Rtvlive.com

RTV NEWS NETWORK

RTV NEWS NETWORK

News Updates from Andhra Pradesh and Telangana

All

119/119

BRS

39

CONG

64

BJP

8

MIM

7

OTH

1

Shareef Pasha

వరదలో కొట్టుకొచ్చిన పాలప్యాకెట్లు, ఎగబడిన జనం..

Published on by

ఏపీలో నిన్నటి నుంచి ఎడతెరపి లేకుండా భారీ వర్షాలు కురుస్తున్నాయి. నిన్న ఉదయం ప్రారంభమైన వర్షాలు ఇవాళ కూడా కొనసాగుతున్నాయి. వర్షాల కారణంగా పలు జిల్లాల్లో జనజీవనం అస్తవ్యస్తమవుతోంది. ముఖ్యంగా పలు గ్రామాలు నీటమునగడంతో రాకపోకలకు తీవ్ర అంతరాయం కలుగుతోంది. ఇవాళ కూడా భారీ వర్షాలు కురిసే అవకాశం ఉందని ఐఎండీ హెచ్చరికలు జారీ చేసింది. ఏపీలో భారీ వర్షాలు బంగాళాఖాతంలో ఉపరితల ఆవర్తనంతో పాటు రుతుపవన ద్రోణి కారణంగా ఏపీలో భారీ వర్షాలు కురుస్తున్నాయి.

నిన్న మొదలైన వర్షాలు ఇవాళ మరింత భారీగా కురుస్తున్నాయి. భారీ వర్షాల కారణంగా రాష్ట్రంలోని పలు జిల్లాల్లో జన జీవనంపై తీవ్ర ప్రభావం పడుతోంది. ఉత్తరాంధ్రలోని శ్రీకాకుళం,విశాఖపట్నంలో నిన్న రాష్ట్రంలోనే అతి భారీ వర్షాలు కురిశాయి. శ్రీకాకుళంలోని రణస్దలంలో 125 మి.మీ, విశాఖలోని పెందుర్తిలో 110 మి.మీల వర్షపాతం నమోదైంది. మిగతా జిల్లాల్లోనూ దాదాపు ఇదే పరిస్ధితి. మోకాళ్ల లోతు నీటిలో పాల ప్యాకెట్లను ఏరుకుంటున్న జనాలను కొంతమంది వీడియో తీసి సోషల్ మీడియాలో పోస్ట్ చేశారు.

దీంతో ఈ వీడియో కాస్తా ఇప్పుడు సోషల్‌ మీడియాలో తెగ వైరల్ అవుతోంది. వరద నీళ్లలో పాలప్యాకెట్లు కొట్టుకురావడమేంటని ఆరాతీయగా.. సాయిబాబా ఆలయం జంక్షన్‌లో మోకాలి లోతు నీరు నిలిచింది. ఆ వరదలోనే అటుగా వెళ్తున్న ఓ వాహనం నుంచి పాల ప్యాకెట్ల ట్రేలు రోడ్డుపై పడటంతో పాల ప్యాకెట్లు కొట్టుకొచ్చాయని, నీళ్లలో దిగి స్థానికులు వాటిని ఏరుకున్నారని తేలింది. కాగా, రెండు రోజులుగా ఏపీలోని తీర ప్రాంతాల్లో వర్షాలు దంచికొడుతున్నాయి. మరో రెండు రోజుల పాటు వర్షాలు కొనసాగుతాయని వాతావరణ శాఖ పేర్కొంది.

 

చంద్రయాన్-3 మిషన్‌పై అదిరిపోయే శాండ్ ఆర్ట్, సక్సెస్ అవ్వాలంటూ..!

