Trinath

Health Tips: ఆ సమయంలో పాలు తాగుతున్నారా? మీరు డేంజర్‌లో పడినట్టే బాసూ!

Published on September 4, 2023 7:33 am by Trinath

Drinking milk effects: పాలు(Milk) తాగాలి.. కానీ ఎప్పుడు తాగాలి.. ఎంత తాగాలి అన్నది ముఖ్యం.. ఇక అందరికి అన్ని సెట్ అవ్వాలని లేదు.. కొంతమంది బాడీకి లాక్టోస్‌ సెట్ అవ్వదు. లాక్టోస్ అనేది మీరు పాలకు జోడించే చక్కెర. ఇది రుచికరంగా ఉంటుంది. ఏదేమైనా, నేషనల్ డైజెస్టివ్ డిసీజెస్ ఇన్ఫర్మేషన్ క్లియరింగ్ హౌస్ ప్రకారం, చాలా మంది లాక్టోస్ ఇన్‌టాలరెన్స్‌ కలిగి ఉంటారు. దీని వల్ల వారు పాలకు దూరంగా ఉంటారు. ఇక రాత్రి దీనిని తాగడం వల్ల గ్యాస్, ఉబ్బరం, నొప్పులు, తిమ్మిరి లాంటి సమస్యలు వస్తాయి. జీర్ణ సమస్యలను కూడా పెంచుతుంది.

నైట్‌ నిద్రపోయే ముందు పాలు ఎందుకు తాగకూడదు? :

గ్లూకోజ్ స్థాయిలు పెరగడం:
లాక్టోస్ లేదా పాల అలెర్జీ ఉన్నవారికి, మీరు పాలకు చక్కెరను జోడిస్తే గ్లూకోజ్ తక్షణ రక్తంలో షుగర్‌ లెవల్స్‌ పెరుగుతాయి.

బరువు పెరగడం:
చాలాసార్లు.. బరువు తగ్గడానికి ప్రయత్నిస్తున్న వ్యక్తులు అనవసరమైన కేలరీలను నివారించడానికి నిద్రపోయే ముందు పాలు తాగుతారు. అయితే పడుకునే ముందు ఒక గ్లాసు పాలు తాగితే బరువు పెరుగుతారని ఆరోగ్య నిపుణులు అంటున్నారు. పోషకాహార నిపుణుల అభిప్రాయం ప్రకారం, ఒక గ్లాసు పాలలో సుమారు 120 కేలరీలు ఉంటాయి. నిద్రపోయే ముందు పాలు తాగితేమీ జీర్ణ ప్రక్రియ మందగిస్తుంది. ఎందుకంటే బెడ్‌ టైమ్‌కి ముందు తీసుకునే కేలరీలను బర్న్ చేయడం కొంచెం కష్టం.

అజీర్ణం:
రాత్రి నిద్రపోయే ముందు పాలను ఎక్కువగా తాగడం వల్ల కూడా జీర్ణ సమస్యలు వస్తాయి. పాలు తాగిన తర్వాత మీరు చాలా త్వరగా పడుకుంటే. ఇది జీర్ణక్రియను కష్టతరం చేస్తుంది. మీ జీర్ణవ్యవస్థ రివర్స్‌లో ప్రయాణించడానికి కారణమవుతుంది.
ఇది గ్యాస్ట్రోఎసోఫాగియల్ రిఫ్లక్స్‌కి కారణమవుతుంది. ఛాతీ నొప్పి, గుండెల్లో మంట లాంటి లక్షణాలను మీరు గమనించవచ్చు. ఇది నైట్‌ స్లీప్‌ని కూడా డిస్టర్బ్ చేస్తుంది.

