శేషాచలంలో ఎర్రచందనం స్మగ్లర్లు ఉన్నారని, వెయ్యిమంది వైసిపి కార్యకర్తలకు కర్రలిచ్చి పంపండంటూ సెటైర్లు వేశారు నారాయణ. చంద్రగిరి నుంచి వస్తున్న ఎర్రచందనం స్మగ్లర్లను తరిమికొట్టండని అన్నారు. ప్రభుత్వ పెద్దలకు తెలిసే ఎర్రచందనం అక్రమ రవాణా జరుగుతోందని ఆరోపించారు నారాయణ. ఎర్రచందనం స్మగ్లర్లను అరికట్టండని, నాటకాలు ఆడొద్దంటూ ప్రభుత్వ పెద్దలను హెచ్చరించారు సీపీఐ నేత. అలాగే రాష్ట్రంలో పెరుగుతున్న గంజాయి స్మగ్లింగ్‌పై తీవ్రంగా స్పందించారు నారాయణ. గంజాయి విక్రయాలకు సీఎం జగనే అసలు సూత్రధారి అంటూ తీవ్ర ఆరోపణలు చేశారాయన. ప్రత్యేక హోదా ఏమైంది? వైసీపీ ఎంపీలు ఎందుకు ప్రశ్నించడం లేదు? అంటూ నిలదీశారు. పనిలో పనిగా తెలంగాణ సీఎం కేసీఆర్‌ పైనా తీవ్ర విమర్శలు చేశారు. కేసీఆర్ తన కుమార్తె కవిత కాపాడుకునేందుకు మోడీకి సాగిలపడుతున్నారని విమర్శించారు. సీపీఐ చేపట్టిన బస్సుయాత్రకు ప్రజల నుంచి అపూర్వ స్పందన లభించిందని, బీజేపీకి ఎవరు మద్థతిచ్చినా ఆ పార్టీని రాష్ట్రాల్లో ఓడిస్తామని స్పష్టంగా ప్రకంటించారు నారాయణ.

విదేశాల్లో మోదీ దత్తపుత్రులు..

ఇదే సమయంలో ప్రధాని మోదీపైనా విమర్శలు గుప్పించారు సీపీఐ నారాయణ. విపక్షాలను చూస్తే ప్రదాని మోదీకి భయమేస్తోందన్నారు. మోడీ దత్తపుత్రులు విదేశాల్లో ఉన్నారని, వారంతా రూ. 14 లక్షల కోట్లు తినేశారని అన్నారు. అవినీతిపరులను దేశానికి తీసుకురావాలని డిమాండ్ చేశారు నారాయణ. దేశ వ్యాప్తంగా ప్రధాని మోడీ గ్రాఫ్ పడిపోతోందన్నారు.

చంద్రబాబుపై అరెస్ట్‌పై కామెంట్స్.

రాష్ట్ర విపక్ష నేత చంద్రబాబుకు ఐటీ నోటీసులు జారీ చేయడంపై సీపీఐ నేత నారాయణ స్పందించారు. చంద్రబాబుకు అండగా నిలిచే ప్రయత్నం చేశారాయన. చంద్రబాబు నాయుడిని ఎందుకు అరెస్ట్ చేస్తారంటూ ప్రశ్నించారు. ‘బాబును అరెస్ట్ చేయాలంటే చేయండి.. కానీ, కోట్ల రూపాయలు అక్రమంగా సంపాదించిన వ్యక్తి మాత్రం ముఖ్యమంత్రిగా ఉండొచ్చా?’ అని ప్రశ్నించారు నారాయణ.

Also Read:

Telangana: బీజేపీకి షాక్.. ఆ బంధం చూసి ఉండలేనంటూ పార్టీకి రాజీనామా చేసిన కీలక నేత..

Joe Biden: ఢిల్లీ చేరుకున్న అమెరికా అధ్యక్షుడు జో బైడెన్