Published on by

పూరీ బీచ్‌లో సైక‌త శిల్పాన్ని క్రియేట్ చేశారు. సైక‌త శిల్పి సుద‌ర్శ‌న ప‌ట్నాయ‌క్.. చంద్ర‌యాన్ న‌మోనా శిల్పాన్ని వేశారు. పూరీ బీచ్‌లో ఆయ‌న సైక‌త శిల్పాన్ని క్రియేట్ చేశారు. సుమారు 22 ఫీట్ల పొడువుతో .. చంద్ర‌యాన్‌-3 సాండ్ ఆర్ట్ వేశారు. దీని కోసం ఆయ‌న 500 స్టీల్ గిన్నెల‌ను వాడారు. విజ‌యీ భ‌వ అంటూ ఆ సైక‌త శిల్ప‌పై సందేశం రాశారు. శ్రీహ‌రికోట‌లో కౌంట్‌డౌన్ కొన‌సాగుతున్న‌ట్లు కాసేప‌టి క్రితం ఇస్రో ట్వీట్ చేసింది. చంద్రుడిపై మూడ‌వ ప్ర‌య‌త్నంగా ఇండియాన ల్యాండ‌ర్‌ను దించాల‌నుకుంటోంది. ఇవాళ మ‌ధ్యాహ్నం 2.35 నిమిషాల‌కు ఎల్వీఎం3 ఎం4 రాకెట్ ద్వారా చంద్ర‌యాన్ మిష‌న్‌ను చేప‌ట్ట‌నున్నారు. దీని కోసం నిన్న కౌంట్‌డౌన్ ప్రారంభించారు.

అయితే శ్రీహ‌రికోట‌లో ఆ కౌంట్‌డౌన్ కొన‌సాగుతున్న‌ట్లు కాసేప‌టి క్రితం ఇస్రో ట్వీట్ చేసింది. L110 స్టేజ్‌కు చెందిన ప్రొపెల్లంట్ నింప‌డం పూర్తి అయిన‌ట్లు పేర్కొన్న‌ది. ఇక సీ25 స్టేజ్ కోసం ఫిల్లింగ్ ప్రారంభ‌మైన‌ట్లు ఇస్రో వెల్ల‌డించింది. ప్రతిష్టాత్మంగా తీసుకున్న ఈ ప్రయోగానికి గురువారం కౌంట్‌డౌన్ మొదలుపెట్టారు ఇస్రో శాస్త్రవేత్తలు. తొలిసారిగా చంద్రుడికి ఆవల వైపు ల్యాండర్‌, రోవర్‌లను పంపనున్నారు. అందుకే యావత్ ప్రపంచం ఇస్రో ప్రయోగాన్ని ఆసక్తిగా గమనిస్తోంది. మంచి ఉత్సాహం మీద ఉన్న ఇస్రో మాత్రం కచ్చితంగా ఈ ప్రయోగం విజయం సాధిస్తుందన్న నమ్మకం ఉంది. 2019 జులై 15 చంద్రయాన్‌-2 ప్రయోగం చేసి ఇస్రో విపలమైంది. ఆ అనుభవాలను దృష్టిలో పెట్టుకొని ఈసారి మాత్రం పటిష్టమైన చర్యలు తీసుకున్నట్టు చెబుతున్నారు.

చంద్రుని వద్ద ఉన్న మరిన్ని రహస్యాలను ఛేదించేందుకే ఈ ప్రయానికి ఇస్రో శ్రీకారం చుట్టింది. చంద్రయాన్-3లో ప్రొపల్షన్ మాడ్యూల్‌ 2,145 కిలోలు, ల్యాండర్‌ 1,749 కిలోలు, రోవర్‌ 26 కిలోలు ఉంటాయి. టోటల్‌గా దీని బరువు 3,920గా చెబుతున్నారు. ఈసారి కేవలం ఆరు పేలోడ్స్‌ను మాత్రమే పంపుతున్నారు. ఇందులో ఒక ఇస్రో పేలోడ్‌ ఉంది. చంద్రుడిపై ల్యాండర్ ను దింపే సత్తా భారత్ ఇస్రోకు ఉందని అంతరిక్ష పరిశోధనా సంస్థ మాజీ శాస్త్రవేత్త నంబి నారాయణ్ అన్నారు. చంద్రయాన్ 3 పై మాట్లాడిన ఆయన చంద్రుడు లక్ష్యంగా భారత్ చేస్తున్న చంద్రయాన్ మిషన్ విజయవంతమైన ప్రయోగం అన్నారు. చంద్రుడి మీద ల్యాండర్ ను సేఫ్ ల్యాండ్ చేసి ఈ ఘనత సాధించిన నాలుగోదేశంగా భారత్ కీర్తి గడిస్తుందని నంబి నారాయణ్ ఆశాభావం వ్యక్తం చేశారు.