పాలు తాగడానికి ఉత్తమ సమయం:
నేషనల్ స్లీప్ ఫౌండేషన్ ప్రకారం.. బెడ్‌ టైమ్‌కి ముందు పాలు తాగితే నిద్రకు కూడా ఆటంకం కలగవచ్చు. అయితే నిద్రకు రెండు నుంచి మూడు గంటలు ముందు పాలు తాగితే మాత్రం చాలా బెనిఫిట్స్‌ ఉన్నాయట. స్లీప్‌కి 2-3గంటల ముందు పాలు తాగితే అది బాగా నిద్రపోవడానికి కూడా సహాయపడతాయని అధ్యయనాలు చెబుతున్నాయి. పాలలో ట్రిప్టోఫాన్ ఉందని, ఇది మెలటోనిన్ను పెంచుతుందని… అందుకే డీప్‌ స్లీప్‌కి దారితీస్తుందని నిపుణులు అంటున్నారు. నిజానికి తినడం, తాగడం ఏది చేసినా వెంటనే బెడ్‌ ఎక్కి నిద్రపోవద్దు.

ALSO READ: రోజూ తమలపాకులు తింటున్నారా..? అయితే మీరు ఆరోగ్యంగా ఉన్నట్లే..

ASLO READ: ఆర్థిక ఇబ్బందులకు ఇవే కారణం..ఎవరినైనా నమ్మితే అంతే సంగతులు!

Telangana polls: టీ.బీజేపీ నుంచి అసెంబ్లీ టికెట్ కావాలా? ఇవాళ్టి నుంచి అప్లికేషన్లు పెట్టుకోవచ్చు!

Published on September 4, 2023 7:04 am by Trinath

BJP Invites Applications from Assembly Ticket Aspirants: తెలంగాణ(telangana)లోని 119 అసెంబ్లీ స్థానాలకు అభ్యర్థులను ఖరారు చేసే ప్రక్రియను ప్రారంభించనుంది బీజేపీ(BJP). బీఆర్‌ఎస్‌(BRS), కాంగ్రెస్‌(congress)తో కంపేర్ చేస్తే బీజేపీ ఆలస్యం అయినప్పటికీ, టికెట్ ఆశించే వారి నుంచి దరఖాస్తుల స్వీకరణ ప్రక్రియను పూర్తి చేయడానికి ఓ టైమ్‌లైన్‌ను సెట్ చేసింది. సెప్టెంబరు 4(ఇవాళ్టి) నుంచి సెప్టెంబర్‌ 10 వరకు టికెట్ల కేటాయింపునకు దరఖాస్తులు స్వీకరించాలని బీజేపీ నిర్ణయించింది. హైదరాబాద్‌(Hyderabad)లోని పార్టీ కేంద్ర కార్యాలయంలో ఈ ఏడు రోజుల్లో ఉదయం 10 గంటల నుంచి సాయంత్రం 4 గంటల వరకు దరఖాస్తులు స్వీకరిస్తారు.

అబ్బో ఇంత టైమా?
తెలంగాణ బీజేపీ నుంచి అసెంబ్లీ సీట్‌కి పోటి చేయలనుకునే అభ్యర్థులు అప్లికేషన్‌ విషయంలో కాస్త ఎఫెర్ట్ పెట్టాల్సి ఉంటుంది. ఎందుకంటే ఆ ఫారమ్‌ ఫిల్ చేయడానికే ఒకటి రెండు రోజులు పడుతుందన్న ప్రచారం జరుగుతోంది. అభ్యర్థులు రాజకీయపరంగా ఏ చిన్న విషయాన్ని దాచిపెట్టకుండా ఫారమ్‌ నింపాల్సి ఉంటుంది. బీజేపీలో ఎప్పటినుంచి యాక్టివ్‌గా ఉంటున్నారు.. గతంలో పోటి చేశారా? ఒకవేళ పోటి చేసి ఉంటే ఎన్ని ఓట్లు పడ్డాయి..? ప్రజల కోసం ఏం ఏం చేశారు..? ఇప్పటివరుక ఎలాంటి పోరాటాల్లో పాల్గొన్నారు.. వాటికి సంబంధించి పేపర్ క్లిప్పింగ్‌లు ఉన్నాయా..? గెలిస్లే ఏం చేస్తారు లాంటి ప్రశ్నలు చాలానే ఉన్నాయి. కేవలం అప్లికేషన్‌ చూసే మొత్తండి డిసైడ్ అవ్వాలని బీజేపీ పెద్దలు భావిస్తున్నట్టు సమాచారం. అంటే క్రాస్‌ చెకింగ్‌ కూడా ఉండవచ్చు కానీ అప్లికేషన్‌ మాత్రం మొత్తం నింపాల్సిందే!

