Rtvlive.com

RTV NEWS NETWORK

RTV NEWS NETWORK

News Updates from Andhra Pradesh and Telangana

All

119/119

BRS

39

CONG

64

BJP

8

MIM

7

OTH

1

Shareef Pasha

సుఖేష్ వ్యాఖ్యలపై ఫైర్ అయిన మంత్రి కేటీఆర్

Published on by

తనకు సాక్ష్యాలు ఇవ్వాలని కేటీఆర్, కవిత తనపై ఒత్తిడి చేస్తున్నారంటూ సుఖేష్ చెప్పుకొచ్చాడు. అందుకు సంబంధించిన చాట్‌ హిస్టరీ కూడా ఉందంటూ చెప్తున్నాడు. శంషాబాద్‌ ఎయిర్‌పోర్ట్‌ దగ్గర 100 కోట్ల భూమితో పాటు ఎన్నికల్లో సీటు ఇస్తామంటున్నారని లేఖలో రాసుకొచ్చాడు. లిక్కర్ స్కామ్‌తో పాటు పలు అంశాలపై పదేపదే లేఖలు విడుదల చేస్తున్న సుఖేష్‌ ఈసారి కేటీఆర్ తనపై ఒత్తిడి తెస్తున్నారని చెప్పడంతో రాజకీయ వర్గాల్లో చర్చ మొదలైంది.

సుఖేష్ చంద్రశేఖర్‌ మంత్రి కేటీఆర్‌పై పలు ఆరోపణలు

రూ. 200 కోట్ల మనీలాండరింగ్ కేసులో ప్రధాన నిందితుడిగా ఉన్న సుఖేష్ చంద్రశేఖర్‌ తెలంగాణ మంత్రి కేటీఆర్‌పై పలు ఆరోపణలు చేశారు. అయితే.. దీనిపై మంత్రి కేటీఆర్‌ స్పందిస్తూ.. మోసగాడు, నేరస్థుడు సుఖేష్ నాపై కొన్ని హాస్యాస్పదమైన ఆరోపణలు చేశాడని మీడియా ద్వారా తెలుసుకున్నాను. నేను ఈ పోకిరీ గురించి ఎన్నడూ వినలేదు. అతని అర్ధం లేని మాటలపై చట్టపరమైన చర్య తీసుకోవాలనుకుంటున్నాను. ఇటువంటి కామెంట్స్ విషయంలో మీడియా జాగ్రత్తగా ఉండాలని అభ్యర్థన అని ఆయన ట్విట్టర్‌ వేదికగా పోస్ట్‌ చేశారు. అయితే మనీలాండరింగ్ కేసులో ప్రధాన నిందితుడిగా ఉన్న సుఖేష్ చంద్రశేఖర్‌ తెలంగాణ గవర్నర్‌ తమిళిసై సౌందర్‌ రాజన్‌కు లేఖ రాశారు.

సుఖేష్ వ్యాఖ్యలపై ఫైర్ అయిన మంత్రి కేటీఆర్

కవితకు నాకు మధ్య జరిగిన వాట్సాప్ చాట్ అంతా రికార్డింగ్ ఉంది. ఈ ఆధారాలని ఇప్పటికే ఈడీకి 65 -బి సర్టిఫికెట్ రూపంలో ఇచ్చేశా. కవిత నుంచి రూ.15 కోట్ల నగదు తీసుకొని అరవింద్ కేజ్రీవాల్ తరపు వారికి అందజేశా. ఈ అంశాలపై సీబీఐ దర్యాప్తు చేయాలని కోరుతున్నా అంటూ గవర్నర్‌ తమిళసైకు సుఖేష్ చంద్రశేఖర్ లేఖ రాశారు. అయితే.. ఈ సుఖేష్ వ్యాఖ్యలపై స్పందిస్తూ మంత్రి కేటీఆర్ పై విధంగా స్పందించారు. అయితే, సుఖేష్ ఆరోపణలపై మంత్రి కేటీఆర్ సీరియస్ అయ్యారు. సుఖేష్ చేసిన ఆరోపణలు తన దృష్టికి వచ్చాయన్నారు. అసలా వ్యక్తి ఎవరో కూడా తనకు తెలియదన్నారు. సుఖేష్‌ వ్యాఖ్యలపై న్యాయపరంగా ముందుకు వెళ్తామని కేటీఆర్ చెప్పారు. ఈ మేరకు ఆయన ట్వీట్ చేశారు. గతంలో కవితపైన, ఇప్పుడు కేటీఆర్ పైన ఆరోపణలతో సుఖేష్‌ ఇలా వ్యవహరించడంపై బీఆర్ఎస్ శ్రేణుల నుంచి కూడా తీవ్రమైన ఆగ్రహావేశాలు వ్యక్తమవుతున్నాయి.