దుర్గం చెరువులో దూకి మైనర్‌ బాలిక ఆత్మహత్య, ప్రేమ వ్యవహారమే కారణమా..?

Published on by

telangana-hyderabad-a-minor-girl-committed-suicide-cable-bridge-minor-girl-jumped-into-durgam-pond-cable-bridge

ప్రస్తుతం యువత చిన్నపాటి కారణాలతో క్షణికావేశంలో చాలామంది బలవన్మరణాలకు పాల్పడుతున్నారు. చిన్న అపజయాన్ని తట్టుకోలేకపోతున్నారు. ప్రేమ విఫలమైందని ఒకరు.. పరీక్షలో తక్కువ మార్కులు వచ్చాయని మరొకరు.. అప్పులు పెరిగిపోయాయని, భార్యాభర్తల మధ్య చిన్నచిన్న మనస్పర్థలు వచ్చాయని, కుటుంబంలో సమస్యలను తట్టుకోలేక ఇలా చాలామంది తమ ప్రాణాలను పొగొట్టుకుంటున్నారు. అనాలోచితంగా తీసుకున్న నిర్ణయాలతో తమను నమ్ముకున్నవారిని విషాదంలో నెట్టేస్తున్నారు.

telangana-hyderabad-a-minor-girl-committed-suicide-cable-bridge-minor-girl-jumped-into-durgam-pond-cable-bridge

ముఖ్యంగా యువత తెలిసీ.. తెలియని వయసు.. చిన్న సమస్య వచ్చినా ఎదుర్కొలేని పరిస్థితి. ఏదైనా కష్టం వస్తే చాలు.. చావే శరణ్యమని అనుకుంటున్నారు. ఇలా చిన్న విషయాలకే ప్రాణాలు తీసుకుంటున్న పిల్లలు.. కన్నవారికి తీరని శోకాన్ని మిగులుస్తున్నారు. ప్రేమించిన వ్యక్తి మోసం చేశారని ఇంకొకరు ఇలా అనునిత్యం ఏదో ఒక కారణంతో.. ఆత్మహత్యలు చేసుకుంటున్నారు. ప్రేమించిన అమ్మాయి వేరే అబ్బాయిని వివాహం మాడిందనో.. పెద్దలు తమ ప్రేమను అంగీకరించడం లేదనో.. ఇలా రకరకాల కారణాల వల్ల యువతీయువకులు బలవన్మరణానికి పాల్పడుతున్నారు. తాజాగా ఇలాంటి ఘటనే హైదరాబాద్​లో చోటుచేసుకుంది. మాదాపూర్ దుర్గం చెరువు కేబుల్ బ్రిడ్జిపై నుంచి దూకి ఓ మైనర్ బాలిక ఆత్మహత్యకు పాల్పడింది. మృతురాలు కర్ణాటకలోని గుల్బర్గాకు చెందిన పాయల్‌గా పోలీసులు గుర్తించారు. నాలుగు నెలల క్రితం పాయల్ హైదరాబాద్‌కు వచ్చింది. ఈరోజు స్నేహితురాలితో కలిసి తీగల వంతెనపై నడుస్తూ పాయల్ ఒక్కసారిగా పైనుంచి చెరువులోకి దూకింది. ఈ క్రమంలోనే ఆమె స్నేహితురాలు తనని ఆపే ప్రయత్నం చేసిన ప్రయోజనం లేకుండా పోయింది.