బీఆర్‌ఎస్‌, కాంగ్రెస్‌ దూకుడు:
అటు బీజేపీ కంటే కాస్త ముందుగానే ఎన్నికల శంఖారావాన్ని పూరించాయి బీఆర్‌ఎస్‌, కాంగ్రెస్‌. కేసీఆర్‌ పార్టీ అయితే ఏకంగా అభ్యర్థులనే ప్రకటించేసింది. తెలంగాణలోని 119 స్థానాలకు 115 స్థానాల్లో బీఆర్‌ఎస్‌ తన అభ్యర్థులను తొలిసారిగా ప్రకటించింది. అటు కాంగ్రెస్ కూడా అభ్యర్థుల ఎంపికను ప్రారంభించింది. ప్రదేశ్ ఎన్నికల కమిటీ (పీఈసీ) టికెట్ ఆశించిన వారి నుంచి 1,000 కంటే ఎక్కువ దరఖాస్తులను పరిశీలించింది. ఈ ప్రక్రియను ప్రారంభించడం ఇప్పుడు బీజేపీ వంతు. మెజారిటీ స్థానాల నుంచి పోటీ చేయడానికి బలమైన నాయకులు లేని కాషాయ పార్టీ.. సెప్టెంబర్ 4 నుంచి 10 వరకు టిక్కెట్ల కేటాయింపు కోసం దరఖాస్తులను స్వీకరించాలని నిర్ణయించింది. అయితే దరఖాస్తుదారుల నుండి రూ. 50,000 నాన్-రిఫండబుల్ ఫీజు (ఎస్సీ, ఎస్టీ అభ్యర్థులకు 25,000) వసూలు చేసిన కాంగ్రెస్‌లా కాకుండా, బీజేపీ ఎలాంటి రుసుము వసూలు చేయడంలేదు. నెలాఖరులోపు అభ్యర్థులను షార్ట్ లిస్ట్ చేయాలని భావిస్తున్నారు. ఈ జాబితాను జాతీయ నాయకత్వం పరిశీలించి, అభ్యర్థులను ఖరారు చేసి వారి పేర్లను ప్రకటిస్తుందని సమాచారం.

కీ పాయింట్స్:

➼ ఎంపీలందరూ అసెంబ్లీ స్థానానికి పోటీ చేసి భవితవ్యం తేల్చుకోవాలని తేల్చి చెప్పిన బీజేపీ అధిష్టానం..

➼ అసెంబ్లీ స్థానానికి పోటీ చేసేందుకు సుముఖంగా లేని కొత్త మంది నేతలు

➼ ఎంపీ స్థానాలకు పోటీ చేసేందుకు సిద్ధంగా ఉన్న నేతలు అసెంబ్లీ స్థానాలకు దరఖాస్తులు పెట్టుకుంటారా లేదా అనేది ఆసక్తి..

ALSO READ: కాంగ్రెస్ పార్టీలో చేరడానికి తుమ్మల పెట్టిన కండీషన్స్ ఇవే.. మరి కాంగ్రెస్ ఒప్పుకునేనా..?

Asia cup: మరోసారి వర్షం గండం.. నేపాల్‌తో టీమిండియా ఢీ..బుమ్రా అవుట్!

