Rtvlive.com

RTV NEWS NETWORK

RTV NEWS NETWORK

News Updates from Andhra Pradesh and Telangana

All

119/119

BRS

39

CONG

64

BJP

8

MIM

7

OTH

1

Shiva.K

Raghunandan Rao: అప్పుడు ఎలా ఆపుతారో చూస్తాం.. సంచలన కామెంట్స్ చేసిన ఎమ్మెల్యే రఘునందన్..

Published on by

MLA Raghunandan Rao: గజ్వేల్ అభివృద్ధి అంశంపై జరుగుతున్న వివాదంలో తగ్గేదేలే అంటున్నారు బీజేపీ నేతలు. గజ్వేల్ అభివృద్ధిని పరిశీలించాల్సిందే.. జనాలకు నిజాలు చెప్పాల్సిందేనంటూ పట్టుబడుతున్నారు. మొన్నటికి మొన్న ఇదే అంశంపై కామారెడ్డికి చెందిన మాజీ జెడ్పీ చైర్మన్ వెంకట రమణా రెడ్డి గజ్వేల్‌ అభివృద్ధి ఏంటో చూస్తానంటూ బయలుదేరగా.. అయన్ను అరెస్ట్ చేశారు పోలీసులు. దాంతో మొదలైన వివాదం.. రోజు రోజుకు మరింత రచ్చగా మారుతోంది. తాజాగా ఇదే అంశంపై దుబ్బాక ఎమ్మెల్యే, బీజేపీ నాయకుడు రఘునందన్ రావు సంచలన కామెంట్స్ చేశారు. శనివారం నాడు మీడియాతో మాట్లాడిన ఆయన.. ఇతర రాష్ట్రాల నుంచి కాళేశ్వరం ప్రాజెక్టును చూడటానికి వచ్చిన వారికి హెలికాప్టర్లు ఏర్పాటు చేసిన కేసీఆర్.. పొరుగు నియోజకవర్గం వాళ్లు గజ్వేల్ అభివృద్ధిని చూసేందుకు వెళ్తే కేసీఆర్ ఎందుకు ఉలికిపాటుకు గురవుతున్నారని ప్రశ్నించారు.

‘మీరు చేసిన అభివృద్ధిని చూసేందుకే వెళ్తామన్నాం కదా? నీ ఫామ్‌ హౌజ్ కాదు కదా?’ అంటూ ప్రభుత్వం తీరుపై ఫైర్ అయ్యారు రఘునందన్ రావు. వెంకట రమణా రెడ్డిని పోలీసులు అరెస్ట్ చేసిన విధానాన్ని ఆయన తీవ్రంగా ఖండించారు. రాత్రి 8 గంటల నుంచి తెల్లవారుజామున 3 గంటల వరకు వెంకటరమణను రోడ్డుమీదే తెప్పారని ఆగ్రహం వ్యక్తం చేశారు. ఎక్కడికి తీసుకెళ్లారని అడిగేందుకు వెళ్తేఏ.. వారిపై లాఠీ ఛార్జ్ చేశారని పోలీసుల తీరుపై నిప్పులు చెరిగారు. తెలంగాణలో రాష్ట్ర ప్రజలకు హక్కులు ఉన్నాయా? నిజంగా అక్కడ జరిగింది అభివృద్ధే అయితే చూపించేందుకు భయమెందుకు? అని రాష్ట్ర డీజీపీని ప్రశ్నించారు రఘునందన్ రావు.

‘పోలీసులను అడ్డం పెట్టుకొని గజ్వేల్ వెళ్లకుండా తాత్కాలికంగా మాత్రమే అపగలిగారు. ముందు ముందు చెప్పకుండానే మీడియాను తీసుకొని గజ్వేల్‌లో పర్యటిస్తాం. అప్పుడు ఎలా ఆపుతారో చూస్తాం. జరుగుతున్న పరిణామాలు అన్నింటికీ రానున్న రోజుల్లో డిజిపికి బరాబర్ సమాధానం ఇస్తాం.’ అని సీరియస్ కామెంట్స్ చేశారు రఘునందన్ రావు.

పార్టీ మారుతారా? క్లారిటీ ఇచ్చిన రఘునందన్..

అయితే, గత కొంతకాలంగా దుబ్బాక ఎమ్మెల్యే రఘునందన్ రావు పార్టీ మారుతారంటూ విపరీతమైన ప్రచారం జరుగుతోంది. ఈ ప్రచారంపై తాజాగా ఆయన మాట్లాడారు. పార్టీ మార్పుపై క్లారిటీ ఇచ్చారు. తాను పార్టీ మారే ప్రసక్తే లేదని తేల్చి చెప్పారు. తనపై చేస్తున్న దుష్ప్రచారాలను మానుకోవాలని కోరారు రఘునందన్ రావు. రానున్న ఎన్నికల్లో దుబ్బాక నుంచే బీజేపీ అభ్యర్థిగా పోటీ చేస్తానని, తప్పకుండా గెలిచి అసెంబ్లీలో అడుగు పెడతానని విశ్వాసం వ్యక్తం చేశారు రఘునందన్ రావు.

Also Read: TBJP: బీజేపీ అభ్యర్థుల ఎంపిక షూరు.. దరఖాస్తులకు ఆహ్వానం

Twitter War: రేవంత్ రెడ్డి, కవిత మధ్య ట్వీట్ వార్

YSR Statue: వైఎస్ఆర్ విగ్రహానికి ఘోర అవమానం.. విగ్రహాన్ని ఏం చేశారో మీరే చూడండి..