ఈ హఠాత్పరిణామం నుంచి తేరుకున్న పాయల్ స్నేహితురాలు పోలీసులకు సమాచారం అందించింది. వెంటనే ఘటనా స్థలానికి చేరుకున్న పోలీసులు యువతి మృతదేహం కోసం డీఆర్ఎఫ్‌ బృందాలు, దుర్గం చెరువు లేక్ పోలీసులతో గాలింపు చర్యలు చేపట్టారు. మరోవైపు ఈ ఘటనపై మాదాపూర్ పోలీసులు కేసు నమోదు చేసి దర్యాప్తు ప్రారంభించారు. ప్రేమ వ్యవహారం విషయంలో యువతి తల్లిదండ్రులు ఇంట్లో ఒప్పుకోకపోవడంతో పాయల్‌ ఆత్మహత్యకు పాల్పడినట్లు పోలీసులు భావిస్తున్నారు. ఇటీవల కాలంలో వివిధ కారణాలతో తీగల వంతెన పైనుంచి దూకి దాదాపు ఏడుగురు ఆత్మహత్యకు పాల్పడినట్లు సమాచారం. ఇలా ఇప్పటివరకు ఐదు మృతదేహాలను వెలికితీశామని డీఆర్ఎఫ్ స్టేషన్ ఫైర్ ఆఫీసర్ శౌకత్‌ పేర్కొన్నారు. రాష్ట్రానికి ఐకాన్​గా ఉన్న దుర్గం చెరువు తీగలవంతెన ఆత్మహత్యలకు అడ్డాగా మారడం పట్ల సందర్శకులు ఆవేదన వ్యక్తం చేశారు. ఇక నుంచి ఇలాంటి ఘటనలు పునరావృతం కాకుండా చర్యలు తీసుకుని మరింత కట్టుదిట్టమైన భద్రత ఏర్పాట్లు చేయాలని విజిటర్స్‌ కోరారు.

స్తంభించిన హాలీవుడ్, సమ్మెకు దిగిన యాక్టర్స్..!

Published on by

movies-hollywood-shuts-down-as-screen-actors-guild-go-on-strik-fran-dresser1

మూవీ నిర్మాణ స్టూడియోలతో జరిగిన చర్చలు ఫలప్రదం కాకపోవడంతో నిరవధిక సమ్మెకు గిల్డ్‌ పిలుపునిచ్చింది. దీంతో గత అర్ధరాత్రి నుంచి గిల్డ్‌లో ఉన్న లక్షా 60 వేల మంది నటీనటులు సమ్మెబాట పట్టారు. ఇవే డిమాండ్లతో గత 11 వారాలుగా రైటర్స్‌ గిల్డ్‌ ఆఫ్‌ అమెరికా సమ్మెకు దిగింది. తాజాగా వారికి నటీనటులు తోడవంతో హాలీవుడ్‌ సినీ ఇండస్ట్రీ మూతపడినట్లయింది. ఇలా రచయితలు, నటులు ఒకేసారి సమ్మెకు దిగడం గత 63 ఏండ్లలో ఇదే తొలిసారి అని చెప్పాలి.

movies-hollywood-shuts-down-as-screen-actors-guild-go-on-strik-fran-dresser

హాలీవుడ్‌లో మొదటిసారిగా 1960లో నటుడు రోనాల్డ్‌ రీగన్‌ నేతృత్వంలో రెండు యూనియన్లు డబుల్‌ స్ట్రైక్‌ చేశాయి. 1980లో స్క్రీన్‌ యాక్టర్స్‌ సమ్మె జరిగింది. ఇన్నేండ్ల తర్వాత రైటర్స్‌ గిల్డ్‌, స్క్రీన్‌ యాక్టర్స్‌ గిల్డ్‌ కలిసి మరోసారి డబుల్‌ స్ట్రైక్‌ చేస్తున్నాయి. ఈసారి 98 శాతం మంది నటీనటులు ఈ సమ్మెకు మద్దతు తెలపడం విశేషం అనే చెప్పాలి. ఆర్టిఫిషియల్‌ ఇంటెలిజెన్స్‌ (ఏఐ) రాకతో అన్ని ఇండస్ట్రీలకు ముప్పు తప్పదంటున్నారు. ఇది చూసిన సినీ ప్రియులు.

