Shiva.K

AP Assembly Highlights: ఏపీ అసెంబ్లీ సమావేశాలు రేపటికి వాయిదా..

Published on September 21, 2023 9:30 am by Shiva.K

Andhra Pradesh Assembly Highlights: ఆంధ్రప్రదేశ్ అసెంబ్లీ సమావేశాలు(Andhra Pradesh) ప్రారంభమయ్యాయి. సభ అలా మొదలైందో లేదో.. రచ్చ రచ్చ నడుస్తోంది. విపక్ష నేత చంద్రబాబు నాయుడు అరెస్ట్ అక్రమం అంటూ టీడీపీ(TDP) నేతలు వాయిదా తీర్మానం ఇచ్చారు. వాయిదా తీర్మానంపై చర్చకు పట్టుపట్టారు. ఈ క్రమంలో స్పీకర్ పోడియాన్ని చుట్టుముట్టారు టీడీపీ సభ్యులు. పోడియం దగ్గరకు వెళ్లి పెద్ద ఎత్తున నినాదాలు చేస్తున్నారు. చంద్రబాబుపై పెట్టిన కేసులను ఎత్తివేయాలని టీడీపీ సభ్యులు పెద్ద ఎత్తున నినాదాలు చేస్తున్నారు.

విపక్ష నేతల ఆందోళనలపై ప్రభుత్వం క్లారిటీ ఇచ్చింది. స్కిల్ డెవలప్‌మెంట్ స్కామ్‌పై చర్చించేందుకు ప్రభుత్వం సిద్ధంగా ఉందని మంత్రి బుగ్గన రాజేంద్రనాథ్ రెడ్డి స్పష్టం చేశారు. చంద్రబాబు అరెస్ట్ అంశంపై చర్చకు బీఏసీ సమావేశంలో నిర్ణయం తీసుకుందామన్నారు. ప్రతిసారి అర్థంపర్థం లేని వాయిదా తీర్మానం ఇచ్చి సభను అడ్డుకోవాలనుకోవడం సరికాదంటూ టీడీపీ సభ్యులకు చురకలంటించారు మంత్రి బుగ్గన. ప్రభుత్వం వేసే ప్రశ్నలకు టీడీపీ వాళ్‌ల దగ్గర సమాధానం ఉంటుందా అని ప్రశ్నించారు బుగ్గన.

బాలకృష్ణకు అంబటి రాంబాబు వార్నింగ్..

అసెంబ్లీ సమావేశాల్లో టీడీపీ సభ్యులు వ్యవహరిస్తున్న తీరుపై మంత్రులు తీవ్ర ఆగ్రహం వ్యక్తం చేశారు. టీడీపీ ఎమ్మెల్యేలు స్పీకర్‌పై దాడికి యత్నిస్తున్నారంటూ ఫైర్ అయ్యారు మంత్రి అంబటి రాంబాబు. తమ పార్టీ నుంచి టీడీపీలోకి వెళ్లిన ఓ ఎమ్మెల్యే చాలా ఓవర్ యాక్షన్ చేస్తున్నారంటూ సీరియస్ వార్నింగ్ ఇచ్చారు అంబటి. జాగ్రత్త.. ఇబ్బందులు తప్పవంటూ వార్నింగ్ ఇచ్చారు. బాలకృష్ణ ఇక్కడ మీసం మెలేయడం కాదు.. దమ్ముంటే రా చూసుకుందాం అంటూ బాలకృష్ణకు సీరియస్ వార్నింగ్ ఇచ్చారు మంత్రి అంబటి రాంబాబు.

Andhra Pradesh: టీడీపీ కార్యాలయంలో వైసీపీ ఎమ్మెల్యేలు.. ఎందుకెళ్లారంటే..

