ఆయుర్వేదానికి ఆదరణ

జిల్లా కేంద్రమైన సిద్ధిపేట పోలీసు కన్వెన్షన్ హాల్‌లో తెలంగాణలో ఆయుర్వేదిక్ వైద్యులకు బీఆర్ఎస్‌ హయాంలో ఆయుర్వేదానికి లభిస్తున్న ఆదరణకు విశ్వ ఆయుర్వేద పరిషత్ ఆయూష్ రాష్ట్ర అధ్యక్షుడు శ్రీరంగపాణి, సమన్వయ కర్త శ్రీనివాస్‌రెడ్డి, కార్యదర్శి కిషన్‌రెడ్డి ఆధ్వర్యంలో కృతజ్ఞత సభ నిర్వహించారు. ఈ సభలో మంత్రి హరీష్‌రావు పాల్గొని మాట్లాడుతూ.. ఆయుర్వేద వైద్యులకు హెల్త్ అండ్ వెల్ నెస్ సెంటర్లలో సేవలు అందించే ఒక గొప్ప అవకాశాన్ని తెలంగాణ ప్రభుత్వం కల్పించింది. 1154 మందికి ఎంఎల్‌హెచ్‌పీగా అవకాశం కల్పించాం. మొత్తం 3071 మందిలో మీరు మూడో వంతు ఉన్నారు. కరోనా సమయంలో ప్రపంచమంతా తలకిందులైతే, ఆయుర్వేదం ఒక్కటే భరోసాను ఇచ్చింది. ప్రభుత్వ ఆయుర్వేద ఫార్మసీ ద్వారా తయారు చేసిన జీవన్ ధార అనే ఔషధాన్ని ప్రభుత్వం ఉచితంగా సరఫరా చేసింది.

అగ్రస్థానంలో ఉన్నాం

కరోనా సెకండ్ వేవ్‌లో సోకిన బ్లాక్ ఫంగస్ వ్యాధి ప్రపంచాన్ని భయపెట్టింది. మందులు కూడా లేని సమయంలో సీఎం కేసీఆర్ ఆదేశాల మేరకు ఆయుర్వేద కళాశాల వైద్య బృందం ఎంతో పరిశోధించి బ్లాక్ ఫంగస్‌కు మెడిసిన్ ఆవిష్కరించింది. బ్లాక్ ఫంగస్‌కు ఔషధం కనుగొనడం తెలంగాణలో జరగటం మనందరికి గర్వకారణం. క్వారెంటైన్ సెంటర్‌గా ఆయుష్‌కు సంబంధించిన 4 ఆసుపత్రులు నేచురోపతి, టిబ్బి, బీఆర్కేఆర్, హోమియో ఆస్పత్రులు విశేష సేవలందించాయి. రెండు దఫాలుగా చేసుకున్న కంటి వెలుగు కార్యక్రమంలో మీరు మంచి సేవలు అందించారు. మీ అందరికీ అభినందనలు. శుభాకాంక్షలు. వైద్య రంగంలో అగ్రస్థానంలో ఉన్న తెలంగాణ ఆయుష్ చికిత్సల్లో కూడా అగ్రస్థానంలో ఉండాలని సీఎం కేసీఆర్ ఆలోచన.

అన్ని రంగాల్లో హబ్‌

హైదరాబాద్‌లో చికిత్స పొందేందుకు దేశ విదేశాల నుంచి ఇక్కడికి పేషెంట్లు వస్తుంటారు. ఆయుష్ వైద్యం పొందేందుకు సైతం విదేశాల నుంచి ఇక్కడికి వచ్చేలా ఎదగాలి. ప్రకృతి వైద్యానికి తెలంగాణ కేరాఫ్ అడ్రస్‌గా నిలిపేలా ప్రయత్నం చేస్తున్నాం. ఇందులో మీ అందరి భాగస్వామ్యం కావాలి. సనాతన భారతీయ వైద్యాన్ని ప్రోత్సహించేందుకు తెలంగాణ ప్రభుత్వం కృషి చేస్తున్నది. తెలంగాణలో 834 ఆయుష్ డిస్పెన్సరీలు, 5 కాలేజీలు, 4 రీసెర్చ్ హాస్పిటల్స్ ఉన్నాయి. సిద్ధిపేట, వికారాబాద్, భూపాలపల్లిలో 50 పడకల కొత్త ఆయుష్ ఆస్పత్రుల నిర్మాణాలు జరుగుతున్నాయి. అన్నీ జిల్లాలకు విస్తరించే ఆలోచన సీఎం చేస్తున్నారు. అనంతగిరి హిల్స్‌లో జిందాల్ ఆయుర్వేద ఆస్పత్రిని మించి సెంటర్ ప్రారంభిస్తాం. హైద్రాబాద్ ప్రతి రంగంలో హబ్‌గా మారుతున్నది. ఫార్మా, టికా, ఐటీ రంగంలో వైద్యంలో కూడా తెలంగాణ హబ్‌గా మారింది. ఇపుడు ఆయుర్వేదంలో కూడా హబ్‌గా మారుతుంది. 9 ఏండ్లలో వైద్య రంగంలో ఎంతో అభివృద్ధి చెందింది. నీతి అయోగ్ ఇండెక్స్‌లో 2014లో తెలంగాణ 11 ఉంటే, ఇప్పుడు 3వ స్థానానికి ఎగబాకిందని మంత్రి హరీష్‌రావు తెలిపారు.