మెగా ప్రిన్సెస్‌కి మెగా రూం, కూతురు కోసం స్పెషల్ ఫారెస్ట్‌ థీమ్‌తో..!

Published on by

రామ్‌ చరణ్‌, ఉపాసన కొన్ని రోజుల క్రితేమే అమ్మానాన్నలుగా ప్రమోషన్‌ పొందారు. జూన్ 20న అపోలో ఆస్పత్రిలో పండంటి ఆడబిడ్డను ప్రసవించింది ఉపాసన. పెళ్లైన 11 ఏళ్లకు రామ్ చరణ్‌ దంపతులకు మహాలక్ష్మి జన్మించడంతో మెగా ఫ్యామిలీలో సంతోషం వెల్లివిరిసింది. ఇక మెగా ప్రిన్సెస్‌ వచ్చింటూ అభిమానులు కూడా ఆనందంలో మునిగిపోయారు. అనంతరం లలితా సహస్రనామం పదాలు కలిసేలా తమ కూతురుకు క్లీంకార అని నామకరణం చేశారు.

కూతురు విషయంలో ఉపాసన ప్రత్యేక శ్రద్ధ

కాగా…కూతురు విషయంలో ఉపాసన ప్రత్యేక శ్రద్ధ తీసుకుంటోంది. ఈ క్రమంలోనే తమ బిడ్డ ఆహ్లాదకర వాతావరణంలో పెరిగేందుకు ఒక ప్రత్యేక గదిని సిద్ధం చేశారు రామ్‌ చరణ్‌ దంపతులు. స్పెషల్‌ రూం అనగానే అత్యాధునిక హంగులు అని అర్థం కాదు. చిన్నారి పెరిగేందుకు అనువైన వాతావరణం ఉండేలా పిల్లలు కోరుకునే బొమ్మలతో గదిని అందంగా తీర్చిదిద్దారు. ఫారెస్ట్‌ థీమ్‌లో అంటే అడవిలో ఉండే జంతువుల బొమ్మలు, చెట్లు ఉండే గదిని చాలా చక్కగా ప్రముఖ ఆర్కిటెక్ట్‌ మేకర్స్‌తో డిజైన్‌ చేయించారు.

ఆహ్లాదభరితంగా ఉండేలా గది ఏర్పాటు

అలాగే వైట్‌ థీమ్‌లో సోఫాలు, మ్యాట్‌లు, టేబుల్స్‌ ఇలా ఎంతో ఆహ్లాదభరితంగా ఉండేలా గదిని ఏర్పాటు చేశారు. ప్రముఖ ఆర్కిటెక్ట్‌ పవిత్రా రాజారామ్‌ ఈ స్పెషల్ రూమ్‌ను డిజైన్‌ చేయించారు. తాజాగా తన కూతురుకు సంబంధించిన గదిని సోషల్‌ మీడియాలో షేర్‌ చేసింది ఉపాసన. ఈ వీడియో ప్రస్తుతం సోషల్‌ మీడియాల్లో తెగ వైరల్‌గా మారింది. దీనిని చూసిన అభిమానులు, నెటిజన్లు మెగాభిమానులంటే ఆ మాత్రం ఉండాలి అంటూ ఫ్యాన్స్‌ కామెంట్ల వర్షం కురిపిస్తున్నారు.

చంద్రయాన్-3 ప్రయోగం సక్సెస్, ఇస్రో శాస్త్రవేత్తల సంబరాలు

Published on by

చంద్రుని రహస్యాలను ఛేదించేందుకు చంద్రయాన్‌-3 రాకెట్‌..

చంద్రుని దక్షిణ ధ్రువంపై ఎవరూ చూడని నిగూఢ రహస్యాలను ఛేదించేందుకు చంద్రయాన్‌-3 రాకెట్‌ను ఇస్రో శాస్త్రవేత్తలు ప్రయోగించారు.ఈ రాకెట్‌ ద్వారా 3 వేల 900 కిలోల బరువున్న చంద్రయాన్‌-3 పేలోడ్‌ను రోదసీలోకి పంపించారు. రాకెట్‌ నుంచి విడిపోయాక వ్యోమనౌకను భూకక్ష్య నుంచి చంద్రుని కక్ష్య వరకూ మోసుకెళ్లే ప్రొపల్షన్‌ మాడ్యూల్‌, అక్కడి నుంచి చంద్రునిపై దిగిన తర్వాత పరిశోధనలు చేసేందుకు విక్రమ్‌ ల్యాండర్‌, ఉపరితలంపై తిరుగుతూ పరిశోధనలు చేపట్టే ప్రగ్యాన్‌ రోవర్‌ చంద్రయాన్‌-3లో అమర్చి ఉన్నాయి.