Published on September 21, 2023 9:20 am by Shiva.K

Andhra Pradesh Assembly Session: ఇవాళ్టి నుంచి ఆంధ్రప్రదేశ్(Andhra Pradesh) అసెంబ్లీ (Assembly) సమావేశాలు ప్రారంభం కానున్నాయి. అసెంబ్లీ సమావేశాలకు హాజరయ్యేందుకు ఇప్పటికే విపక్ష టీడీపీ ఎమ్మెల్యేలు సిద్ధమయ్యారు. ఇందులో భాగంగా టీడీఎల్పీ కార్యాలయంలో భేటీ అయ్యారు ఆ పార్టీ ఎమ్మెల్యేలు, ఎమ్మెల్సీలు. అయితే, ఇక్కడ ఆసక్తికరమైన పరిణామం ఏంటంటే.. టీడీఎల్పీ కార్యాలయానికి వైసీపీ రెబల్ ఎమ్మెల్యేలు హాజరయ్యారు. టీడీపీ సభ్యులతో కలిసి వీరు సభలోకి వెళ్లనున్నారు. మేకపాటి చంద్రశేఖ రెడ్డి, ఉండవల్లి శ్రీదేవి, కోటంరెడ్డి శ్రీధర్ రెడ్డి వైసీపీని వ్యతిరేకిస్తూ టీడీపీకి సపోర్ట్ చేశారు. దాంతో వైసీపీ వారిపై సస్పెన్షన్ వేటు వేసింది.

Congress Party: ఎట్టకేలకు పంతం నెగ్గించుకున్న ఎంపీ కోమటిరెడ్డి వెంకట్ రెడ్డి.. కీలక స్థానం కల్పించిన అధిష్టాం..

Published on September 21, 2023 8:59 am by Shiva.K

MP Komatireddy Venkat Reddy as Screening Committee Member: తెలంగాణ కాంగ్రెస్‌లో(Congress) ఆయనో సీనియర్ లీడర్.. పలు నియోజకవర్గాలను ప్రభావితం చేయగల సత్తా ఆయన సొంతం.. పంతం పట్టారంటే జరిగి తీరాల్సిందే.. కానీ, పరిస్థితులు ఆయనకు అనుకూలించలేదు.. తెలంగాణ(Telangana) ఏర్పాటు తరువాత ఆయన ఆశించిన పదవి దక్కలేదు. ఇంకేముంది.. అలకలు, అరుపులు, సెన్సేషన్ కామెంట్స్ కామన్ అయిపోయాయి. పార్టీలో ఉంటూనే ఇటు రాష్ట్ర నాయకత్వంతో కయ్యానికి దిగారు. సెన్షేషన్ కామెంట్స్ కూడా చేశారు. ఒకానొక దశంలో ఆయన పార్టీని వీడుతారా? లేక పార్టీనే ఆయన్ను తొలగిస్తుందా? అనేంత వరకు వెళ్లింది మ్యాటర్. ఇదంతా తన సీనియారిటీకి ఫలితం దక్కలేదనే బాధతోనే అని పలు సందర్భాల్లో చెప్పుకొచ్చారు కూడా. ఆయన మరెవరో కాదు.. ఎంపీ కోమటిరెడ్డి వెంకట్ రెడ్డి.

నల్లగొండ జిల్లాలో కీలక నేత అయిన కోమటిరెడ్డి వెంకట్ రెడ్డి అసంతృప్తికి చెక్ పెడుతూ కీలక నిర్ణయం తీసుకుంది పార్టీ అధిష్టానం. ఆయనకు అత్యంత కీలక బాధ్యతలు అప్పగించింది. ఎన్నికల స్క్రీనింగ్ కమిటీలోకి తీసుకుంది. ఆయనను మాత్రమే కాదు.. మరో సీనియర్ నాయకుడు, మాజీ ఎంపీ మధుయాష్కి గౌడ్‌ను కూడా స్క్రీనింగ్ కమిటీలోకి తీసుకుంది పార్టీ అధిష్టానం. దాంతో కోమటిరెడ్డి వెంకట్ రెడ్డి ఎట్టకేలకు తన పంతాన్ని నెగ్గించుకున్నారంటూ పార్టీలో జోరుగా చర్చ నడుస్తోంది.