movies-hollywood-shuts-down-as-screen-actors-guild-go-on-strik-fran-dresser2

ఈ సమ్మెతో హాలీవుడ్ లో తెరకెక్కుతున్న సినిమాలు, టీవీ సిరీస్‌లు కాస్త మరింతగా ఆలస్యం కానున్నాయి. ఇదిలాగే కొనసాగితే భారీ సినిమాల రిలీజ్‌లు వాయిదా పడటం ఖాయం అంటున్నారు. ఇప్పటికే రిలీజ్ కావాల్సిన సినిమాల ప్రమోషన్లకు కూడా నటీనటులు దూరంగా ఉండనున్నారు. కాగా, ఇది చరిత్రలో నిలిచిపోయే సందర్భమని, ఇప్పుడు కనుక తాము తమ గళం వినిపించకపోతే కష్టాల్లో పడతామని గిల్డ్ ప్రెసిడెంట్ ఫ్రాన్ డ్రెషర్ అన్నారు. అత్యాశకు పోతున్న స్టూడియోల వల్ల తాము బాధితులం అవుతున్నామని నటీనటులు వాపోతున్నారు. ఈ సమ్మె మూలంగా ఇండస్ట్రీకి ముప్పు తప్పుతుందో లేదో చూడాలి మరి.

అమర్‌నాథ్ యాత్రలో ఇంట్రెస్టింగ్ విషయాలను పంచుకున్న బ్యాడ్మింటన్‌ సైనా నెహ్వాల్‌

Published on by

అమర్‌నాథ్‌ యాత్ర పూర్తి చేయడం పట్ల తన సంతోషాన్ని వ్యక్తం చేస్తూ, దర్శనం పొందడం తన అదృష్టంగా భావిస్తున్నానని, తీర్థయాత్రను సులభతరం చేసినందుకు, యాత్రికుల భద్రత, సౌకర్యాన్ని చూసుకున్నందుకు అమర్‌నాథ్ పుణ్యక్షేత్రం బోర్డు, ఆర్మీ వాళ్ళకి సైనా నెహ్వాల్ ప్రత్యేక కృతజ్ఞతలు తెలిపారు. అమర్‌నాథ్ వంటి ప్రదేశాలను సందర్శించడం వల్ల మనిషికి ఎంతో ప్రశాంతత, సానుకూలత లభిస్తాయని ఆమె అన్నారు. ఆమె తల్లి ఉషా రాణి నెహ్వాల్ కూడా నిర్వహణ యొక్క సమర్థతను మెచ్చుకున్నారు. ప్రజలు తీర్థయాత్రలో పాల్గొనాలని సూచించారు.

అమర్‌నాథ్ యాత్రకు సంబంధించిన కొన్ని ఫోటోలు షేర్

సైనా నెహ్వాల్ తన అధికారిక ట్విట్టర్ హ్యాండిల్‌లో అమర్‌నాథ్ యాత్రకు సంబంధించిన కొన్ని చిత్రాలను కూడా షేర్ చేసింది. ఈ చిత్రాలలో బాబా బర్ఫానీని సందర్శించేటప్పుడు సైనా నెహ్వాల్ ఎంతో సంతోషంగా, చాలా ఉత్సాహంగా కనిపిస్తోంది. అంతేకాదు ఈ యాత్రలో తన అనుభూతులను నెటిజన్లతో పంచుకుంది. ఈ యాత్ర చేయడం తన అదృష్టంగా భావిస్తున్నానంటూ తన ఆనందాన్ని వ్యక్తం చేసింది.

అమర్‌నాథ్ యాత్రకు 10వ బ్యాచ్ భక్తులు వీళ్లే…

సమాచారం ప్రకారం.. బుధవారం 7805 మంది యాత్రికుల పదవ బ్యాచ్ బాబా అమర్‌నాథ్ వార్షిక తీర్థయాత్ర కోసం జమ్మూలోని యాత్రి నివాస్ నుండి పహల్గామ్, బల్తాల్‌లకు పంపబడింది. యాత్రకు సంబంధించి భక్తుల ఉత్సాహం నిరంతరం పెరుగుతోంది. బల్తాల్ మార్గంలో పంపిన 3128 మంది యాత్రికుల బ్యాచ్‌లో 2293 మంది పురుషులు, 772 మంది మహిళలు, 26 మంది పిల్లలు, 37 మంది సాధువులు ఉన్నారు. పహల్గామ్ మార్గంలో ప్రయాణించడానికి పంపిన 4677 మంది యాత్రికుల బ్యాచ్‌లో 3537 మంది పురుషులు, 991 మంది మహిళలు, 34 మంది పిల్లలు, 115 మంది సాధువులు ఉన్నారు.