చంద్రుడి చుట్టూ 100 కిలోమీటర్ల ఎత్తులో ఉన్న కక్ష్యలోకి..

జీఎస్ఎల్వీ మార్క్–3 చంద్రయాన్‌-3 ఉపగ్రహాన్ని భూమి చుట్టూ ఉన్న 170X36,500 కిలోమీటర్ల దీర్ఘవృత్తాకార కక్ష్యలో సక్సెస్ ఫుల్ గా ప్రవేశపెట్టింది. ఇది 24 రోజుల పాటు భూమి చుట్టూ తిరిగి, అనంతరం క్రమంగా దాని కక్ష్యను పెంచుకుంటూ నింగిలోకి వెళ్లిపోతుంది. ఆ తర్వాత క్రమంగా చంద్రుడి వైపు ప్రయాణించే కక్ష్యలోకి చేరనుంది. చివరకు చంద్రుడి చుట్టూ 100 కిలోమీటర్ల ఎత్తులో ఉన్న కక్ష్యలోకి ఈ చంద్రయాన్ –3ని పంపించనున్నారు. ఆగస్టు 23 లేదా 24 వ తేదీన ప్రొపల్షన్‌ మాడ్యూల్‌ నుంచి ల్యాండర్‌, రోవర్‌తో కూడిన మాడ్యూల్‌ సపరేట్ కానుంది. అప్పుడు చంద్రుడి దక్షిణ ధ్రువానికి చేరువలో సుమారు 70 డిగ్రీల దక్షిణ అక్షాంశం దగ్గర ఈ చంద్రయాన్-3 రాకెట్ దిగనుందని ఇస్రో శాస్త్రవేత్తలు వెల్లడించారు.

హర్షం వ్యక్తం చేసిన భారత ప్రధాని నరేంద్ర మోదీ

ఈ చంద్రయాన్-3 ప్రయోగం సక్సెస్ కావడంతో ఇస్రో శాస్త్రవేత్తలు సంతోషం వ్యక్తం చేశారు. మూడు దశల్లో ఈ ప్రయోగం విజయవంతం కావడంతో శాస్త్రవేత్తలు సంబరాలు చేసుకున్నారు. చంద్రయాన్-3 విజయవంతంపై హర్షం వ్యక్తం చేసిన భారత ప్రధానమంత్రి నరేంద్ర మోదీ ఆనందం వ్యక్తం చేశారు. ఇస్రో శాస్త్రవేత్తలకు ప్రధాని మోడీ అభినందనలు తెలిపారు. ప్రతి భారతీయుడు గర్వించదగ్గ విషయం అని ఆయన కొనియాడారు.

ఇకపై ఫ్రాన్స్‌లోనూ యూపీఐ డిజిటల్ సేవలు, మోదీకి అత్యున్నత పురస్కారం!

Published on by

ప్రధాని మోదీ కోసం ప్యారిస్‌లో ప్రైవేట్ డిన్నర్ ఏర్పాటు చేసిన మేక్రాన్…మోదీకి ఈ అత్యున్నత పురస్కారాన్ని బహుకరించారు. ఫ్రెంచ్ పురస్కారాల్లో లేదా మిలటరీ అవార్డులలో ఇదే అత్యున్నత పురస్కారం. అయితే ఇలాంటి పురస్కారం భారత ప్రధానికి దక్కడం ఇదే తొలిసారి కావడం విశేషం. గురువారం రాత్రి ప్రధాని మోదీ.. ఫ్రాన్స్‌లో స్థిరపడిన ప్రవాస భారతీయలతో భేటీ అయ్యారు. చంద్రయాన్ 3 ప్రయోగంతో పాటు అనేక విషయాలను వారితో ప్రధాని చర్చించారు. చంద్రయాన్ 3 ప్రయోగానికి కౌంటింగ్ మొదలైందని.. శ్రీహరి కోట నుంచి రాకెట్ ప్రయోగించబోతున్నట్లు తెలిపారు.