Published on by

YSR Death Anniversary: ఉమ్మడి ఆంధ్రప్రదేశ్ మాజీ ముఖ్యమంత్రి, స్వర్గీయ వైఎస్ రాజశేఖర్ రెడ్డి విగ్రహానికి ఘోర అవమానం జరిగింది. వైఎస్ విగ్రహాన్ని తొలగించి చెట్ల పొదల్లో పడేశారు కొందరు. ఇందుకు సంబంధించిన సీసీటీవీ ఫుటేజీ, ఫోటోలు సెన్సేషన్ క్రియేట్ చేస్తున్నాయి. కాకినాడ జిల్లా ప్రత్తిపాడు నియోజకవర్గంలో పరిధిలోని ఏలేశ్వరం నగర పంచాయితీలో ఈ ఘటన చోటు చేసుకుంది. ఇందుకు సంబంధించిన వివరాలు ఇలా ఉన్నాయి. స్థానిక ఎమ్మెల్యే, చైర్‌పర్సన్‌లే ఈ ఘటనకు కారణం అని ఆరోపించారు వైసీపీ నేత అలమండ నాగేంద్ర. రోడ్లు వెడల్పు పేరుతో వైఎస్‌ఆర్‌ విగ్రహాన్ని తొలగించారని, పైగా మహానేత విగ్రహాన్నే తీసేశాం.. మీలాంటి పేదోళ్ల దుకాణాలు తొలగించడం మాకొక లెక్కా అని అన్నారని ఆరోపించారు.

అయితే, శనివారం వైఎస్ఆర్ వర్ధంతి సందర్భంగా పూలమాల వేసి నివాళులు అర్పించడానికి వైసీపీ కార్యకర్తలు విగ్రహం వద్దకు వెళ్లారు. కానీ, అప్పటికే ఈ ఘటన జరిగింది. చెట్ల పొదల మధ్య పడి ఉన్న విగ్రహాన్ని చూసి అవాక్కయ్యారు. కింద పడి ఉన్న విగ్రహానికి దండ వేయలేక, విగ్రహం పాదాల చెంత పూల దండ పెట్టి నివాళులర్పించారు వైఎస్‌ఆర్ అభిమానులు. వైఎస్ఆర్‌ బొమ్మ పెట్టుకుని, ఎమ్మెల్యే, చైర్మన్ పదవులు పొందినోళ్లు, నేడు ఆయన విగ్రహాన్నే ఇలా చేయడం బాధాకరంగా ఉందని ఆవేదన వ్యక్తం చేశారు వైసీపీ కార్యకర్తలు.

సోషల్ మీడియాలో వైరల్ అవుతున్న వీడియోలు..

వైఎస్‌ఆర్ విగ్రహం తొలగింపు సందర్భంగా చేయి కూడా విరిగింది. ఆ విగ్రహం పక్కనే స్వామి వివేకానంద విగ్రహం కూడా ఉండటం సంచలనం క్రియేట్ చేస్తుంది. కాగా, ఇందుకు సంబంధించిన వీడియోలు సోషల్ మీడియాలో వైరల్ అవుతుంది. వైఎస్ఆర్‌ విగ్రహం, స్వామి వివేకానంద విగ్రహం కూడా ఉండటం వీడియోలో క్లియర్‌గా కనిపిస్తోంది. చెత్త కుప్పల్లో విగ్రహాలను చూసి వైఎస్ఆర్‌ అభిమానులు తీవ్ర ఆవేదన వ్యక్తం చేశారు.

నెల్లూరు వైఎస్ఆర్సీపీ కార్యాలయంలో వైఎస్ఆర్ వర్ధంతి..

వైఎస్ రాజశేఖర్ రెడ్డి 14వ వర్ధంతి సందర్భంగా నెల్లూరు జిల్లా వైఎస్ఆర్సీపీ పార్టీ కార్యాలయంలో ఎమ్మెల్సీలు, జడ్పిటిసిలు ఎంపీటీసీలు, కార్పొరేటర్లు, కార్పొరేషన్ చైర్మన్లు, డైరెక్టర్లతో కలిసి వైఎస్ఆర్ విగ్రహానికి పూలమాలవేసి, నివాళులర్పించారు రాష్ట్ర వ్యవసాయ సహకార మార్కెటింగ్, ఫుడ్ ప్రోసెసింగ్ శాఖా మంత్రి కాకాణి గోవర్ధన్ రెడ్డి. ఈ సందర్భంగా ఆయన మాట్లాడుతూ.. దివంగత వైఎస్ రాజశేఖర్ రెడ్డి పేదల అభివృద్ధి, సంక్షేమం కోసం చివరి శ్వాస వరకు పనిచేసారని స్మరించుకున్నారు. ప్రభుత్వ సంక్షేమ పథకాలతో కోట్లాదిమంది ప్రజల మనసులను వైఎస్సార్ గెలుచుకున్నారని, అలాంటి మహానుభావుడు లేని లోటు తీరనిదన్నారు. ఆయన ఆశయాలకు అనుగుణంగా ప్రతి ఒక్కరూ పనిచేయాలని పిలుపునిచ్చారు మంత్రి కాకాణి.

రాష్ట్ర వ్యాప్తంగా వైఎస్ఆర్ వర్ధంతి..