Published on September 4, 2023 6:37 am by Trinath

India vs Nepal Asia Cup 2023: ఈ వర్షం ఏంటో అర్థంకాదు.. మరోసారి ఇండియా మ్యాచ్‌కే దర్శనమిచ్చేలా ఉంది. ఆసియా కప్‌(asia cup)లో భాగంగా ఇప్పటికే టీమిండియా ఆడిన ఒకే ఒక మ్యాచ్‌ రెయిన్‌ కారణంగా రద్దయింది. ఇవాళ పసికూన నేపాల్‌తో భారత్‌ తలపడనుండగా.. మరోసారి వర్షం(Rain) అడ్డంకిగా మారే సూచనలున్నాయిని వాతావరణశాఖ చెబుతోంది. శ్రీలంక(Srilanka) క్యాండీలోని పల్లెకెలె అంతర్జాతీయ క్రికెట్ స్టేడియంలో భారత్, నేపాల్(Nepal) మధ్య ఇవాళ జరగనున్న మ్యాచ్‌ సమయంలో 80శాతం వర్షం కురిసే అవకాశం ఉంది. ఇప్పటికే ఒక మ్యాచ్ వాష్ అవుట్ అయ్యింది. ఈ మ్యాచ్‌ కూడా వర్షం కారణంగా రద్దవుతుందేమోనని క్రికెట్ ఫ్యాన్స్‌ ఆందోళన చెందుతున్నారు. అలా జరగకూడదని కోరుకుంటున్నారు.

టాప్‌ అట్టర్‌ఫ్లాప్‌:
పాకిస్థాన్‌తో జరిగిన తొలి మ్యాచ్‌లో టీమిండియా టాప్‌-4 బ్యాటర్లు నిరాశ పరిచారు. పాక్‌ పేసర్ల దాటికి చేతులెత్తేశారు. రోహిత్‌,గిల్‌,కోహ్లీ,అయ్యర్‌ వికెట్లు పారేసుకున్నారు. వీరిలో రోహిత్, గిల్‌, కోహ్లీ క్లీన్‌ బౌల్డ్ అయ్యారు. రెండు బౌండరీలు బాది టచ్‌లోనే ఉన్నట్టు కనిపించిన రోహిత్‌ని షాహీన్‌ ఆఫ్రిది బౌల్డ్ చేయగా.. అదే ఊపులో కోహ్లీని కూడా పెవిలియన్‌ దారి పట్టించాడు. ఇక గిల్‌ గురించి ఎంత తక్కువ చెప్పుకుంటే అంతమంచిది. అసలు ఆడుతున్నది వన్డేనా టెస్టు మ్యాచానని అనుమానం వచ్చేలా సాగింది గిల్‌ ఆటతీరు. 32 బంతులు ఆడి 10 పరుగులే చేశాడు. అవి కూడా అతి కష్టం మీద చేశాడు. అసలు బాల్‌ని బ్యాట్‌ టచ్‌ చేయడానికే ఇబ్బంది పడ్డాడు. ఇక చాలా కాలం తర్వాత టీమిండియాలోకి ఎంట్రీ ఇచ్చిన అయ్యర్‌ వరుససెట్టి రెండు బౌండరీలు బాదాడు.. రన్‌రేట్ పెంచే క్రమంలో దూకుడుగా ఆడాడు..కానీ 14రన్స్‌కే అవుట్ అయ్యాడు.

ఆ ఇద్దరిపైనే మరోసారి ఫోకస్‌:
ఇటివలి కాలంలో ఫామ్‌ పరంగా ఎక్కువగా విమర్శలు ఎదుర్కొన్న ప్లేయర్‌ హార్దిక్‌ పాండ్యా. గత మ్యాచ్‌లో పాక్‌పై ప్రదర్శనతో విమర్శలకు చెక్‌ పెట్టాడు పాండ్యా. ఆపదలో ఉన్నప్పుడు తాను ఎలాంటి విలువైన ఆటగాడినోనని నిరూపించుకున్నాడు. అటు నంబర్‌-5 పొజిషన్‌లో ఫస్ట్ టైమ్‌ బ్యాటింగ్‌కి వచ్చిన ఇషాన్‌కిషన్‌ దుమ్మురేపాడు.. 82 బంతుల్లో 81 పరుగులు చేసి ఔరా అనిపించాడు. అటు ఆసియా కప్ కోసం శ్రీలంకలో ఉన్న జస్ ప్రీత్ బుమ్రా.. ఉన్నపళంగా ఇండియాకు బయలు దేరాడు. వ్యక్తిగత కారణలతోనే బుమ్రా ఇండియాకి తిరిగి వచ్చినట్టు సమాచారం. ఇక ఈ మ్యాచ్ కు కూడా వర్షం ముప్పు పొంచి ఉంది. ఒకవేళ ఈ మ్యాచ్ కూడా వర్షం కారణంగా రద్దయితే అప్పుడు భారత్ సూపర్ 4కు చేరుకుంటుంది. ఎందుకంటే నేపాల్‌ ఇప్పటికే ఒక మ్యాచ్‌ ఓడిపోయి ఉంది.