అంతరిక్ష పరిశోధన చరిత్రలో ఇదొక మైలురాయి

భారతదేశ అంతరిక్ష పరిశోధన చరిత్రలో ఇది మైలురాయిగా నిలిస్తుందని చెప్పారు. అలాగే వచ్చే 25 ఏళ్లలో అభివృద్ధి చెందిన దేశంగా మారాలనే లక్ష్యం దిశగా భారత్ పరుగులు తీస్తోందని అన్నారు. భారత్‌లో పెట్టుబడులకు అనేక అవకాశాలు ఉన్నాయని చెప్పారు. వివిధ దేశాల్లో స్థిరపడిపోయిన భారతీయులకు అన్ని సదుపాయలు, భద్రత కల్పించేందుకు తాము కట్టుబడి ఉన్నామన్నారు. ఉక్రెయిన్, అఫ్ఘానిస్తాన్, సుడాన్ లాంటి దేశాల్లో నివసించే భారతీయులకు రక్షణ కోసం ఎప్పటికీ ముందుంటామని హామి ఇచ్చారు. ఫ్రాన్స్‌లో యూపీఐని వినియోగించేందుకు ఆ దేశ ప్రభుత్వం అంగీకరించిందని తెలిపారు. భారత టూరిస్టులు యూపీఐ చెల్లింపుల ద్వారా స్వదేశ కరెన్సీలో చెల్లించవచ్చని అన్నారు.

భారతీయులకు ప్రధాని తీపి కబురు

మరో విషయం ఏంటంటే.. ఫ్రాన్స్‌లో చదువుకునే భారతీయులకు ప్రధాని తీపి కబురు చెప్పారు. అక్కడ మాస్టర్స్ చేస్తున్న ఇండియన్ స్టూడెంట్స్‌కు 5 ఏళ్ల లాంగ్ టర్మ్ పోస్ట్ స్టడీ వీసా ఇవ్వాలని నిర్ణయించినట్లు వెల్లడించారు. అలాగే మార్సెయిల్‌లో కొత్తగా కాన్సులేట్ ప్రారంభించాలని నిర్ణయించినట్లు పేర్కొన్నారు. తమిళ తత్వవేత్త అయిన తిరువళ్లువార్ విగ్రహాన్ని సైతం ఆ దేశంలో ప్రతిష్టిస్తామని కొన్ని వారాల వ్యవధిలోని పనులన్ని పూర్తి అవుతాయని తెలిపారు. ఇదిలా ఉండగా శుక్రవారం ప్రధాని మోదీ ఫ్రాన్స్ నేషనల్ డే ఉత్సవాల్లో పాల్గొన్నారు.

టమాట ధరల పెరుగుదలపై దుమ్ములేపుతున్న క్రేజీ రీల్స్..!

Published on by

దేశంలో టమాట ధర పెరుగుదల సామాన్యులపై చాలా ప్రభావం చూపుతోంది. దొంగతనాలు చేసినప్పుడు దొంగలు బంగారం, డబ్బుతో పాటు నాలుగు టమాటలు కూడా తీసుకెళ్తే మనకు ఖర్చు తగ్గుతుంది కదా అని దొంగలు కూడా ఆలోచిస్తున్నారంటే.. టమాటలకు ప్రస్తుతం ఎంత విలువ ఉందో అర్థం చేసుకోవచ్చు. మొన్నటిదాకా పది, ఇరవై రుపాయలకు కిలో ఉన్న టమాట ఇప్పుడు రూ.120 నుంచి రూ.250 పలుకుతోంది. ఈ ధరలు చూసి సామాన్య ప్రజలు హడలెత్తి పోతున్నారు. అయితే సమాజంలో ఏది జరిగినా.. దాన్ని ఫన్​గా తీసుకుని మీమ్స్, రీల్స్, షాట్స్ చేయడం సోషల్ మీడియా యూజర్స్​కు బాగా అలవాటైపోయింది. ఇక ఈ టమాట ధరల పెరుగుదలతో జరుగుతున్న వివిధ రకాల సంఘటనలను చూసి వీళ్లు ఊరుకుంటారా..? అందుకే టమాట ధరల పెరుగుదలపై రకరకాల రీల్స్, షాట్స్ చేస్తూ నెటిజన్లను ఆకట్టుకుంటున్నారు.