దివంగత నేత వైఎస్ఆర్ 14వ వర్ధంతి సందర్భంగా రాష్ట్ర వ్యాప్తంగా వైసీపీ నేతలు, ఆయన అభిమానులు నివాళులర్పించారు. వైఎస్ఆర్ విగ్రహాలకు, చిత్రపటాలకు పూలమాటల వేసి నివాళులర్పించారు. ఆయన చేసిన అభివృద్ధి కార్యక్రమాలు, పేద ప్రజల కోసం ప్రవేశపెట్టిన సంక్షేమ పథకాలను స్మరించుకున్నారు. పశ్చిమగోదావరి జిల్లాలో నరసాపురం ఎమ్మెల్యే, ప్రభుత్వ చీఫ్ విప్ ముదుసూరి ప్రసాద రాజు వైఎస్ఆర్ విగ్రహానికి నివాళులర్పించారు. ఈ సందర్భంగా మాట్లాడిన ఆయన.. మరుపురాని, మరువలేని మనిషి వైఎస్ రాజశేఖర్ రెడ్డి అని అన్నారు. ఒక డాక్టర్‌గా ఆగిపోయుంటే మ‌నిషి రుగ్మత‌ల‌ను మాత్రమే న‌యం చేసేవాడినని, రాజ‌కీయాల్లోకి వ‌చ్చి స‌మాజంలోని పేద‌రికాన్ని, వెనుక‌బాటుత‌నాన్ని న‌యం చేస్తున్నాను అని చెప్పిన దివంగ‌త మ‌హానేత రాజ‌శేఖ‌ర‌రెడ్డి చెప్పిన మాటలను స్మరించుకున్నారు ఎమ్మెల్యే.

Also Read: ఎంఐఎం, బీఆర్‌ఎస్‌కి ఓట్లు వేస్తే బీజేపీకి ఓటు వేసినట్లే.. ముస్లిం నేతలతో రేవంత్ కీలక వ్యాఖ్యలు..

ISRO Next Mission: ఆదిత్య ఎల్-1 సక్సెస్.. ఇస్రో నెక్ట్స్ టార్గెట్ అదేనా? ఇంట్రస్టింగ్ అప్‌డేట్స్ మీకోసం..

Published on by

What ISRO Plans To Launch Next: చంద్రయాన్ – 3 మిషన్ సూపర్ సక్సెస్ అయిన జోష్‌లో ఇస్రో ఇప్పుడు ఆదిత్య ఎల్-1 మిషన్‌ను కూడా సక్సెస్ పుల్ గా ప్రయోగించింది. ఈ ప్రయోగం కూడా సక్సెస్ అవడంతో.. ఇస్రోపై అంచనాలు భారీగా పెరిగిపోయాయి. సూర్యడిని అధ్యయనం చేసేందుకు రూపొందించిన శాటిలైట్‌ ఆదిత్య ఎల్-1 (Aditya-L1)ను విజయవంతంగా ప్రయోగించింది ఇస్రో. ఈ నేపథ్యంలోనే ఇస్రో నెక్ట్స్ టార్గెట్ ఏంటి? అనే ఉత్సుకత యావత్ ప్రపంచ దేశాల ప్రజల్లో నెలకొంది. ఈ రెండు ప్రయోగాల నేపథ్యంలో ఇస్రో మరో మిషన్‌కు శ్రీకారం చుట్టేందుకు సిద్ధంగా ఉందని సమాచారం అందుతోంది. అదే XPoSat (X-ray Polarimeter Satellite) మిషన్. ఇది తీవ్రమైన పరిస్థితుల్లో ప్రకాశవంతమైన ఖగోళ X-కిరణాల మూలాలకు సంబంధించి, వివిధ డైనమిక్‌లను అధ్యయనం చేయడానికి భారతదేశం చేపట్టిన మొట్టమొదటి పోలారిమెట్రీ మిషన్.

ఇస్రో శాస్త్రవేత్తలు (Isro Scientists) తెలిపిన సమాచారం ప్రకారం.. ఈ మిషన్‌లో భాగంగా వ్యోమనౌక తక్కువ భూమి కక్ష్యలో రెండు సైంటిఫిక్ పేలోడ్‌లను మోస్తుకెళ్తుంది. మొదటి పేలోడ్ POLIX (X-కిరణాలలో పోలారిమీటర్ పరికరం) ఖగోళ మూలం నుంచి 8-30 keV ఫోటాన్‌ల మధ్యస్థ X-రే శక్తి పరిధిలో ధ్రువణ పారామితులను అంచనా వేస్తుంది. XSPECT (X-ray స్పెక్ట్రోస్కోపీ, టైమింగ్) పేలోడ్ 0.8-15 keV శక్తి పరిధిలో స్పెక్ట్రోస్కోపిక్ సమాచారాన్ని అందిస్తుంది.

‘XPoSat ప్రయోగానికి సిద్ధంగా ఉంది’ అని జాతీ అంతరిక్ష సంస్థ ఇస్రో కీలక అధికారి ఒకరు తెలిపారు. బ్లాక్‌హోల్స్, న్యూట్రాన్ స్టార్స్, యాక్టివ్ గెలాక్సీ న్యూక్లియైలు, పల్సర్ విండ్ నెబ్యులా వంటి వివిధ ఖగోళ మూలాల నుండి ఉద్గార విధానం ఎలా ఉంటుందనే సంక్లిష్ట భౌతిక ప్రక్రియలపై అధ్యయనం చేయడానికి ఉపకరిస్తుంది. వివిధ అంతరిక్ష-ఆధారిత అబ్జర్వేటరీల ద్వారా స్పెక్ట్రోస్కోపిక్, టైమ్ మ్యాటర్ వంటి అంశాలపై కీలక సమాచారం అందించినప్పటికీ.. ఈ మిషన్ ద్వారా ఖగోళ అంశాలకు సంబంధించి సేకరించే ఖచ్చితమైన సమాచారం ఖగోళ శాస్త్రవేత్తల పరిశోధనలకు మరింత ఉపకరిస్తుందని ఇస్రో అధికారులు తెలిపారు.

