అంతకు ముందు శుక్రవారం అమెరికా మార్కెట్లు నష్టాలతో ముగిసాయి. టెక్ స్టాక్స్ లో అమ్మకాల సెగ సూచీలను కిందకు లాగాయి. ఐరోపా మార్కెట్లు కూడా అదే బాటలో పయనించాయి. గాజాలో ఇజ్రాయెల్ దాడులు మదుపర్లను భయపెడుతున్నాయి.

Also Read:అమరావతి అసైన్డ్ భూముల కేసు వాయిదా

మరోవైపు రూపాయి రికార్డు కనిష్ట స్థాయికి పడిపోతోంది. దీనికి అనుగుణంగా రిజర్వ్ బ్యాంక్ (Reserve Bank) చర్యలు తీసుకుంటుందని తెలుస్తోంది. దేశీయంగా ఉన్న డాలర్ రిజర్వ్ లను విక్రయించి రూపాయి విలువ స్థిరపరిచేలా చర్యలు తీసుకుంటారని అంటున్నారు. అయితే రిజర్వ్ బ్యాంక్ దగ్గర డాలర్ నిల్వలు భారీ స్థాయిలో ఉండడం బలాన్ని ఇస్తోంది. ప్రస్తుతం 83.26 దగ్గర ఉన్న రూపాయి మారకం విలువ 83.24 దగ్గరకు రాగానే ఆర్బీఐ (RBI) చర్యలు తీసుకుంటుంది.

తగ్గేదేలే అంటున్న బంగారం…

ఇక బంగారం (Gold) కొనుగోలు చేసే వారికి ఇవాళ స్వల్ప ఊరట లభించింది. బంగారం ధర గ్రాముకు స్వల్పంగా పెరిగింది. మరోవైపు.. వెండి రేటు మాత్రం ఇవాళ స్థిరంగా ఉంది.అంతర్జాతీయ మార్కెట్లో క్రితం సెషన్‌లో బంగారం ధర భారీగా పెరిగింది. అయితే, ఇవాళ గోల్డ్ రేట్లు స్థిరంగా ఉన్నాయి. ప్రస్తుతం స్పాట్ గోల్డ్ రేటు ఔన్సుకు 1923 డాలర్ల వద్ద స్థిరంగా ట్రేడింగ్ అవుతోంది. మరోవైపు.. స్పాట్ సిల్వర్ రేటు ఒక ఔన్సుకు ప్రస్తుతం 22.61 డాలర్ల వద్ద అమ్ముడవుతోంది. ఇవాళ డాలర్‌తో పోలిస్తే రూ. 83.300 వద్ద అమ్ముడవుతోంది.హైదరాబాద్‌లో ఇవాళ బంగారం రేట్లు స్వల్పంగా పెరిగాయి. ప్రస్తుతం 22 క్యారెట్ల గోల్డ్ రేటు 10 గ్రాములకు రూ.10 పెరిగి ప్రస్తుతం రూ. 55 వేల 41 వేల వద్ద ఉంది. అలాగే 24 క్యారెట్ల గోల్డ్ రేటు తులానికి రూ. 10 పెరిగి రూ. 60 వేల 450 వద్ద ట్రేడింగ్ అవుతోంది.కిలో వెండి ధర మన హైదరాబాద్‌లో రూ. 77 వేల మార్క్ వద్ద స్థిరంగా కొనసాగుతోంది.