ఆన్‌లైన్‌లో సేల్‌ నడుస్తుంది డబ్బులు ఇవ్వమని అన్నను అడిగిన చెల్లెలు

 

View this post on Instagram

 

A post shared by AKHIL KUMAR (@akhil.jackson)

ఒక వీడియోలో చెల్లి ఆన్‌లైన్‌లో సేల్‌ నడుస్తుంది డబ్బులు ఇవ్వమని తన అన్నను అడుగుతుంది. దానికి వాళ్ల అన్నయ్య కళ్లు మూసుకో అని చెప్పి తన చేతిలో నాలుగు టమాటలు పెడతాడు. ఏంటి అన్న ఇది అంటే.. ఆ అన్న ఓ థియరీ చెబుతాడు. ఆ థియరీకి కన్విన్స్ అయిన ఆ అమ్మాయి తన సోదరుడు చెప్పింది ఒప్పుకుని తను ఇచ్చిన టమాటలకో షాపింగ్‌ చెయ్యడానికి సిద్ధమవుతుంది.

నన్ను ఏది అడిగినా టమాటనే ఇస్తా..?

 

View this post on Instagram

 

A post shared by Prashanth Práshú (@prashu__baby)

ఇక మనం ఈ మధ్య కాలంలో ఏది కొన్నా ఆన్‌లైన్‌ పేమెంట్స్‌ చేస్తున్నాం. ఆఖరికి పది రుపాయల చాయ్‌ కొన్నా ఐదు రుపాయల చాక్లెట్‌ కొన్నా ఏ ఫోన్‌ పే నో, గూగుల్‌ పే నో ఉపయోగిస్తున్నాం. కానీ ఇప్పుడు కొంత మంది ఏం చేస్తున్నారంటే పెరిగిన టమాట ధర దృష్ట్యా ఏదీ కొన్నా టమాటాలను బదులుగా ఇస్తున్నారు. ఎందుకంటే ఇప్పుడు టమాటల విలువ చాలా ఎక్కువ కాబట్టి… దీనికి సంబంధించిన ఒక వీడియో యూట్యూబ్‌లో చక్కర్లు కొడుతుంది.

టమాటాను ఇలా కూడా దాచి పెడతారా..?

 

View this post on Instagram

 

A post shared by Priya Arora ✨ (@thepriyafamily)

టమాట ధర పెరగడేమో కానీ వాటి దొంగతనాలు కూడా ఎక్కువయ్యాయి. వ్యాపారులు టమాటాలు కాపాడుకోవడానికి సీసీ కెమెరాలు కూడా పెడుతున్నారు. ఒక వ్యాపారి అయితే ఏకంగా టమాటాల కాపలాకు బౌన్సర్లను పెట్టేశాడు. కానీ ఓ మహిళ మాత్రం ఇంకాస్త వెరైటీగా ఆలోచించి టమాటాలను దాచి పెట్టింది.ఈమె టమాటాలను దాచిపెట్టిన తీరు చూస్తే బంగారు ఆభరణాల కంటే కూడా ఇప్పుడు మగువలు టమాటాలే అత్యంత విలువైనవిగా భావిస్తున్నారన్నమాట. ఇంతకీ ఈ మహిళ టమాటాలను ఏ రకంగా భద్రపరిచిందో తెలుసుకోవాలంటే ఓసారి ఈ వీడియో చూసేయండి. చూశారు కదా.. టమాట ధరల పెరుగుదలతో ఓవైపు సామాన్యులు హడలెత్తిపోతుంటే.. మరోవైపు సోషల్ మీడియా యూజర్స్, ఇన్​ఫ్లుయెన్సర్లు మాత్రం ఇలా ఫన్నీగా స్టోరీస్ చేస్తున్నారు. ఏదేమైనా ఈ టమాటాల ధర మంట ఎప్పుడు తగ్గుతుందోనని సామాన్యులు వేయి కళ్లతో ఎదురుచూస్తున్నారు.

టైటాన్ సబ్‌మెర్సిబుల్ పేలిపోయిన యానిమేటెడ్ వీడియో!నెట్టింట్లో వైరల్

Published on by

యానిమేటెడ్ వీడియో! ‘అయిటెల్లీ’ అనే ఛానల్‌లో పోస్ట్‌..