POLIX అనేది 8-30 keV శక్తి బ్యాండ్‌లో ఖగోళ పరిశీలనల కోసం ఒక ఎక్స్-రే పోలారిమీటర్. పరికరం కొలిమేటర్, స్కాటరర్, స్కాటరర్ చుట్టూ ఉన్న నాలుగు ఎక్స్-రే ప్రొపోర్షనల్ కౌంటర్ డిటెక్టర్‌లతో తయారు చేయడం జరిగింది. ఇది తక్కువ అణు ద్రవ్యరాశి పదార్థంతో తయారు చేయడం జరిగింది. ఇది ఇన్‌కమింగ్ పోలరైజ్డ్ ఎక్స్-కిరణాల అనిసోట్రోపిక్ థామ్సన్ వికీర్ణానికి కారణమవుతుంది. కొలిమేటర్ వీక్షణ క్షేత్రాన్ని 3 డిగ్రీ x 3 డిగ్రీకి పరిమితం చేస్తుంది. తద్వారా పరిశీలనల కోసం వీక్షణ రంగంలో ఒక ప్రకాశవంతమైన మూలాన్ని మాత్రమే కలిగి ఉంటుంది. దాదాపు 5 సంవత్సరాల లైఫ్‌ టైమ్ కలిగిన XPoSat మిషన్.. ప్రణాళికాబద్ధమైన జీవితకాలంలో POLIX వివిధ వర్గాలకు చెందిన 40 ప్రకాశవంతమైన ఖగోళ వనరులను గమనించవచ్చు. పోలారిమెట్రీ కొలతల కోసం అంకితం చేయబడిన మీడియం ఎక్స్-రే ఎనర్జీ బ్యాండ్‌లో ఇది మొదటి పేలోడ్.

XSPECT అనేది X-ray SPECtroscopy, టైమింగ్ పేలోడ్ ఆన్‌బోర్డ్ XPoSat, ఇది మృదువైన X-ray కిరణాలలో వేగవంతమైన సమయాన్ని, మంచి స్పెక్ట్రోస్కోపిక్ రిజల్యూషన్‌ను అందిస్తుంది. X-ray ధ్రువాన్ని కొలవడానికి POLIX ద్వారా అవసరమైన దీర్ఘకాల పరిశీలనల ప్రయోజనాన్ని పొందడం ద్వారా, XSPECT నిరంతర ఉద్గారాలలో స్పెక్ట్రల్ స్థితి మార్పులు, వాటి లైన్ ఫ్లక్స్, ప్రొఫైల్‌లో మార్పులు, మృదువైన X-ray ఏకకాల దీర్ఘకాలిక తాత్కాలిక పర్యవేక్షణను దీర్ఘ-కాల పర్యవేక్షణను అందిస్తుంది. XSPECT అనేక రకాల మూలాలను గమనిస్తుంది. X-రే పల్సర్‌లు, బ్లాక్‌హోల్ బైనరీలు, LMXBలు, AGNలు, మాగ్నెటార్‌లలో తక్కువ-మాగ్నెటిక్ ఫీల్డ్ న్యూట్రాన్ స్టార్ (NS) అని తెలిపారు ఇస్రో సైంటిస్టులు. మరి ఈ ప్రయోగాన్ని ఎప్పుడు చేస్తారన్నది ఆసక్తికరంగా మారింది.

Also Read: Aditya-L1 Mission : చరిత్ర సృష్టించిన ఇస్రో… గాల్లోకి దూసుకెళ్లిన ఆదిత్య L -1..!!

TPCC Chief Revanth Reddy: ఎంఐఎం, బీఆర్‌ఎస్‌కి ఓట్లు వేస్తే బీజేపీకి ఓటు వేసినట్లే.. ముస్లిం నేతలతో రేవంత్ కీలక వ్యాఖ్యలు..

Published on by

TPCC Chief Revanth Reddy: ఎన్నికలు సమీపిస్తున్న కొద్ది తెలంగాణ కాంగ్రెస్ చీఫ్ రేవంత్ రెడ్డి స్పీడ్ పెంచారు. తన చేతల్లో వేడి.. మాటల్లో వాడి స్పష్టంగా కనిపిప్తోంది. ఈ నేపథ్యంలోనే ముస్లిం ఓటర్లను కాంగ్రెస్ వైపు లాగేందుకు ఆయన ప్రయత్నాలు ముమ్మరం చేశారు. తాజాగా పలువురు ముస్లిం నేతలను కలిసిన రేవంత్ రెడ్డి.. ముస్లింలకు కాంగ్రెఎస్ అండగా ఉంటుందనే భరోసా కల్పించే ప్రయత్నం చేశారు. ఇదే సమయంలో బీఆర్‌ఎస్, ఎంఐఎంపై తీవ్ర విమర్శలు చేశారు. బీఆర్ఎస్, ఎంఐఎం(AIMIM)కు ఓటేస్తే బీజేపి(BJP)కి ఓటు వేసినట్లేనని అన్నారు. ఈ మూడు పార్టీల మధ్య సీక్రెట్ దోస్తీ నడుస్తోందని, కేంద్రం తీసుకువచ్చిన ప్రతి బిల్లుకు బీఆర్‌ఎస్(BRS) మద్దతు తెలుపడమే ఇందుకు నిదర్శనం అని అన్నారు. రాష్ట్రపతి, ఉపరాష్ట్రపతి, నోట్ల రద్దు, అవిశ్వాస తీర్మానం, సీఏఏ, ఎన్ఆర్‌సీ, ట్రిపుల్ తలాక్ బిల్లు, జీఎస్‌టీ బిల్లు సహా పలు అంశాల్లో బీజేపీకి బీఆర్‌ఎస్ మద్దతు ఇచ్చిందని గుర్తు చేశారు రేవంత్ రెడ్డి.

మైనార్టీలను మోసం చేస్తున్న ఎంఐఎం..

