బాధ్యతమైన పోలీస్ పదవిలో ఉంటు  తానే తప్పుడు మార్గంలోకి వెళ్లాడు కానిస్టేబుల్ శ్రీనివాసరావు. ఓ యువతితో అక్రమ సంబంధం పెట్టుకుని అడ్డంగా దొరికిపోయాడు. గుంటూరులో శ్రీనివాసరావు అనే వ్యక్తి కానిస్టేబుల్ గా విధులు నిర్వహిస్తున్నాడు. ఈయనకు ప్రకాశం జిల్లాకు చెందిన యువతితో వివాహం జరిగింది.అయితే, ఇదే సమయంలో మరో యువతితో కూడా వివాహేతర సంబంధాన్ని కొనసాగిస్తున్నాడు. భర్తపై అనుమానం వచ్చిన భార్య అసలు విషయం తెలుసుకుంది. భర్త వేరే యువతితో అక్రమ సంబంధం పెట్టుకున్నాడని గ్రహించింది. ఈ క్రమంలో భార్యాభర్తల మధ్య తరచుగా గొడవలు జరుగుతుండేవి.అయితే, ఎంత చెప్పిన  భర్త మారకపోవడంతో భార్యకు విసుగుపుట్టింది. ఎలాగైన భర్తకు బుద్ది చెప్పాలని అనుకుంది.

Also Read: పవన్ రాజకీయాలకు అన్ ఫిట్ : మంత్రి అంబటి

గుంటూరులో ఓ లాడ్జిలో సదరు యువతితో భర్త శ్రీనివాసరావు ఉన్నాడని భార్య తెలుసుకుంది. వెంటనే ఆమె బంధవులకు సమాచారం అందించింది. కానిస్టేబుల్ భార్య, బంధువులు ఆ లాడ్జి దగ్గరకు చేరుకున్నారు. కానిస్టేబుల్ నిర్వకంపై పోలీసులకు సైతం సమాచారం అందించింది. అక్కడి వెళ్లి చూడడంతో కానిస్టేబుల్ శ్రీనివాసరావు రెడ్ హ్యాండెడ్ గా దొరికిపోయాడు. దీంతో, లాడ్జికి చేరుకున్న పోలీసులు ఆయనను, యువతిని అక్కడికక్కడే అరెస్ట్ చేసి పోలీస్ స్టేషన్ కు తరలించారు.