టీమిండియా తుది జట్టు (అంచనా):
1. రోహిత్ శర్మ (కెప్టెన్)

2. శుభమాన్ గిల్

3. విరాట్ కోహ్లీ

4. శ్రేయాస్ అయ్యర్

5. ఇషాన్ కిషన్ (వికెట్ కీపర్)

6. హార్దిక్ పాండ్యా

7. రవీంద్ర జడేజా

8. శార్దూల్ ఠాకూర్

9. మహ్మద్ షమీ

10. కుల్దీప్ యాదవ్

11. మహ్మద్ సిరాజ్

ALSO READ: టీమిండియా వరల్డ్‌కప్ తుది జట్టు ఖరారు!

Sleep Anxiety: నిద్రలేమితో బాధపడుతున్నారా? ఇలా చేయండి.. హాయిగా బొజ్జుంటారు!

Published on September 2, 2023 9:59 pm by Trinath

Sleep Anxiety: మార్నింగ్‌ నిద్రలేచిన దగ్గర నుంచి నైట్ బెడ్‌ ఎక్కేవరకు చాలా మంది చాలా ప్రశాంతంగా కనిపిస్తారు.. కానీ బెడ్‌ ఎక్కిన తర్వాత నిమిషమే వారిలో తెలియని ఆందోళన మొదలవుతుంది. కొంచెం భయం భయంగా.. మనకి ఏదో జరుగుతున్నట్టు టెన్షన్‌ టెన్షన్‌గా అనిపిస్తుంటుంది. ఓవర్‌ థింకింగ్‌ అవహించే సమయం అది. ఆ రోజు జరిగిన విషయాలపై ఆందోళన.. రేపు ఏం జరగబోతుందోనన్న ఫీలింగ్‌తో నిద్రపట్టదు. ఇది చాలా రోజులు కంటిన్యూ అవుతూనే ఉంటే మీరు స్లీప్‌ ఎంగ్జైటీతో బాధపడుతున్నట్టే లెక్క! ఆందోళన, ఒత్తిడి నిద్రపోనివ్వకుండా ఆపుతాయి. ఆందోళన కలిగి ఉండటం నిద్ర సమస్యలను కలిగిస్తుంది.. నిద్ర లేమి కూడా ఆందోళనను రేకెత్తిస్తుంది. మీకు నిద్ర పట్టకపోతే, మీరు పడుకోవడానికి, మేల్కొనడానికి భయపడవచ్చు.

స్లీప్ ఎంగ్జైటీ లక్షణాలు:

➼ నిద్రపోవడంలో ఇబ్బంది

➼ ఏకాగ్రతలో ఇబ్బంది

➼ ఆందోళన

➼ జీర్ణశయాంతర సమస్యలు

➼ పీడకలలు

➼ రాత్రి భయాలు

సాధారణ ప్రభావాలు:

➼ మీ మానసిక స్థితిని ప్రతికూలంగా ప్రభావితం చేస్తుంది

➼ పని లేదా స్కూలు వద్ద పేలవమైన పనితీరుకు దారితీస్తుంది.