బీఆర్ఎస్, ఏఐఎంఐఎం మిత్రపక్షాలని.. ఈ రెండు పార్టీలో బీజేపీతో సమాంతర స్నేహాన్ని కొనసాగిస్తున్నాయని అన్నారు. 50 లక్షల మంది ముస్లింలకు ప్రాతినిధ్యం వహిస్తున్నట్లుగా ఎంఐఎం గత కొన్ని దశాబ్దాలుగా మైనారిటీ కమ్యునిటీని మోసం చేస్తోందని ఆరోపించారు రేవంత్ రెడ్డి. మైనారిటీ సమాజం ఎలాంటి అభివృద్ధి లేకుండా, ఇబ్బందులు పడుతుంటే.. ఎంఐఎం ఏమాత్రం పట్టించుకోవడం లేదని విమర్శించారు రేవంత్. ఓల్డ్ సిటీలో పెరుగుతున్న నిరక్షరాస్యత రేటు, అధిక నిరుద్యోగిత, మౌలిక వసతుల కొరత గురించి ప్రధానంగా ప్రస్తావించారు. ‘బీఆర్‌ఎస్, ఎంఐఎం నాగపూర్(ఆర్‌ఎస్‌ఎస్ ప్రధాన కార్యాలయం) మీదుగా ఢిల్లీకి చేరుకుంటాయి. కాంగ్రెస్ మాత్రం నేరుగా ఢిల్లీకి వెళ్తుంది’ అని ఆయన వ్యాఖ్యానించారు.

బోగస్ సర్వే..

ఓల్డ్ సిటీకి మెట్రో అని చెప్పి మాయమాటలతో ముస్లి సమాజాన్ని మభ్యపెట్టే ప్రయత్నం చేశారని బీఆర్‌ఎస్ ప్రభుత్వంపై విమర్శలు గుప్పించారు రేవంత్ రెడ్డి. ఓల్డ్ సిటీ మెట్రో సర్వే కోసం డ్రోన్స్ సర్వే పేరుతో డ్రామాలాడారని అన్నారు. గూగుల్ మ్యాప్స్ చూస్తే సరిపోతుందని వ్యాఖ్యానించారు.

మైనారిటీ డిక్లరేషన్ కోసం సూచనలు కోరిన రేవంత్..

కాగా, సియాత్ ఎడిటర్ జాహిద్ అలీఖాన్‌, ఇతర ప్రముఖులను కలిసి రేవంత్ రెడ్డి.. కాంగ్రెస్ ‘కాంగ్రెస్ మైనారిటీ డిక్లరేషన్’లో చేర్చే అంశాలలు, సంక్షేమ పథకాలపై సలహాలు, సూచనలు ఇవ్వాలని కోరారు. ప్రజల నాడిని గుర్తించేది జర్నలిజం అని, సియాసత్ డైలీ వంటి పత్రికలు రాష్ట్రంలో మైనారిటీల సమస్యలను ఎప్పటికప్పుడు సమాజానికి తెలియజేస్తుందని అభినందించారు.

కాంగ్రెస్ నేతల పర్యటన..

కాంగ్రెస్ లౌకిక వాదం కోసం పోరాడుతుందన్నారు టీపీసీసీ చీఫ్. భిన్నత్వంలో ఏకత్వమే దేశ సమగ్రతను, దేశ సమైక్యతను కాపాడుతుందన్నారు. వివిధ జాతుల సంస్కృతులు, విభిన్న వర్గాల ప్రజలు కలిసి జీవించడమే దేశం గొప్పతనానికి నిదర్శనమని కాంగ్రెస్ విశ్వసిస్తోందన్నారు. కాంగ్రెస్ అగ్రనేత రాహుల్ గాంధీకి లౌకిక వాదంపై దృఢమైన విశ్వాసం ఉందన్నారు. కాంగ్రెస్‌ సీనియర్‌ నాయకురాలు సోనియా గాంధీ, రాహుల్‌ గాంధీ, ప్రియాంక గాంధీలతో పాటు దేశంలోని 50 మంది అగ్రనేతలు త్వరలో తెలంగాణలో పర్యటిస్తారని ఆయన తెలిపారు. ఎన్నికలకు సంబంధించిన మేనిఫెస్టోను విడుదల చేస్తామని, రాబోయే తెలంగాణ ఎన్నికల్లో అభ్యర్థుల తొలి జాబితాను త్వరలోనే ప్రకటిస్తామని రేవంత్ రెడ్డి తెలిపారు.

ఎమ్మెల్సీ కవిత, టీపీసీసీ చీఫ్ రేవంత్ మధ్య నడుస్తున్న ట్విట్టర్ వార్..


Aslo Read: Twitter War: రేవంత్ రెడ్డి, కవిత మధ్య ట్వీట్ వార్

INDIA Alliance: ఫుల్‌ జోష్‌లో ‘ఇండియా’ కూటమి.. ఎన్డీయేపై ఫైర్.. కోఆర్డినేషన్ సహా వివిధ కమిటీల నియామకం..

