అధిక లాభం ఆశతో..

ఆన్‌లైన్ మోసంతో ఓ మహిళ రూ.34 లక్షలు మోసపోయింది. గూగుల్ మ్యాప్ రివ్యూ వర్క్ నిమిత్తం ఆఫర్ పేరుతో సెన్‌ఫోన్‌లో వచ్చిన లింక్‌ను ఓపెన్‌ చేసింది. అయితే లింక్‌ పెట్టిన ప్రతి పైసాకి 40 శాతం లాభం పొందవచ్చు అంటూ లింక్‌నిర్వాహకులు ఆఫర్ ఇచ్చారు. దీంతో వ్యాపారం బాగుందని అనుకున్న బాధితురాలు అన్నపూర్ణ చెల్లింపులు మొదలుపెట్టింది. మొదట రూ.500 చెల్లించిన బాధితురాలు అన్నపూర్ణకు 40 శాతం లాభం వచ్చింది. దీంతో మరింత ఆకర్షితురాలైన అన్నపూర్ణ విడతల వారీగారూ. 30 లక్షలకుపైగా పోగొట్టుకుంది. చివరకు మోసపోయినని తెలుసుకున్న బాధితురాలు ఏలూరు త్రీ టౌన్ పోలీసులను ఆశ్రయించింది.

ప్రజలు అప్రమత్తంగా ఉండాలి

పోలీసుల వివరాల ప్రకారం.. ఏలూరు జిల్లాలో బీటెక్ విద్యార్థినికి సైబర్ నేరగాళ్లు టోకరా చేశారని తెలిపారు. వట్లూరుకు చెందిన బీటెక్ విద్యార్థిని నుంచి ఆన్‌లైన్ టాస్క్ పేరుతో రూ.34 లక్షలు సైబర్ నేరగాళ్లు వసూళ్లు చేశారని సీఐ తెలిపారు. దశల వారీగా రూ.34 లక్షలు బాధితురాలు పొగొట్టుకుందని పోలీసులు వెల్లడించారు. బాధితురాలు అన్నపూర్ణ త్రీ టౌన్ పోలీసులను ఆశ్రయించగా.. స్పందించిన త్రీ టౌన్ సీఐ శివాజీ ఆర్టీవీతో మాట్లాడారు..ఆన్‌లైన్ మోసాల పట్ల ప్రజలు అప్రమత్తంగా ఉండాలని ఆయన విజ్ఞప్తి చేశారు. అపరిచిత వెబ్ సైట్లతో ప్రజలు మోసపోతున్నారని వెల్లడించారు. బాధితురాలి ఫిర్యాదుతో రూ.5 లక్షల ఫ్రీజ్ చేశామని సీఐ శివాజీ తెలిపారు.

ఇది కూడా చదవండి: బాలికపై వాలంటీర్ దాష్టీకం..ఆధార్ కావాలంటూ ఇంట్లోకి వెళ్లి అఘాయిత్యం