మరోవైపు ఇవాళ మధ్యాహ్నం అనారోగ్యం కారణంగా తాడేపల్లిలోని మణిపాల్ హాస్పిటల్ లో గవర్నర్ చేరిన సంగతి తెలిసిందే. మణిపాల్ హాస్పిటల్ వైద్యులు ప్రాథమిక వైద్య పరీక్షలు నిర్వహించారు. ఈ వైద్యపరీక్షల్లో గవర్నర్ అక్యూట్ అపెండిసైటిస్ తో బాధ పడుతున్నట్లు వైద్యులు నిర్ధారించారు. అనంతరం ఆయనకు రోబో సాయంతో ‘అపెండెక్టమీ’ అనే సర్జరీ చేసినట్లు పేర్కొన్నారు. సర్జరీ విజయవంతం అయిందని.. ప్రస్తుతం ఆయన ఆరోగ్య పరిస్థితి నిలకడగా ఉందని తెలిపారు.

తిరుమల తిరుపతి పర్యటను వెళ్లిన జగన్ ముందుగా శ్రీనివాస సేతు ఫ్లై ఓవర్‌(Srinivasa setu flyover)ని ప్రారంభించారు. మొత్తం 684 కోట్ల రూపాయలతో ఈ ప్రాజెక్టుకు టీటీడీ, తిరుపతి స్మార్ట్ సిటీ కార్పొరేషన్ లిమిటెడ్ సంయుక్తంగా 67:33 సహకారంతో నిధులు సమకూర్చాయి. ఎలివేటెడ్ ఎక్స్‌ప్రెస్‌వే తిరుమలకు వెళ్లే భక్తులకు ఇబ్బంది లేని కదలికను అందించడం ద్వారా ఆలయ నగరంలోని వివిధ ప్రాంతాలను కలుపుతూ రూపొందించారు. అనంతరం టీటీడీ ఉద్యోగులకు ఇళ్ల పట్టాలను పంపిణీ చేశారు.