Published on by

INDIA Alliance: ఇండియా (ఇండియన్ నేషనల్ డెవలప్‌మెంటల్ ఇన్‌క్లూజివ్ అలయన్స్) పేరుతో ఎన్డీయేకు వ్యతిరేకంగా ఏకమైన ప్రతిపక్ష పార్టీల కూటమి 2024 లోక్‌సభ ఎన్నికల కోసం 14 మంది సభ్యులతో కూడిన కో-ఆర్డినేటర్స్ ప్యానెల్‌ను ప్రకటించింది. ఈ ప్యానెల్‌లో 14 వేర్వేరు పార్టీలకు చెందిన 14 మందిని సభ్యులుగా నియమించారు. ఈ పానెల్‌లో ఏ ఒక్క ముఖ్య నేత కూడా లేకపోవడం విశేషం. పార్టీలో నెంబర్ 2 గానీ, ముఖ్య నేతగా ఉన్న వారిని ప్యానెల్‌లో మెంబర్‌గా నియమించారు. జాతీయ కన్వీనర్‌ రేస్‌లో ఉన్న బీహార్ ముఖ్యమంత్రి నితీష్ కుమార్ ఈ ప్యానెల్‌లో లేరు. రాహుల్ గాంధీ, అరవింద్ కేజ్రీవాల్, మమతా బెనర్జీ, మల్లికార్జున ఖర్గే, ఉద్ధవ్ థాకరే వంటి ప్రముఖులెవరూ ఈ ప్యానెల్‌లో లేకపోవడం విశేషం.

ఇక నేటి భేటీలో కోఆర్డనేషన్ ప్యానెల్ ఏర్పాటు చేయగా.. అందులో 14 మంది సభ్యులను నియమించారు. ఆ 14 మంది ఎవరనేది ఇప్పుడు చూద్దాం. కోఆర్డినేషన్ ప్యానెల్‌లో సభ్యులు వీరే.

1. KC వేణుగోపాల్ (INC)

2. శరద్ పవార్ (NCP)

3. టీఆర్ బాలు (డీఎంకే)

4. MK స్టాలిన్ (DMK)

5. సంజయ్ రౌత్ (SS)

6. తేజస్వి యాదవ్ (RJD)

7. అభిషేక్ బెనర్జీ (TMC)

8. రాఘవ్ చద్దా (AAP)

9. జావేద్ అలీ ఖాన్ (SP)

10. లాలన్ సింగ్ JD(U)

11. హేమంత్ సోరెన్ (JMM)

12. డి రాజా (సీపీఐ)

13. ఒమన్ అబ్దుల్లా (NC)

14. మెహబూబా ముఫ్తీ (PDP)

ప్రచార కమిటీ సభ్యులు..

1. గుర్దీప్ సింగ్ సప్పల్, INC

2. సంజయ్ ఝా, JD(U)

3. అనిల్ దేశాయ్, SS

4. సంజయ్ యాదవ్, RJD

5. పిసి చాకో, ఎన్‌సిపి

6. చంపై సోరెన్, JMM

7. కిరణ్మోయ్ నందా, ఎస్పీ

8. సంజయ్ సింగ్, AAP

9. అరుణ్ కుమార్, సీపీఐ(ఎం)

10. బినోయ్ విశ్వం, సీపీఐ

11. జస్టిస్ (రిటైర్డ్) హస్నైన్ మసూది, NC

12. షాహిద్ సిద్ధిఖీ, RLD

13. NK ప్రేమచంద్రన్, RSP

14. జి. దేవరాజన్, AIFB

15. రవి రాయ్, సీపీఐ(ఎంఎల్)

16. తిరుమావలన్, VCK

17. KM కాదర్ మొయిదిన్, IUML

18. జోస్ కె. మణి, కెసి(ఎం)

19. TMC (త్వరలో నియమిస్తారు)

సోషల్ మీడియా కోసం వర్కింగ్ గ్రూప్ మెంబర్స్..

1. సుప్రియా శ్రీనాటే, INC

2. సుమిత్ శర్మ, RJD

3. ఆశిష్ యాదవ్, SP

4. రాజీవ్ నిగమ్, SP

5. రాఘవ్ చద్దా, AAP

6. అవిందాని, JMM

7. ఇల్తిజా మెహబూబా, PDP

8. ప్రాంజల్, సీపీఎం

9. డాక్టర్ భాలచంద్రన్ కాంగో, సిపిఐ

10. ఇఫ్రా జా, NC

11. వి అరుణ్ కుమార్, సిపిఐ(ఎంఎల్)

12. TMC (త్వరలో నియమిస్తారు)

మీడియా వర్కింగ్ గ్రూప్..

1. జైరాం రమేష్, INC

2. మనోజ్ ఝా, RJD

3. అరవింద్ సావంత్, SS

4. జితేంద్ర అహ్వాద్, NCP

5. రాఘవ్ చద్దా, AAP

6. రాజీవ్ రంజన్, JD(U)

7. ప్రాంజల్, CPM

8. ఆశిష్ యాదవ్, SP

9. సుప్రియో భట్టాచార్య, JMM

10. అలోక్ కుమార్, JMM

11. మనీష్ కుమార్, JD(U)

12. రాజీవ్ నిగమ్, SP

13. భాలచంద్రన్ కాంగో, సిపిఐ

14. తన్వీర్ సాదిక్, NC

15. ప్రశాంత్ కన్నోజియా

16. నరేన్ ఛటర్జీ, AIFB

17. సుచేతా దే, CPI(ML)

18. మోహిత్ భాన్, PDP

19. TMC (త్వరలో నియామకం)

పరిశోధన వర్కింగ్ గ్రూప్..