తెలంగాణ ఏర్పాటు తరువాత మాజీ మంత్రి పొన్నాల లక్ష్మయ్యను టీపీసీసీ చీఫ్‌గా నియమించింది కాంగ్రెస్ హైకమాండ్. ఆ తరువాత జరిగిన పరిణామాల నేపథ్యంలో.. పొన్నాలను తప్పించి నల్లగొండ జిల్లాకు చెందిన ఉత్తమ్ కుమార్ రెడ్డిని నియమించింది. పార్టీకోసం ఆయన చాలా కష్టపడ్డారు. అధికార బీఆర్‌ఎస్(నాటి టీఆర్‌ఎస్) పార్టీపై పోరు గట్టిగానే సాగించారు. కానీ, ఫలితం లేకుండా పోయింది. నిరంతరం వర్గ పోరుతో కాంగ్రెస్ సతమతం అవుతూ వచ్చింది. ఇంతలో రాజకీయాల్లో ఫైర్ బ్రాండ్‌గా గుర్తింపు పొందిన రేవంత్ రెడ్డి.. టీడీపీని వీడి కాంగ్రెస్‌ పార్టీలోకి చేరారు. దివంగత నేత జైపాల్ రెడ్డి బంధువు కావడం, స్వతహాగా ఆయనకు మాస్ ఫాలోయింగ్ ఉండటంతో కాంగ్రెస్ పార్టీలో రేవంత్ గ్రాఫ్ అమాంతం పెరిగిపోయింది. ఏకంగా టీపీసీసీ చీఫ్‌ పదవికి పోటీ ఇచ్చే స్థాయికి ఎదిగారు రేవంత్. ఈ క్రమంలోనే.. పార్టీ అధిష్టానం రేవంత్ రెడ్డిని టీపీసీసీ చీఫ్‌గా నియమించింది. ఆ ఒక్క నిర్ణయంతో తెలంగాణ కాంగ్రెస్‌లో అసంతృప్త జ్వాలలు అగ్ని పర్వతంలా బద్దలయ్యాయి. పార్టీలోని సీనియర్ లీడర్లలో చాలామంది రేవంత్ నియామకాన్ని ఆంగీకరించలేదు. బహిరంగంగానే ఈ విషయాలపై కామెంట్స్ చేస్తూ వచ్చారు. ఇక టీపీసీసీ చీఫ్ పదవిని ఆశించిన కోమటిరెడ్డి అయితే.. నెక్ట్స్ లెవల్ కామెంట్స్‌తో విరుచుకుపడ్డారు. అసలు గాంధీ భవన్‌లోనే అడుగు పెట్టనంటూ ప్రతిన బూనారు. రేవంత్ నేతృత్వంలో జరిగిన ఏ ఎన్నికల్లోనూ కోమటిరెడ్డి సహకరించలేదని అంటుంటారు. మునుగోడు నియోజకవర్గంలో కాంగ్రెస్ పార్టీ అభ్యర్థికి కాకుండా.. బీజేపీ నుంచి పోటీ చేసిన తన సోదరుడికి సపోర్ట్‌గా నిలిచారు. ఆ ఘటన అప్పుడు సెన్సేషన్‌గా నిలిచించి మొత్తానికి అలా అలా కొనసాగుతూ వచ్చిన అసంతృప్తులు, వివాదాలు.. ఇటీవలి కాలంలో కాసింత చల్లబడ్డాయి. ఇక లేటెస్ట్‌గా పార్టీ అధిష్టానం ఆయనకు కీలక పోస్ట్ ఇవ్వడంతో ఆ అసంతృప్తి కూడా తొలగిపోతుందని పార్టీ వర్గాలు భావిస్తున్నాయి. మరి కోమటిరెడ్డి ఎలా రియాక్ట్ అవుతారో చూడాలి.