ఐటీ రంగంలో లాభాలతో దూసుకెళ్తున్న దేశీయ దిగ్గజం టీసీఎస్

Published on by

టీసీఎస్ కంపెనీ మొత్తం లాభం ఈ త్రైమాసికంలో 10,880 కోట్లుగా ఉంటుందని బ్రోకింగ్ సంస్థలు అంచనా వేశాయి. కానీ వారి అంచనాలకు మించి టీసీఎస్ రాణించింది. అలాగే ఆదాయ అంచనాలు కూడా 59,000 కోట్లుగా ఉంటుందని ఆర్ధిక సంస్థలు అంచనా వేశాయి. ఈ అంచనాలకు మించి టీసీఎస్ రాణించింది. గత యేడాది జూన్ క్వార్టర్‌లో టీసీఎస్, 9,478 కోట్ల నికర లాభాలను ఆర్జించింది. ఈ యేడాది మార్చ్‌ క్వార్టర్‌లో కూడా 11,392 కోట్ల నికర లాభాలను సాధించింది. కాగా బుధవారం జరిగిన కంపెనీ బోర్డ్ ఆఫ్‌ డైరెక్టర్ల సమావేశంలో కంపెనీ షేర్ కు 9 రూపాయిల చొప్పున డివిడెండ్ ను ప్రకటించింది.

దీర్ఘకాలిక డిమాండ్‌ ఉంటుందన్న ఆశాభావం

టీసీఎస్‌ ఆర్డర్‌ బుక్‌ జోరుగా ఉందని, ప్రస్తుతం 10.2 బిలియన్‌ డాలర్ల ఆర్డర్లు ఉన్నాయని నూతనంగా నియమితులైన సీఈవో, ఎండీ కృతివాసన్‌ వెల్లడించారు. కొత్తగా వచ్చిన టెక్నాలజీల ఫలితంగా తమ సర్వీసులకు దీర్ఘకాలిక డిమాండ్‌ ఉంటుందన్న ఆశాభావాన్ని కంపెనీ వ్యక్తం చేసింది. గ్లోబల్‌ గా చూస్తే ఉత్తర అమెరికా ఆదాయ వృద్ధి 4.6 శాతానికి తగ్గింది. దేశీయ ఐటీ రంగానికి అత్యధిక ఆదాయాన్ని సమకూర్చే ప్రాంతం ఉత్తర అమెరికా. అయితే అమెరికాలో కొంత బ్యాంకింగ్ సంక్షోభం ఉండటంతో TCS ఆదాయం తగ్గిందని ఎనలిస్టులు భావిస్తున్నారు. యూకే ఆదాయం అత్యధికంగా 16.1 శాతం వృద్ధి చెందింది. లైఫ్‌ సైన్సెస్‌, హెల్త్‌కేర్‌ రంగం ఆదాయం 10.1 శాతం పెరగ్గా, బీఎఫ్‌ఎస్‌ఐ ఆదాయం 3 శాతమే అధికమయ్యింది.

నికరంగా 523 మంది ఉద్యోగుల్ని కొత్తగా చేర్చుకున్న టీసీఎస్‌ 

ఈ త్రైమాసికంలో టీసీఎస్‌ నికరంగా 523 మంది ఉద్యోగుల్ని కొత్తగా చేర్చుకుంది. దీంతో కంపెనీ మొత్తం ఉద్యోగుల సంఖ్య 6,15,318కు పెరిగినట్టు హ్యుమన్‌ రిసోర్సెస్‌ చీఫ్‌ మిలింద్‌ లక్కడ్‌ తెలిపారు. వలసల రేటు క్యూ1లో మరింత తగ్గి, 17.8 శాతానికి దిగింది. కాగా TCS కంపెనీలో మొత్తం ఉద్యోగుల్లో 35.8 శాతం మహిళలు ఉండటం విశేషం. ఈ కంపెనీ షేర్ ప్రస్తుతం 3 శాతం పెరిగి 3,358 వద్ద ట్రేడ్ అవుతోంది.