1. అమితాబ్ దూబే, INC

2. ప్రొఫెసర్ సుబోధ్ మెహతా, RJD

3. ప్రియాంక చతుర్వేది, SS

4. వందనా చవాన్, NCP

5. కెసి త్యాగి, JD(U)

6. సుదివ్య కుమార్ సోను, JMM

7. జాస్మిన్ షా, AAP

8. అలోక్ రంజన్, SP

9. ఇమ్రాన్ నబీ దార్, NC

10. ఆదిత్య, PDP

11. TMC (త్వరలో నియమించనున్నారు)

సాధ్యమైనంత వరకు కలిసే పోటీ చేయాలి: కూటమి నేతలు

ముంబయిలో జరిగిన విపక్షాల కూటమి మూడో సమావేశంలో పాల్గొన్న 28 పార్టీలు.. వచ్చే లోక్‌సభ ఎన్నికల్లో వీలైనంత వరకు కలిసి పోటీ చేయాలని నిర్ణయించుకున్నాయి. ప్రాముఖ్యత, ఆందోళన కలిగించే సమస్యలపై దేశంలోని వివిధ ప్రాంతాలలో కలిసి బహిరంగ ర్యాలీలు నిర్వహించాలని తీర్మానించారు. ఇండియా కూటమిలోని పార్టీలువ ఇవిధ భాషలలో ‘జూడేగా భారత్, జీతేగా భారత్’ నినాదాన్ని దేశ వ్యాప్తంగా ప్రచారం చేయాలని నిర్ణయించారు.

సామాన్యుల బతుకులు చిధ్రం: ఖర్గే

సామాన్యుల జీవనాన్ని నాశనం చేశారని, నిరుద్యోగ సమస్యలపై ఇండియా కూటమి పోరాడుతుందని కాంగ్రెస్ అధ్యక్షుడు మల్లికార్జున ఖర్గే అన్నారు. ప్రధాని మోదీ ధనవంతులకే ప్రాధాన్యత ఇస్తున్నారని, పేదలకు ఏమీ చేయలేదని ఆరోపించారు. బడా పారిశ్రామికవేత్తలను ఆదుకునేందుకు మోదీ ప్రభుత్వం పేదల నుంచి దోచుకుంటున్నదని మండిపడ్డారు. సీబీఐ, ఈడీ వంటి కేంద్ర ఏజెన్సీలను దుర్వినియోగం చేస్తున్నారని ఆరోపించారు ఖర్గే.

ప్రతిపక్ష ఏకమైతే బీజేపీ గెలవడం అసాధ్యం : రాహుల్ గాంధీ

‘ప్రతిపక్షం ఏకమైతే బీజేపీకి ఎన్నికల్లో గెలవడం అసాధ్యం’ అని కాంగ్రెస్ అగ్రనేత రాహుల్ గాంధీ అన్నారు. ప్రధాని నరేంద్ర మోదీ, వ్యాపారవేత్త గౌతమ్ అదానీల మధ్య అనుబంధాన్ని పునరుద్ఘాటించారు రాహుల్. ప్రధాని మోదీ భారీ అవినీతికి పాల్పడుతున్నారని ఆరోపించారు. జీ20 సమావేశానికి ముందే ఈ అంశంపై ప్రధాని తన వైఖరిని స్పష్టం చేయాలని రాహుల్‌ గాంధీ డిమాండ్ చేశారు. మోదీ ప్రభుత్వం పేదల నుంచి డబ్బును లాగేసుకుని, ధనవంతులకు అందిస్తోందని ఆరోపించారు రాహుల్. ఇండియా కూటమి దేశంలో 60 శాతం జనాభాకు ప్రాతినిథ్యం వహిస్తుందని, పార్టీలన్నీ ఏకమైతే.. వచ్చే ఎన్నికల్లో బీజేపీ గెలవడం ఏమాత్రం సాధ్యం కాదన్నారు రాహుల్ గాంధీ.

ఐదేళ్లు దోచుకోవడం.. ఎన్నికల ముందు నమ్మించడం : ఉద్ధవ్ థాకరే

దేశంలో భయానక వాతావరణాన్ని అంతం చేయాలని ఇండియా కూటమి నిర్ణయించినట్లు శివసేన నాయకుడు ఉద్ధవ్ ఠాక్రే అన్నారు. ఎన్నికలను దృష్టిలో ఉంచుకుని ఎల్‌పీజీ ధరలను తగ్గించాలనే కేంద్రం నిర్ణయాన్ని తప్పుపట్టారు. ‘పాంచ్ సాల్ లూట్.. ఎలక్షన్స్ కే సమయ్ ఛూట్’ అని విమర్శించారు. రోజు రోజుకూ ప్రతిపక్ష కూటమి బలపడుతుండటంతో కేంద్ర ప్రభుత్వం భయపడుతోందన్నారు. కేంద్ర ప్రభుత్వ అవినీతికి వ్యతిరేకంగా పోరాడాలని ఇండియా కూటమి నిర్ణయించిందని ఉద్ధవ్‌ తెలిపారు. బడా పారిశ్రామికవేత్తలకు సాయం చేసేందుకు మోదీ ప్రభుత్వం పేదలను దోచుకుంటోందన్నారు.

అధికారం శాశ్వతం కాదు : నితీష్

నేడు అధికారంలో ఉన్నవారు రేపు ఓడిపోతారని, అధికారి శాశ్వతం కాదన్నారు బీహార్ ముఖ్యమంత్రి నితీశ్ కుమార్. మీడియాను మోదీ ప్రభుత్వం నియంత్రిస్తోందని ఆరోపించారు. విపక్ష కూటమిని చూసి మోదీ ప్రభుత్వం భయపడుతోందని, ముందస్తు ఎన్నికలు వచ్చే అవకాశం ఉందన్నారు నితీష్ కుమార్. ఇండియా కూటమి ఈ విషయంలో అప్రమత్తంగా ఉండాలన్నారు.

Weather Forecast: హమ్మయ్య.. చల్లటి కబురు చెప్పిన వాతావరణ శాఖ.. ఈ ప్రాంతాల్లో భారీ వర్షం కురిసే అవకాశం..