ఈ ఘటనకు సంబంధించి యానిమేటెడ్ వీడియో ఒకటి యూట్యూబ్‌లో దర్శనమిచ్చింది. జూన్ 30న ‘అయిటెల్లీ’అనే చానల్‌లో దీనిని పోస్టు చేశారు. నేడు పదమూడో రోజు కాగా ఇప్పటికే 9.8 మిలియన్ వ్యూస్ దాటేసింది. ఈ వీడియోలో టైటాన్ ఎలా పేలిపోయింది. చుట్టుపక్కల పీడనం దానిపై ఎలాంటి ప్రభావం చూపించింది. పేలిపోయిన తర్వాత దాని శకలాలు ఎలా ఎగిరిపడ్డాయి అనేది కళ్లకు కట్టినట్టు చూపించారు. ఈ విషాదం యొక్క కారణం, దాని ఫలితాన్ని చాలామంది నిపుణులు మరియు సముద్ర శాస్త్రవేత్తలు వివరంగా వివరించారు. ఇప్పుడు టైటాన్ సబ్‌మెర్సిబుల్ ఎలా పేలిపోయిందో చూపించే వీడియో మిలియన్ల మంది ఆసక్తిని రేకెత్తించింది. యూట్యూబ్ ఛానెల్ అయిన ఐటెల్లీ జూన్ 30న పోస్ట్ చేసిన ఈ 6 నిమిషాల 20 సెకన్ల యానిమేషన్ వీడియో కేవలం 12 రోజుల్లోనే 6 మిలియన్లకు పైగా వీక్షణలను సాధించింది.

జలాంతర్గామి 2 గంటల్లోపే సంబంధాన్ని కోల్పోయిన ఉపరితల రాడార్‌ 

జలాంతర్గామి జూన్ 18న టైటానిక్ శిథిలాల వైపు డైవ్ చేసిన రెండు గంటలలోపే ఉపరితల రాడార్‌తో సంబంధాన్ని కోల్పోయింది. ఆ తర్వాత విస్తృతమైన శోధన ఆపరేషన్ నిర్వహించబడింది, ఇది నాలుగు రోజుల పాటు కొనసాగింది, చివరకు యూఎస్ కోస్ట్ గార్డ్ ఓడ పేలిపోయిందని ధృవీకరించింది. , ప్రయాణానికి ఒక్కొక్కరికి $250,000 చెల్లించిన ఐదుగురు ప్రయాణీకులను కోల్పోవడం ఈ వీడియోలో విపత్తుకు దారితీసిన బయటి ఒత్తిడిని సబ్ ఎందుకు తట్టుకోలేక పేలుడు సంభవించిందో వీక్షకులు చూడగలిగారు. చుట్టుపక్కల నీటి యొక్క అధిక హైడ్రోస్టాటిక్ పీడనం కారణంగా ప్రేలుడు సంభవించింది, ఇది వీడియోలో చూపిన విధంగా మిల్లీసెకన్ల భిన్నం లోపల జరిగింది.

యానిమేటెడ్ వీడియోపై భిన్నాభిప్రాయాలు

అయితే దీనిపై భిన్నాభిప్రాయాలు వినిపిస్తున్నాయి. వారంతా ఇలా వ్యాఖ్యానించారు, “మీరు జేమ్స్ కామెరూన్ డాక్యుమెంటరీ డీప్‌సీ ఛాలెంజర్‌ని చూడాలి, ఇది టైటానిక్ – మరియానా ట్రెంచ్ కంటే లోతుగా సాగిన అతని సాహస యాత్రల డైవ్‌ల గురించి. అతని సబ్‌ని అతను ప్రకృతిలో కనుగొన్న దాని ఆధారంగా పూర్తిగా భిన్నంగా రూపొందించబడింది. ఫ్లాట్ పాయింట్ వెర్టికల్ ఫిష్ ఇది ఘనమైన దృఢమైన ప్రక్కనే ఉన్న పదార్థంతో తయారు చేయబడింది. పైలట్ గోళాన్ని కలిగి ఉంది. దీనిని చూడటం వలన ఈ టైటాన్ ఓసిగేట్ ఒక బొమ్మలా కనిపించింది. ప్రతి చదరపు అంగుళానికి దాదాపు 5600 పౌండ్ల ఒత్తిడితో ఉపరితలంపై మనం అనుభవించే దానికంటే దాదాపు 400 రెట్లు ఎక్కువ పీడనాన్ని అది ఎలా ఎదుర్కొందన్న విషయాలను చక్కగా వివరిస్తూ చూపించడంతోనే ఈ వీడియో ప్రపంచవ్యాప్తంగా వైరల్ అయింది. దీనికి తోడు అన్నీ వివరంగా చూపించడం కూడా ఆకర్షించిందంటూ పేర్కొన్నారు.