➼ ఏ విషయంపై శ్రద్ద పెట్టలేం

➼ డిప్రెషన్ ప్రమాదాన్ని పెంచుతుంది.

➼ నిద్రవేళలో ఆందోళనను ఎలా అధిగమించాలి:

➼ బెడ్‌ టైమ్‌కి ముందు స్క్రీన్ సమయాన్ని పరిమితం చేయండి

➼ నిద్రవేళకు దగ్గరగా భారీగా ఫిజికల్ ఎక్సర్‌సైజ్ చేయవద్దు

➼ ఓవర్‌గా భోజనం చేయవద్దు

➼ నిద్రవేళ సమయంలో కెఫిన్ లేదా ఆల్కహాల్ తీసుకోకూడదు

➼ బరువున్న దుప్పటిని ఉపయోగించండి

➼ బరువున్న దుప్పట్లు కార్టిసాల్‌ని తగ్గించేటప్పుడు సెరోటోనిన్, మెలటోనిన్ పెంచడానికి సహాయపడతాయి. అందుకే అవి ప్రశాంతత ప్రోత్సహిస్తాయి.

వేగవంతమైన ఆలోచనా విధానాలను మానుకోండి. ఏ విషయంలోనూ ఎక్కువగా స్ట్రెస్‌ తీసుకోవద్దు. స్కూల్‌, కాలేజీ లేదా ఆఫీస్‌ విషయాలను బెడ్‌ ఎక్కిన తర్వాత ఆలోచించవద్దు. మెడిటేషన్‌ లాంటివి అలవాటు చేసుకోండి. మంచి మ్యూజిక్‌ వినండి. ఓవర్‌ థింకింగ్‌ అసలు వద్దు. స్లీప్‌ ఎంగ్జైటీ సమస్యతో మీరు బాధపడుతున్నరని మీకు అర్థమైతే లేట్ చేయకుండా మెడికల్‌ ప్రొఫెషనల్‌ని సంప్రదించండి.

ALSO READ: నిరుద్యోగులకు అలర్ట్.. 342 పోస్టులకు ముగుస్తున్న గడువు.. త్వరపడండి!

Jobs: నిరుద్యోగులకు అలర్ట్.. 342 పోస్టులకు ముగుస్తున్న గడువు.. త్వరపడండి!

Published on September 2, 2023 9:23 pm by Trinath

AAI Recruitment 2023 Notification Out: ఎయిర్‌పోర్ట్స్ అథారిటీ ఆఫ్ ఇండియా (AAI) రిక్రూట్‌మెంట్‌ కోసం దరఖాస్తుల ప్రక్రియ ముగియనుంది. సెప్టెంబర్ 4తో ఈ ప్రక్రియ ఎండ్‌ అవుతుంది. 342 జూనియర్ అసిస్టెంట్, జూనియర్ ఎగ్జిక్యూటివ్ ఖాళీలకు అప్లై చేసుకోవడానికి ఎల్లుండే(సెప్టెంబర్ 4) లాస్ట్ డేట్. దీని కోసం దరఖాస్తు ప్రక్రియ ఆగస్టు 5న ప్రారంభమయ్యింది.

ఖాళీ వివరాలు:
జూనియర్ అసిస్టెంట్ (ఆఫీస్): 9 ఖాళీలు

సీనియర్ అసిస్టెంట్ (అకౌంట్స్): 9 ఖాళీలు

జూనియర్ ఎగ్జిక్యూటివ్ (కామన్ కేడర్): 237 ఖాళీలు

జూనియర్ ఎగ్జిక్యూటివ్ (ఫైనాన్స్): 66 ఖాళీలు

జూనియర్ ఎగ్జిక్యూటివ్ (ఫైర్ సర్వీసెస్): 3 ఖాళీలు

జూనియర్ ఎగ్జిక్యూటివ్ (లా): 18 ఖాళీలు.