వెయ్యి కోట్ల ఆస్తి ఉంది

ఎమ్మెల్యే ముత్తిరెడ్డి వివాదంలో చిక్కుకున్నారు. చేర్యాలలోని పెద్ద చెరువు మత్తడి స్థలానికి ముత్తిరెడ్డి కబ్జా చేశారు. ఆ స్థలాన్ని కూతురు పేరుపై ముత్తిరెడ్డి రిజిస్ట్రేషన్ చేశారు. స్థలం కబ్జాపై గతంలో విపక్షాలు ముత్తిరెడ్డిపై మండిపడ్డాయి. తన పేరుతో అక్రమ రిజిస్ట్రేషన్ చేశారంటూ ఇటీవల హైదరాబాద్ పోలీసులకు ముత్తిరెడ్డి కూతురు ఫిర్యాదు చేసిన విషయం తెలిసిందే. తన పేరుపై ఉన్న 1270 గజాల స్థలాన్ని మున్సిపాటిలీకి అప్పగిస్తానని ముత్తరెడ్డి కుమార్తె తుల్జాభవాని చెప్పారు. స్థలంలో క్షమాపణ కోరుతూ తుల్జా భవాని బోర్డు ఏర్పాటు చేసిన విషయం తెలిసిందే. మా నాన్న ఇలా చేసి ఉంటడాల్సింది కాదని తుల్జాభవాని తెలిపారు. ముత్తిరెడ్డి ఎమ్మెల్యే కాకముందే వెయ్యి కోట్ల ఆస్తి ఉందని, తప్పు జరిగిందని, మా నాన్న చేసిన పనికి క్షమించాలని ఆ గ్రామస్థులను కోరారు. కోర్టు ద్వారా ఆ స్థలాన్ని కలెక్టర్‌కు అప్పగిస్తానని ముత్తిరెడ్డి కుమార్తె వివరణ ఇచ్చారు.

ఎన్ని నకిలీ పత్రాలపై ఉన్నాయో తెలియదు

చేర్యాల పట్టణంలోని సర్వే నంబర్ 1402లో తన పేరు మీద నమోదైన భూమి మత్తడి భూమి అని.. అది ప్రభుత్వ ఆస్తి అని భవానీ చెబుతున్నారు. 2020లో నకిలీ పత్రాలతో రిజిస్ట్రేషన్ జరిగిందని.. కానీ 2022 జూలైలో అది లిటిగేషన్‌లో పడినప్పుడు మోసం గురించి తనకు తెలిసిందని అంటున్నారు. హైకోర్టు, లోకాయుక్తలో దాఖలు చేసిన పిటిషన్లనలో కూడా తన సంతకం ఫోర్జరీ చేయబడిందని ఆరోపించారు. తన తండ్రి అధికార పార్టీకి చెందిన ఎమ్మెల్యే కావడంతో సబ్‌ రిజిస్ట్రార్‌ కార్యాలయంలో తాను లేకుండానే భూ రిజిస్ట్రేషన్‌ ప్రక్రియను పూర్తి చేశారని అన్నారు. తన నకిలీ సంతకాలు ఎన్ని పత్రాలపై ఉన్నాయో కూడా తెలియడం లేదని ఆమె చెబుతున్నారు. చాలా పోరాటం తర్వాత నేను చేర్యాల భూమి కాగితాలను పొందగలిగానని తుల్జా భవానీరెడ్డి చెప్పారు.

అయితే తన కూతురు ఆరోపణలను ముత్తిరెడ్డి యాదగిరి రెడ్డి ఖండించారు. చేర్యాలలోని ఆ భూమి ప్రభుత్వ ఆస్తి కాదని పేర్కొన్నారు. ఎన్నికల ఏడాది కావడంతో ప్రతిపక్షాలు తనపై బురదజల్లేందుకు ప్రయత్నిస్తున్నాయని ఎమ్మెల్యే విమర్శించారు.