విడుదల చేయాలని వారు డిమాండ్ చేశారు. పోలీసులు జోక్యం చేసుకునేందుకు ప్రయత్నించడంతో తోపులాట జరిగింది. పరిస్థితిని అదుపు చేసేందుకు పోలీసులు లాఠీచార్జి చేశారు.

ఒక్కొ పోస్టుకు ఎంతమంది అంటే?
మొత్తం 6వేలకు పైగా పోస్టులకు నోటిఫికేషన్‌ విడుదల చేసింది తెలంగాణ సర్కార్‌. అయితే ఖాళీలు ఎక్కువ ఉన్నాయని.. వాటిని కన్సిడర్‌ చేయకుండా తక్కువ పోస్టులకు నోటిఫికేషన్ రిలీజ్ చేశారని అభ్యర్థులు ఆందోళన చేస్తున్నారు. మెగా డీఎస్‌సీ విడుదల చేయకుండా కంటితుడుపుగా తెలంగాణ సర్కార్‌ వ్యవహరిస్తుందని ఆరోపిస్తున్నారు. మొత్తంగా భర్తీ చేసే 6,612 పోస్టులకు దాదాపు 4 లక్షలకుపైగా పోటీ పడే పరిస్థితి కన్పిస్తోంది. ఈ లెక్కన ఒక్కో పోస్టుకూ 61 మంది పోటీ పడుతున్నారు. ఇది భారీ పోటి.. అందుకే మెగా డీఎస్‌సీని డిమాండ్‌ చేస్తున్నారు అభ్యర్థులు. ఈ సారి TSPSC-TRT ద్వారా కాకుండా.. గతంలో లాగా డీఎస్సీ(DSC) ద్వారా ఈ ఉద్యోగాలను భర్తీ చేస్తున్నారు. సెప్టెంబర్ 15న టెట్‌ పరీక్ష ఉంటుందని సబితా చెప్పారు. అదే నెల 27న ఫలితాలు విడుదల చేస్తారని సమాచారం. కాంట్రాక్టు ఉద్యోగులను ఇప్పటికే క్రమబద్ధీకరించింది ప్రభుత్వం. తాజాగా డీఎస్సీ ద్వారా టీచర్ల భర్తీ చేపట్టనుండడంపై అభ్యర్థుల నుంచి మిక్సిడ్ రియాక్షన్స్‌ వస్తున్నాయి.20వేలకు పైగా ఖాళీలున్నాయని సమాచారం. మరోవైపు వివిధ విద్యాసంస్థల్లో ఖాళీగా ఉన్న పోస్టులను భర్తీ చేస్తున్నామని గతంలో సబితా స్పష్టం చేశారు. ఇంటర్‌, డిగ్రీ స్థాయిలో 3,140 పోస్టులకు సంబంధించిన భర్తీ ప్రక్రియ ప్రస్తుతం కొనసాగుతోందని క్లారిటీ ఇచ్చారు.

Read ALSO: నిరుద్యోగులకు శుభవార్త.. గ్రూప్ 1, గ్రూప్ 2 పోస్టులు భర్తీకి గ్రీన్ సిగ్నల్