అర్హత:
జూనియర్ అసిస్టెంట్ (ఆఫీస్): గ్రాడ్యుయేట్

సీనియర్ అసిస్టెంట్ (అకౌంట్స్): గ్రాడ్యుయేట్, ఫైనాన్షియల్ స్టేట్‌మెంట్‌లు, టాక్సేషన్ (ప్రత్యక్ష, పరోక్ష), ఆడిట్.. ఇతర ఫైనాన్స్ ఖాతాలకు సంబంధించిన ఫీల్డ్ అనుభవం తయారీ రంగంలో రెండు సంవత్సరాల సంబంధిత అనుభవంతో పాటు బి.కామ్‌లో ఉత్తమంగా ఉండాలి.

జూనియర్ ఎగ్జిక్యూటివ్ (కామన్ కేడర్): గ్రాడ్యుయేట్

జూనియర్ ఎగ్జిక్యూటివ్ (ఫైనాన్స్): ఫైనాన్స్‌లో స్పెషలైజేషన్‌తో ICWA/CA/MBA (2 సంవత్సరాల వ్యవధి)తో BCom.

జూనియర్ ఎగ్జిక్యూటివ్ (ఫైర్ సర్వీసెస్): ఇంజనీరింగ్/టెక్‌లో బ్యాచిలర్ డిగ్రీ.

జూనియర్ ఎగ్జిక్యూటివ్ (లా): లాలో ప్రొఫెషనల్ డిగ్రీ (గ్రాడ్యుయేషన్ తర్వాత 3 సంవత్సరాల రెగ్యులర్ కోర్సు లేదా 10+2 తర్వాత 5 సంవత్సరాల ఇంటిగ్రేటెడ్ రెగ్యులర్ కోర్సు), బార్ కౌన్సిల్ ఆఫ్ ఇండియాలో అడ్వకేట్‌గా నమోదు చేసుకోవడానికి అర్హులు.

ఎలా దరఖాస్తు చేయాలి:

స్టెప్ 1: అధికారిక వెబ్‌సైట్‌ను సందర్శించండి Click Here

స్టెప్ 2: హోమ్‌పేజీలో దరఖాస్తు లింక్‌పై క్లిక్ చేయండి.

స్టెప్ 3: ఇప్పుడు మీరు అవసరమైన వివరాలను అందించాలి.

స్టెప్ 4: ఆ తర్వాత, దరఖాస్తు ఫారమ్‌ను సమర్పించండి.

స్టెప్ 5: ఇప్పుడు మీ ఫోన్/ఇమెయిల్‌లో రిజిస్ట్రేషన్ నంబర్, పాస్‌వర్డ్‌ను పొందుతుంది.

స్టెప్ 6: అభ్యర్థులు పైన పేర్కొన్న ఆధారాలతో మళ్లీ లాగిన్ అవ్వాలని.. అధికారిక వెబ్‌సైట్‌లో పేర్కొన్న మార్గదర్శకాలతో మొత్తం దరఖాస్తు ప్రక్రియను ఖరారు చేయాలని గమనించాలి.

స్టెప్ 7: భవిష్యత్తు సూచన కోసం ప్రింట్‌అవుట్‌ని తీసుకోండి.

Check Notification details

ALSO READ: నిరుద్యోగులకు గుడ్ న్యూస్‌.. మొత్తం 7,547 కానిస్టేబుల్ పోస్టులకు SSC నోటిఫికేషన్!

Jobs: నిరుద్యోగులకు గుడ్ న్యూస్‌.. మొత్తం 7,547 కానిస్టేబుల్ పోస్టులకు SSC నోటిఫికేషన్!