Published on by

Andhra Pradesh Weather Forecast: బాబోయ్.. వేసవి కాలం వెళ్లి వర్షాకాలం వచ్చినా.. వాతావరణం మాత్రం వేసవినే తలపిస్తోంది. భగభగ మండుతున్న సూర్యడి దెబ్బకు తాళలేక ప్రజలు అల్లాడి పోతున్నారు. ఉక్కపోతతో ఉక్కిరిబిక్కిరి అయిపోతున్నారు. మొదట్లో దంచికొట్టిన వర్షాలు.. ఇప్పుడు కనీసం జాడనైనా లేకపోవడంతో జనాలు వేడిమికి ఉడికిపోతున్నారు. వరణుడా కరునించి అంటూ వేడుకుంటున్నారు. మరి ఆ వరుణుడు జనాల మాట విన్నాడో ఏమో గానీ.. వాతావరణ శాఖ చల్లటి కబురు చెప్పింది. రాబోయే మూడు రోజులు ఏపీలో పలు ప్రాంతాల్లో భారీ వర్షం కురుస్తుందంటూ శుభవార్త చెప్పింది. వాతావరణ శాఖ వెల్లడించిన వివరాలు ఇలా ఉన్నాయి.

ఈశాన్య బంగాళాఖాతం, పొరుగు ప్రాంతములో ఉపరితల ఆవర్తనం కేంద్రం నుంచి దక్షిణ కోస్తాంధ్ర ప్రదేశ్ వరకు సగటు సముద్ర మట్టానికి 3.1 కి.మీ ఎత్తులో ద్రోణి కొనసాగుతోందని వాతావరణ శాఖ ప్రకటన విడుదల చేసింది. అంతర్గత కర్ణాటక నుంచి కొరిమను ప్రాంతం వరకు ఒక ద్రోణి సగటు సముద్ర మట్టం నుంచి 1.5 కిలోమీటర్ల ఎత్తు వరకు విస్తరించి కొనసాగుతోంది. సగటు సముద్ర మట్టానికి 1.5 కిలోమీటర్ల ఎత్తులో దక్షిణ ఛత్తీస్‌గఢ్ మీదుగా గల ఉపరితల ఆవర్తనం కొనసాగుతోంది. ఇక సగటు సముద్ర మట్టానికి 0.9 కిలోమీటర్ల ఎత్తు వద్ద పశ్చిమ మధ్య బంగాళాఖాతంలో ఆంధ్రప్రదేశ్ తీరం వరకు ఏర్పడిన ఉపరితల ఆవర్తనం ఇప్పుడు బలహీనపడింది. అయితే, వీటి ప్రభావంతో ఆంధ్రప్రదేశ్‌లో రాగల మూడు రోజుల పాటు వాతావరణం ఎలా ఉండబోతోందో వాతావరణ శాఖ నివేదిక విడుదల చేసింది. మరి ఏయే ప్రాంతాల్లో వాతావరణం ఎలా ఉంటుందో ఓసారి చూద్దాం..

ఉత్తర కోస్తాంధ్ర..

ఉత్తర కోస్తాంధ్ర, యానాం ప్రాంతాల్లో శుక్రవారం నాడు తేలికపాటి ఉంచి ఒక మోస్తరు వర్షాలు గానీ, ఉరుములతో కూడిన జల్లులు గానీ కురుస్తాయని వాతావరణ శాఖ తెలిపింది. కొన్ని చోట్ల ఉరుములు, మెరుపులతో కూడిన వర్షం కురిసే అవకాశం ఉందన్నారు. ఇక శని, ఆదివారాల్లో తేలికపాటి నుంచి ఒక మోస్తరు వర్షాలు కురుస్తాయంది. ఒకటి రెండు చోట్ల మాత్రం ఉరుములతో కూడిన జల్లులు అనేక చోట్ల కురిసే అవకాశం ఉందని పేర్కొన్నారు.

దక్షిణ కోస్తాంధ్ర..

దక్షిణ కోస్తాంధ్రప్రదేశ్ విషయానికి వస్తే.. శుక్రవారం నాడు కొన్ని చోట్ల మోస్తరు వర్షం కురిసే అవకాశం ఉందని వాతావరణ శాఖ తెలిపింది. ఒకటి రెండు చోట్ల మాత్రం ఉరుములతో కూడిన జల్లులు కురిసే అవకాశం ఉంది. శని, ఆదివారాల్లోనూ దాదాపుగా ఇదే రకమైన వాతావరణం ఉండనుంది. తేలికపాటి నుంచి మోస్తరు వర్షాలు కొన్ని చోట్ల కురిసే అవకాశం ఉంది. భారీ వర్షాలు ఒకటి లేదా రెండు చోట్ల కురువనున్నాయి.

రాయలసీమ..

రాయలసీమలో శుక్రవారం నాడు తేలికపాటి నుంచి మోస్తరు వర్షాలు పడే అవకాశం ఉంది. కొన్ని చోట్ల ఉరుములతో కూడిన జల్లులు కురవనున్నాయి. శనివారం నాడు ఉరుములతో కూడిన మెరుపులు ఒకటి లేదా రెండు చోట్ల సంభవించే అవకాశం ఉంది. అలాగే ఆదివారం నాడు కొన్ని ప్రాంతాల్లో తేలికపాటి నుంచి ఒక మోస్తరు వర్షాలు లేదా ఉరుములతో కూడిన జల్లులు అనేక చోట్ల కురిసే అవకాశం ఉంది. అలాగే కొన్ని చోట్ల మాత్రం భారీ వర్షాలు పడే ఛాన్స్ ఉందని వాతావరణ శాఖ ప్రకటించింది.

Also Read: YSR Rythu Bharosa: ఇవాళ రైతుల ఖాతాల్లోకి డబ్బులు.. బ్యాంక్ అకౌంట్‌లోకి ఎంత జమ అవుతుందంటే?