Also Read:

Telangana: గురుకుల అభ్యర్థులకు అలర్ట్.. నేటి నుంచి ప్రిఫరెన్స్ ఆప్షన్స్.. పూర్తి వివరాలివే..

Vande Bharat Express: కాచిగూడ నుంచి మరో ‘వందేభారత్’ ట్రైన్ సర్వీస్ ప్రారంభం.. పూర్తి వివరాలివే..

Vande Bharat Express: కాచిగూడ నుంచి మరో ‘వందేభారత్’ ట్రైన్ సర్వీస్ ప్రారంభం.. పూర్తి వివరాలివే..

Published on September 21, 2023 8:27 am by Shiva.K

Hyderabad-Bengaluru Vande Bharat Express: హైదరాబాద్‌ నుంచి మరో వందే భారత్ ఎక్స్‌ప్రెస్ ట్రైన్ సర్వీస్(Vande Bharat Express) ప్రారంభం కానుంది. ఈ ట్రైన్ హైదరాబాద్(Hyderabad) – బెంగళూరు(Bengaluru) మధ్య నడవనుంది. సెప్టెంబర్ 24న ఈ ట్రైన్‌ను ప్రధాని నరేంద్ర మోదీ(PM Modi) వర్చువల్‌గా ప్రారంభిస్తారు. ఈ ట్రైన్‌కు సంబంధించిన వివరాలు ఇప్పుడు తెలుసుకుందాం. కాచిగూడ నుంచి యశ్వంత్‌పూర్(బెంగళూరు) మధ్య ఈ వందేభారత్ ట్రైన్ నడవనుంది. ఈ ట్రైన్‌ను ఆదివారం మధ్యాహ్నం 12.30 గంటలకు ప్రధాని నరేంద్ర మోదీ (Narendra Modi) ఢిల్లీ నుంచి వర్చువల్‌గా ప్రారంభిస్తారు. ఇకపోతే.. కాచిగూడ రైల్వే స్టేషన్‌లో జరిగే ఈ ప్రారంభోత్సవ కార్య్రమంలో కేంద్ర మంత్రి కిషన్ రెడ్డి (Union Minister Kishan Reddy), రైల్వే ఉన్నతాధికారులు పాల్గొననున్నారు.

ట్రైన్ టైమింగ్స్ ఇవీ..

ఈ వందే భారత్ ఎక్స్‌ప్రెస్ ట్రైన్ సోమవారం నుంచి కాచిగూడలో ఉదయం 5.30 గంటలకు బయలుదేరి.. మహబూబ్‌నగర్‌, కర్నూలు, అనంతపురం, ధర్మవరం, హిందూపురం స్టేషన్ల మీదుగా మధ్యాహ్నం 2 గంటలకు యశ్వంత్‌పూర్‌ చేరుకుంటుంది. తిరిగి మధ్యాహ్నం 2.45 గంటలకు యశ్వంత్‌పూర్‌లో బయలుదేరి.. రాత్రి 11.15 గంటలకు కాచిగూడ చేరుకుంటుంది ఈ ట్రైన్. ఇదిలాంటే.. కాచిగూడ-యశ్వంత్‌పూర్ వందే భారత్‌తో పాటు.. ఇదే రోజున మరో 9 వందేభారత్ ట్రైన్ సర్వస్లను ప్రధాని నరేంద్ర మోదీ వర్చువల్‌గా ప్రారంభించనున్నారు. వీటిలో విజయవాడ-చెన్నై వందేభారత్‌ కూడా ఉండటం విశేషం. ఈ రైలు విజయవాడ నుంచి తెనాలి, ఒంగోలు, నెల్లూరు, రేణిగుంట మీదుగా చెన్నై సెంట్రల్‌ వరకు నడుస్తుంది. వారంలో గురువారం ఒక్క రోజు తప్ప మిగిలిన అన్ని రోజుల్లో ఈ ట్రైన్ నడుస్తుందని రైల్వే అధికారులు తెలిపారు. కాగా, ఈ ట్రైన్ ప్రతి రోజూ(గురువారం మినహా) ఉదయం 5.30 గంటలకు విజయవాడ నుంచి బయలుదేరి మధ్యాహ్నం 12.10 గంటలకు కి చెన్నై చేరుకుంటుంది. తిరిగి చెన్నైలో మధ్యాహ్నం 3.20 గంటలకు బయలుదేరి విజయవాడకు రాత్రి 10 గంటలకు వస్తుంది.

తొలి కాషా రంగు వందే భారత్..

కాగా, కేంద్ర ప్రభుత్వం వందే భారత్‌ ట్రైన్స్‌కి కాషాయ రంగు వేస్తున్న విషయం తెలిసిందే. అయితే, చెన్నైలోని ఇంటిగ్రల్‌ కోచ్‌ ఫ్యాక్టరీ (ఐసీఎఫ్‌)లో తయారైన కాషాయ రంగు వందేభారత్‌ తొలి ట్రైన్‌ను కేరళ రాష్ట్రానికి కేటాయించింది కేంద్ర ప్రభుత్వం. ఈ ట్రైన్ కాసర్‌గోడ్‌ నుంచి తిరువనంతపురం వయా అలెప్పి మార్గంలో నడుస్తుంది.

Also Read:

Modi invites Biden: భారత గణతంత్ర దినోత్సవ వేడుకలకు ముఖ్య అతిథిగా జో బిడెన్.. ఆహ్వానించిన ప్రధాని మోదీ..

Modi invites Biden: భారత గణతంత్ర దినోత్సవ వేడుకలకు ముఖ్య అతిథిగా జో బిడెన్.. ఆహ్వానించిన ప్రధాని మోదీ..

Published on September 21, 2023 7:53 am by Shiva.K

PM Modi invites US President Biden: భారత గణతంత్ర దినోత్సవ వేడుకలకు ముఖ్య అతితిగా రావాల్సిందిగా అమెరికా అధ్యక్షుడు జో బిడెన్‌(Joe Biden)ను ఆహ్వానించారు భారత ప్రదాని నరేంద్ర మోదీ(PM Modi). ఈ విషయాన్ని భారత్‌లోని అమెరికా(America) రాయబారి ఎరిక్ గార్సెట్టీ వెల్లడించారు. జి20లో భాగంగా ద్వైపాక్షిక సమావేశంలో మాట్లాడిన భారత్‌లోని అమెరికా రాయబారి ఎరిక్ గార్సెట్టీ.. జనవరి 26న జరిగే గణతంత్ర దినోత్సవ వేడుకలకు అమెరికా అధ్యక్షుడు జో బిడెన్‌ను ఆహ్వానించినట్లు తెలిపారు. అయితే, గణతంత్ర దినోత్సవ వేడుకలకు క్వాడ్ దేశాల నేతలను ఆహ్వానించడాన్ని భారత్ పరిశీలిస్తోందని వార్తలు వస్తున్న నేపథ్యంలో.. అమెరికాకు ఆహ్వానం అందిందా? అంటూ మీడియా ప్రతినిథులు అమెరికా రాయబారిని ప్రశ్నించారు. దీనికి స్పందించిన గార్సెట్టీ.. జీ20 సదస్సు సందర్భంగా జరిగిన ద్వైపాక్షిక సమావేశంలో అమెరికా అధ్యక్షుడు బిడెన్‌ను ప్రధాని మోదీ గణతంత్ర దినోత్సవ వేడుకలకు ఆహ్వానించారని తెలిపారు. ఇటీవల ముగిసిన G20 సమ్మిట్‌లో ఇరువురు నేతల మధ్య జరిగిన ద్వైపాక్షిక చర్చల నేపథ్యంలో ప్రధాని మోదీ బిడెన్‌కు ఆహ్వానం పంపినట్లు గార్సెట్టి పేర్కొన్నారు. కాగా, భారతదేశం – యుఎస్ ఏడవ, చివరి అత్యుత్తమ ప్రపంచ వాణిజ్య సంస్థ (WTO) వివాదాన్ని కూడా పరిష్కరించడం జరిగిందని చెప్పుకొచ్చారు. ముఖ్యంగా, ప్రధాని మోదీ అమెరికా పర్యటనలో గతంలో ఉన్న ఆరు వివాదాలు పరిష్కరించడం జరిగిందన్నారు.

కాగా, ఈ ఏడాది రిపబ్లిక్ డే వేడుకలకు ఈజిప్టు అధ్యక్షుడు అబ్దెల్ ఫతాహ్ ఎల్-సిసి కూడా ముఖ్య అతిథిగా హాజరుకానున్నారు. ప్రతి సంవత్సరం, గణతంత్ర దినోత్సవ వేడుకలకు హాజరు కావాలని ప్రపంచ నాయకులను భారత్ ఆహ్వానిస్తుంది. అయితే, COVID-19 మహమ్మారి దృష్ట్యా 2021, 2022లో రిపబ్లిక్ డే వేడుకలకు ముఖ్య అతిథిని ఎవరినీ పిలవలేదు. కాగా, 2020లో అప్పటి బ్రెజిల్ అధ్యక్షుడు జైర్ బోల్సోనారో ముఖ్య అతిథిగా హాజరయ్యారు. 2019లో, దక్షిణాఫ్రికా అధ్యక్షుడు సిరిల్ రామఫోసా పరేడ్‌కు ముఖ్య అతిథిగా హాజరయ్యారు. 2018లో మొత్తం 10 ఆసియాన్ దేశాల నాయకులు వేడుకలకు హాజరయ్యారు. 2017లో, అబుదాబి క్రౌన్ ప్రిన్స్ షేక్ మొహమ్మద్ బిన్ జాయెద్ అల్ నహ్యాన్ వేడుకలకు ముఖ్య అతిథిగా హాజరు కాగా, 2016లో అప్పటి ఫ్రెంచ్ అధ్యక్షుడు ఫ్రాంకోయిస్ హోలాండే ఈ వేడుకను ఘనంగా నిర్వహించారు. 2015లో అప్పటి అమెరికా అధ్యక్షుడు బరాక్ ఒబామా ఈ వేడుకలకు హాజరయ్యారు. 2014లో అప్పటి జపాన్ ప్రధాని షింజో అబే గణతంత్ర వేడుకలకు ముఖ్య అతిథిగా హాజరు కాగా, 2013లో భూటాన్ రాజు జిగ్మే ఖేసర్ నామ్‌గేల్ వాంగ్‌చుక్ హాజరయ్యారు.

జీ-20 సమావేశంలో బైడెన్ తో ప్రధాని మోదీ భేటీ..

జీ-20 సమావేశం సందర్భంగా అమెరికా అధ్యక్షుడు జో బైడెన్ తో ప్రధాని నరేంద్ర మోదీ ప్రత్యేకంగా సమావేశం అయ్యారు. ఆ సమయంలో అనేక అంశాలపై చర్చలు జరిపారు. ఇదే సమయంలోనూ.. భారత గణతంత్య్ర వేడుకలకు హాజరవ్వాల్సిందిగా ఆహ్వానించినట్లు తెలుస్తోంది.

Happy to have welcomed @POTUS @JoeBiden to 7, Lok Kalyan Marg. Our meeting was very productive. We were able to discuss numerous topics which will further economic and people-to-people linkages between India and USA. The friendship between our nations will continue to play a… pic.twitter.com/Yg1tz9kGwQ

— Narendra Modi (@narendramodi) September 8, 2023

Also Read:

Andhra Pradesh Assembly: నేటి నుంచి ఏపీ అసెంబ్లీ సమావేశాలు.. బాబు అరెస్ట్ నేపథ్యంలో నెలకొన్న ఉత్కంఠ

T20 World Cup 2024 Venues: క్రికెట్‌ ఫ్యాన్స్‌కు గుడ్‌ న్యూస్.. టీ20 ప్రపంచకప్‌పై కీలక ప్రకటన

Andhra Pradesh Assembly: నేటి నుంచి ఏపీ అసెంబ్లీ సమావేశాలు.. బాబు అరెస్ట్ నేపథ్యంలో నెలకొన్న ఉత్కంఠ

Published on September 21, 2023 7:28 am by Shiva.K

AP Assembly Sessions 2023: ఆంధ్రప్రదేశ్ అసెంబ్లీ సమావేశాలు నేటి నుంచి ప్రారంభం కానున్నాయి. ఉదయం 9 గంటలకు శాసనసభ,10 గంటలకు శాసనమండలి ప్రారంభం అవుతాయి. క్వశ్చన్ అవర్ తో ఉభయ సభలు ప్రారంభం కానున్నాయి. సభ వాయిదా తర్వాత బీఏసీ సమావేశం ఉంటుంది. సభ ఎన్ని రోజులు జరపాలనేదానిపై బీఏసీలో నిర్ణయం తీసుకుంటారు. కాగా, ఉదయం 8.30కి వెంకటపాలెంలో ఎన్టీఆర్‌ విగ్రహానికి నివాళి అర్పించి అసెంబ్లీకి బయలుదేరనున్నారు టీడీపీ (TDP) సభ్యులు. చంద్రబాబు అరెస్ట్ (Chandrababu Arrest) అక్రమం అంటూ సభలో గళం వినిపించాలని టీడీపీ నిర్ణయించింది. మరోవైపు చంద్రబాబు అక్రమాలకు పాల్పడ్డారంటూ పవర్ పాయింట్ ప్రెజెంటేషన్ ఇచ్చేందుకు సిద్ధమైంది అధికార వైసీపీ పార్టీ (YSRCP).

పలు బిల్లులు ప్రవేశపెట్టనున్న ప్రభుత్వం..

ఈ సెషన్ అసెంబ్లీ సమావేశాల్లో పలు బిల్లులను ప్రవేశపెట్టేందుకు ప్రభుత్వం సిద్ధమైంది. దేవాదాయ చట్టంలో సవరణలు చేసే బిల్లును మంత్రి కొట్టు సత్యనారాయణ ప్రవేశపెట్టనున్నారు. ఏపీ ఆధార్ బిల్లు ను మంత్రి అమర్నాధ్ (Minister Amarnath) ప్రవేశపెట్టనున్నారు. ఏపీవీవీపీ ని రద్దు చేసే బిల్లును ను మంత్రి రజిని ప్రవేశపెట్టనున్నారు. అలాగు మంత్రి ధర్మాన.. అసైన్డ్ ల్యాండ్స్ చట్ట సవరణలు చేసే బిల్లును ప్రవేశపెట్టనున్నారు. జీఎస్టీ సవరణ బిల్లును రాష్ట్ర ఆర్థిక శాఖ మంత్రి బుగ్గన రాజేంద్రనాథ్ ప్రవేశపెట్టనున్నారు.

ఆంధ్రప్రదేశ్ లో ముందస్తు ఎన్నికలు వస్తాయా?

గత కొంతకాలంగా ఆంధ్రప్రదేశ్ లో ముందస్తు ఎన్నికలు వస్తాయని ప్రచారం జరుగుతోంది. సీఎం జగన్ (CM Jagan) ముందస్తు ఎన్నికలకు వెళతారని ఊహాగానాలు గట్టిగానే ప్రచారం అవుతున్నాయి. ఈ నేపత్యంలో జరుగుతున్న అసెంబ్లీ సమావేశాలు తీవ్ర ఉత్కంఠను రేపుతుండగా.. తాజాగా ఈ ప్రచారంపై మంత్రి అమర్ నాథ్‌ స్పందించారు. ముందస్తు ఎన్నికలపై కీలక వ్యాఖ్యలు చేశారు. మరి మరి అమర్ నాథ్ ఏమన్నారో తెలుసుకోవాలంటే ఈ కింది వీడియోను చూడాల్సిందే..