Published on September 2, 2023 8:24 pm by Trinath

SSC Delhi Police Constable Recruitment 2023: ఢిల్లీ పోలీస్‌లో పలు కానిస్టేబుల్ పోస్టుల భర్తీకి స్టాఫ్ సెలక్షన్ కమిషన్(SSC) నోటిఫికేషన్ విడుదల చేసింది. ఎస్‌ఎస్‌సీ ఢిల్లీ పోలీస్ రిక్రూట్‌మెంట్ ప్రక్రియ మొత్తం 7,547 కానిస్టేబుల్ పోస్టులను భర్తీ చేస్తుంది. దరఖాస్తు ప్రక్రియ ఇప్పటికే మొదలైంది. అధికారిక వెబ్‌సైట్ ssc.nic.in ని విజిట్ చేసి అప్లై చేసుకోవచ్చు. ఎస్‌ఎస్‌సీ ఢిల్లీ పోలీస్ కానిస్టేబుల్ దరఖాస్తు వ్యవధి సెప్టెంబర్ 30. జనరల్ లేదా అన్‌రిజర్వ్‌డ్ కేటగిరీ కిందకు వచ్చే అభ్యర్థులకు దరఖాస్తు రుసుము రూ. 100. ఎక్స్-సర్వీస్‌మెన్ (ESM), SC, ST అభ్యర్థులు దరఖాస్తు రుసుము చెల్లించాల్సిన అవసరం లేదు.

‣ ఆన్‌లైన్‌లో దరఖాస్తు చేసుకోవడానికి కింది స్టెప్స్‌ ఫాలో అవొచ్చు.

➊ ssc.nic.in అధికారిక వెబ్‌సైట్‌కి వెళ్లండి

➋ హోమ్‌పేజీలో.. “ఢిల్లీ పోలీస్ పరీక్ష-2023లో కానిస్టేబుల్ (ఎగ్జిక్యూటివ్) పురుషుడు, స్త్రీ నోటీసు”పై క్లిక్ చేయండి.

➌ కొత్త విండో తెరుచుకుంటుంది, మీ లాగిన్ వివరాలను నమోదు చేయండి

➍ సబ్మిట్‌పై క్లిక్ చేయండి.

➎ దరఖాస్తు ఫారమ్‌ను పూరించండి.. అవసరమైన అన్ని పత్రాలను అప్‌లోడ్ చేయండి.

➏ ఆన్‌లైన్ దరఖాస్తు రుసుము చెల్లించి, ఫారమ్‌ను సమర్పించండి.

➐ నిర్ధారణ పేజీని డౌన్‌లోడ్ చేసి, తదుపరి అవసరాల కోసం దాని ప్రింట్‌అవుట్‌ని తీసుకోండి.

‣ అర్హత:
➼ దరఖాస్తు దారులు గుర్తింపు పొందిన బోర్డు నుంచి 10+2 (సీనియర్ సెకండరీ) ఉత్తీర్ణులై ఉండాలి. ఢిల్లీ పోలీస్‌లో పనిచేస్తున్న, పదవీ విరమణ పొందిన లేదా మరణించిన ఢిల్లీ పోలీసు సిబ్బంది/మల్టీ టాస్కింగ్ సిబ్బంది, బ్యాండ్‌మెన్, బగ్లర్ల కుమారులు/కుమార్తెలకు 11వ తరగతి వరకు సడలింపు వర్తిస్తుంది.

‣ వయోపరిమితి
➼ ఆసక్తి గల అభ్యర్థులు తప్పనిసరిగా 18 నుంచి 25 సంవత్సరాల మధ్య వయసు వారై ఉండాలి. అభ్యర్థి జూలై 2, 1998 నుండి జూలై 1, 2005 మధ్య జన్మించి ఉండాలి. ఇది కాకుండా, రిజర్వేషన్ కేటగిరీ అభ్యర్థులకు నిబంధనల ప్రకారం వయోపరిమితిలో సడలింపు ఇవ్వబడుతుంది.

‣ ముఖ్యమైన తేదీలు:

➼ ఆన్‌లైన్‌లో దరఖాస్తు చేయడానికి ప్రారంభ తేదీ: 01-09-2023

➼ ఆన్‌లైన్‌లో దరఖాస్తు చేసుకోవడానికి చివరి తేదీ: 30-09-2023 (23:00)

➼ ఆన్‌లైన్ ఫీజు చెల్లింపుకు చివరి తేదీ: 30-09-2023 (23:00)

‣ జీతం: