Rtvlive.com

RTV NEWS NETWORK

RTV NEWS NETWORK

News Updates from Andhra Pradesh and Telangana

All

119/119

BRS

39

CONG

64

BJP

8

MIM

7

OTH

1

Bhavana

breaking:హీరో నవదీప్ కోసం గాలింపు

Published on by

మాదాపూర్ డ్రగ్స్ కేసు రోజుకో మలుపు తీసుకుంటుంది. ఇప్పటికే ఈ కేసులో నిర్మాత కేపీ చౌదరీ అరెస్ట్ కాగా..మరో ప్రముఖ హీరో పేరు తెర మీదకు వచ్చింది. ఆయనే నవదీప్. అయితే ప్రస్తుతం నవదీప్‌ పరారీలో ఉన్నాడు. అతని కోసం గాలింపు చేపట్టినట్లు సీపీ ఆనంద్ తెలిపారు.

మీడియాతో మాట్లాడిని సీపీ ఈ విషయాన్ని వెల్లడించారు. పరారీలో ఉన్న నవదీప్‌ కోసం వెదుకుతున్నట్లు ఆయన వివరించారు. ఈ కేసులో సంబంధం ఉన్న ఓ మాజీ ఎంపీ కుమారుడు దేవరకొండ సురేష్‌ ను కూడా అరెస్ట్ చేసినట్లు ఆయన వివరించారు. ఇదిలా ఉంటే నవదీప్ మాత్రం నేను పరారీలో లేను. నేను ఇక్కడే ఉన్నానని ఆయన సోషల్ మీడియా వేదికగా స్పందించారు.

అక్కడ ఎవరూ అనేది ఒకసారి చెక్‌ చేసుకోవాలని ఆయన అన్నారు. అయితే గతంలో కూడా హీరో నవదీప్‌ పేరు డ్రగ్స్ కేసులో తెర మీదకు వచ్చింది. ప్రస్తుతం నవదీప్ స్నేహితుడు రాంచంద్ ను అరెస్ట్ చేయగా..అతను నవదీప్ కన్జ్యూమర్ గా ఉన్నాడని తెలిపాడు. దీంతో పోలీసులు నవదీప్ కోసం గాలించడం మొదలు పెట్టారు.

updated soon

Kollywood Ban Heros: కోలీవుడ్ లో సంచలనం..ధనుష్‌తో పాటు ఆ హీరోలపై బ్యాన్‌

Published on by

తమిళనాట (Kollywood) స్టార్ హీరోలకు నిర్మాతల మండలి(Producers commitee)పెద్ద షాక్ ఇచ్చింది. అటు తమిళంతో పాటు ఇటు తెలుగులోనూ స్టార్ హీరోలుగా పేరొందిన నలుగురు హీరోలకు నిర్మాతల మండలి రెడ్ కార్డ్‌ (Red Card) జారీ చేసింది. సినిమాల విషయంలో ప్రొడ్యూసర్ల(Producers)ను ఇబ్బందులకు గురి చేశారన్న విషయం పై వీరితో ఎన్నిసార్లు చర్చలు జరిపినప్పటికీ లాభం లేకపోవడంతో ఈ నిర్ణయం తీసుకున్నట్లు వారు తెలిపారు.

రెడ్‌ కార్డ్ అందుకున్న హీరోలు ఎవరంటే శింబు(Simbu), విశాల్‌(Vishal), ధనుష్‌(Dhanush)అధర్వ(Adharva),. నిర్మాత మైఖేల్‌ రాయప్పన్ తో ఏర్పడిన వివాదాల కారణంగా శింబు రెడ్‌ కార్డును అందుకోనున్నారు. ఇప్పటికే ఈ విషయం గురించి ఎన్నోసార్లు శింబుతో చర్చలు జరిపినప్పటికీ కూడా శింబు నుంచి ఎలాంటి సమాధానం లేదు.

దీంతో శింబుకు రెడ్ కార్డ్‌ అందజేయనున్నట్లు తెలిపింది. మదియలకన్‌ నిర్మాణ సంస్థతో హీరో అథర్వ ఓ చిత్రానికి ఓకే చెప్పారు. కానీ తీరా షూటింగ్‌ మొదలు పెట్టే సమయానికి మాత్రం ఆయన రాలేదు. దీంతో ఆయనకు రెడ్ కార్డు వస్తోంది. ఇక తమిళ నాట ప్రముఖ హీరో ధనుష్‌ ఓ చిత్రానికి తెనందాల్‌ సంస్థలో సంతకం చేశారు.

సుమారు 80 శాతం చిత్రీకరణ కూడా పూర్తి అయ్యింది. అయితే ఆ తరువాత నుంచి ఆయన షూటింగ్‌ కు రావడం మానేయడంతో పాటు..ఆ నిర్మాణ సంస్థకు ఎటువంటి సమాధానం చెప్పడం లేదు. దీంతో ఆయనకు కూడా రెడ్ కార్డ్ ఇష్యూ అవ్వనుంది. ఇక విశాల్ ప్రొడ్యూసర్ అసోసియేషన్ కు అధ్యక్షుడిగా వ్యవహరించిన సమయంలో విశాల్‌ నిధులను దుర్వినియోగం చేశారని ఆరోపణల మీద రెడ్ కార్డు అందుకోనున్నారు.

అయితే ఈ రెడ్ కార్డు వల్ల అటు శింబు కి కానీ, ఇటు అథర్వ్‌ కికానీ పెద్దగా ఎఫెక్ట్ ఉండదు. దీని వల్ల ఎక్కువగా నష్టపోయేది మాత్రం విశాల్‌ ధనుష్‌ అనే చెప్పవచ్చు. ఎందుకంటే వీరిద్దరూ కూడా మంచి ఫాలోయింగ్‌ హీరోలు. అంతే కాకుండా శుక్రవారం విశాల్ నటిస్తున్న చిత్రం మార్క్‌ ఆంటోని విడుదల కాబోతుంది.

ఇలాంటి సమయంలో విశాల్ కి రెడ్ కార్డు అంటే విశాల్‌ కి ఎదురు దెబ్బే అని చెప్పవచ్చు. అయితే ఈ విషయం గురించి ఇప్పటి వరకు నలుగురు హీరోలు స్పందించలేదు. వారు ఎలా స్పందిస్తారు అనేది చూడాలి.

Luxury Cruiz Ship: సముద్రం లో చిక్కుకుపోయిన లగ్జరీ క్రూయిజ్‌ షిప్‌!

Published on by

A luxury cruise ship stuck in the sea : సముద్రంలో ఆనందంగా, హాయిగా గడుపుదామనుకున్న వారికి అనుకోని అవాంతరం వచ్చి పడింది. ఓ లగ్జరీ క్రూయిజ్‌ షిప్‌ సముద్రంలో ఓ మూలన చిక్కుకుపోయింది. ఈ షిప్‌ లో 200 మంది ప్రయాణికులతో పాటు 6 గురు సిబ్బంది ఉన్నట్లు అధికారులు తెలిపారు. సెప్టెంబర్‌ 1 న మూడు వారాల ట్రిప్‌ కోసం నౌక బయల్దేరి వెళ్లింది.

అయితే ఇది ఈ నెల 22 ను తిరిగి పోర్టుకు రావాల్సి ఉంది. కానీ గ్రీన్‌ ల్యాండ్‌(Green land)  నుక్‌(Nuuk) కి సుమారు 850 మైళ్ల దూరంలో ఈ నౌక సముద్రంలో చిక్కుకుపోయింది. అందరూ క్షేమంగానే ఉన్నట్లు నౌక సిబ్బంది తెలియజేశారు. అయితే రెస్యూ టీమ్‌ నౌక వద్దకు శుక్రవారం వరకు చేరుకోలేరు.

ఈ ట్రిప్‌ వేయడం కోసం నౌక యాజమాన్యం ఒక్కో ప్రయాణికుని వద్ద నుంచి 27 లక్షలు వసూలు చేశారు. షిప్‌ ఆపరేటర్ ఎప్పటికప్పుడు అక్కడి సంగతులు పోర్టు లోని వారికి తెలియజేస్తున్నారు. అయితే షిప్‌ లో ఉన్న వారిలో కొంత మందికి కరోనా సోకినట్లు ఆయన తెలిపారు.
వారందరినీ కూడా ఓ గదిలో పెట్టి చికిత్స అందిస్తున్నట్లు ఆయన వివరించారు.

షిప్‌ లో ఓ వైద్యుడు కూడా ఉన్నట్లు తెలుస్తుంది. షిప్‌ లో ప్రయాణికులకు అవసరమైన అన్ని సౌకర్యాలు ఉన్నాయని ఆయన వివరించారు. కొందరేమో షిప్‌ ఆగిపోవడం గురించి ఆందోళన చెందుతుంటే మరి కొందరు మాత్రం ఆగిపోయిన ప్రదేశం చాలా అందంగా ఉంది అంటూ ఆస్వాదిస్తున్నారు.

Also Read: వైరల్ ఫీవర్ ఉంటే స్నానం చేయాలా? వద్దా? నిపుణులు ఏమంటున్నారంటే..?

Google: మరోసారి గూగుల్ షాక్‌..వందల మంది పై వేటు

Published on by

కరోనా(Covid) వచ్చిన తరువాత ఐటీ రంగంలో ఎన్నో మార్పులు చోటు చేసుకున్నాయి. ప్రముఖ కంపెనీలు , పేరున్న కంపెనీలు కూడా ఉద్యోగులకు ఉద్వాసన పలుకుతున్నాయి. ఎప్పుడూ ఏం జరుగుతుందో తెలియక ఐటీ ఉద్యోగులు చాలా మంది కంటి మీద కునుకు లేకుండా ఉంటున్నారు. అమెజాన్‌(Amazon), మైక్రోసాఫ్ట్‌, ట్విట్టర్‌, మెటా, గూగుల్‌(Google)వంటి దిగ్గజ సంస్థలన్ని కూడా పెద్ద మొత్తంలో ఉద్యోగుల్ని పీకి ఇంటికి పంపిస్తున్నాయి.

కొద్ది రోజులుగా ఈ విషయం నెమ్మదించినప్పటికీ..మళ్లీ తిరిగి ఉద్యోగుల్ని ఏకి పారేసే పని లో పడ్డాయి దిగ్గజ కంపెనీలు. తాజాగా గూగుల్‌ మరోసారి ఉద్యోగులకు లే ఆఫ్స్‌ ప్రకటించింది. ఈసారి వందలాది ఉద్యోగుల్ని తొలగించినట్లు పేర్కొంది. వీరిలో చాలా మంది గ్లోబల్ రిక్రూట్ మెంట్‌ టీమ్‌ వారే ఉన్నట్లు సమాచారం. కొత్తగా ఎవర్ని తీసుకోవడం లేదని కూడా తెలిపింది.

గత మూడు నెలలుగా పోల్చుకుంటే..లే ఆఫ్స్ విధించిన అతి పెద్ద టెక్‌ కంపెనీ గూగుల్‌ అల్ఫాబెట్‌ నే కావడం విశేషం. ఈ ఏడాది ప్రారంభంలో మెటా, మైక్రోసాఫ్ట్‌, అమెజాన్‌ వంటి దిగ్గజ సంస్థలు 2023 ప్రారంభంలో ఉద్యోగుల్ని తొలగించాయి. ఇంతకు ముందు కూడా అల్ఫాబెట్‌ సుమారు 12 వేల మంది ఉద్యోగుల్ని తొలగించి ఇంటికి పంపింది.

కొన్ని సంస్థలు అయితే ఉద్యోగులకు ముందు ఎటువంటి సమాచారం ఇవ్వకుండానే వారిని ఉద్యోగుల నుంచి తొలగించి ఇంటికి పంపేశారు. కొందరు సెలవులు ఎంజాయ్‌ చేస్తుండగా..మరికొందరు మీటింగ్ లో ఉండగా..పీకేసీ ఇంటికి పంపేశాయి. చాలా మంది ఉద్యోగులు తమ బాధను సోషల్‌ మీడియా వేదికగా పంచుకున్నారు కూడా.

కరోనా సమయంలో ఇంటి వద్ద నుంచి పని చేయడానికి కొన్ని కంపెనీలు అవకాశాన్ని ఇచ్చాయి. ఈ క్రమంలో ఉద్యోగులు ఇప్పుడు కూడా ఇంటి వద్ద నుంచే పని చేయడానికి ఛాన్స్‌ అడుగుతుంటే కంపెనీలు అందుకు ఒప్పుకోవడం లేదు.దానితో పాటు జీతాలు కూడా పెంచట్లేదు. అంతేకాకుండా ఎటువంటి బోనస్‌ లు కూడా ఇవ్వడం లేదు.

ఉద్యోగుల్ని తొలగించడం వల్ల కంపెనీలో వ్యయాలు తగ్గించుకోవడంతో పాటు..ఆర్థిక ఇబ్బందుల నుంచి కూడా తప్పించుకోవచ్చని సంస్థలు అనుకుంటున్నాయి.

బీహార్‌ బాగమతి నదిలో పడవ బోల్తా ..18 మంది పిల్లలు గల్లంతు!

Published on by

బీహార్ లో ఘోర ప్రమాదం చోటు చేసుకుంది. గురువారం ఉదయం సుమారు 33 మంది పాఠశాల విద్యార్థులతో వెళ్తున్న ఓ పడవ బోల్తా పడింది. దీంతో పలువురు విద్యార్థులు గల్లంతయ్యారు. పడవ బోల్తా పడిన సమాచారం అందుకున్న పోలీసులు వెంటనే సంఘటనా స్థలానికి చేరుకున్నారు. ఈ ప్రమాదంలో 18 మంది చిన్నారులు అదృశ్యమయ్యారు. సమాచారం అందుకున్న ఎన్డీఆర్‌ఎఫ్ బృందం సంఘటన స్థలానికి చేరుకొని సహాయ చర్యలు చేపట్టారు. ఈ ఘటన గైఘాట్ పోలీస్ స్టేషన్ పరిధిలో చోటుచేసుకుంది. భాగమతి నదిలోని భట్గామ మధుర్‌పట్టి పీపాల్ ఘాట్ నుంచి చిన్నారులు పాఠశాలకు వెళ్తుండగా ఈ ప్రమాదం జరిగినట్లు చెబుతున్నారు.

పోలీసులతో పాటు ఎన్డీఆర్‌ ఎఫ్ బృందాలు కూడా వెంటనే సహాయక చర్యలు చేపట్టగా ఇప్పటి వరకూ 18 మంది పిల్లలను రక్షించగా 15 మంది విద్యార్థుల ఆచూకీ లభ్యం కాలేదు. వారి కోసం గాలింపు చర్యలు చేపట్టారు. ప్రమాదం జరిగిన తర్వాత స్థానిక డైవర్లు చిన్నారులను రక్షించే పనిలో నిమగ్నమయ్యారు. నదిలో కొట్టుకు పోతున్న చాలా మంది పిల్లలను బయటకు తీశారు. మరికొంత మంది చిన్నారుల ఆచూకీ ఇంకా తెలియాల్సి ఉంది.  బోటులో స్కూల్ పిల్లలతో పాటు కొందరు మహిళలు కూడా ఉన్నట్లు సమాచారం.

మధుర్‌పట్టి ఘాట్ సమీపంలో బోటు ప్రమాదం జరిగిందని డీఎస్పీ తూర్పు సహరియార్ అక్తర్ తెలిపారు. పడవ సామర్థ్యం కంటే ఎక్కువ మంది పిల్లలు, మహిళలు ఎక్కడంతోనే ఈ ప్రమాదం జరిగినట్లు చెప్పారు. ప్రమాదం జరిగిన తర్వాత రక్షించిన కొంత మంది చిన్నారులను చికిత్స నిమిత్తం ఆసుపత్రికి తరలించారు. అయితే పడవలో ఎంత మంది పిల్లలు ఉన్నారనేది .. ఎంత మంది మరణించారనే విషయం ఇప్పుడే కచ్చితంగా చెప్పలేమన్నారు.

Emergency Landing:కాక్‌పిట్ లో పొగలు..ఢిల్లీలో ఎమర్జెన్సీ ల్యాండింగ్‌!

Published on by

ఢిల్లీ (Delhi) నుంచి అడీస్‌ అబాబాకు వెళ్తున్న ఓ విమానం(Flight) కాక్ పిట్ లో పొగలు రావడంతో విమానాన్ని అత్యవసరంగా వెనక్కి మళ్లీంచి ఢిల్లీ లో ల్యాండ్‌ చేశారు.

విమానాశ్రయాధికారులు తెలిపిన వివరాల ప్రకారం…ఇథియోపియన్ ఎయిర్‌ లైన్స్‌ కి చెందిన విమానం ఢిల్లీ విమానాశ్రయం నుంచి టేకాఫ్‌ అయిన కొద్ది సేపటికే కాక్‌ పిట్‌ లో నుంచి ఒక్కసారిగా పొగలు రావడంతో ప్రయాణికులు ఒక్కసారిగా భయాందోళనకు గురయ్యారు.

దీంతో విమాన సిబ్బంది విమానాన్ని వెనక్కి తిప్పి ఢిల్లీ విమానాశ్రయంలో అత్యవసరంగా ల్యాండ్‌ చేశారు. అదే విధంగా ఢిల్లీ విమానాశ్రయ అధికారులకు సమాచారం అదించడంతో అధికారులు వెంటనే అప్రమత్తమయ్యారు. కాక్ పిట్ లో పొగలు వచ్చిన సమయంలో విమానంలో సుమారు 240 మంది ప్రయాణికులు ఉన్నారు.ప్రయాణికులంతా క్షేమంగా ఉన్నారని అధికారులు తెలిపారు

అసలు కాక్‌ పిట్ లో పొగలు రావడానికి గల కారణాలు ఇంకా తెలియాల్సి ఉంది. సాంకేతిక లోపం తలెత్తడం వల్లే ఇలా జరిగిందని, ఈ ఘటనపై దర్యాప్తు చేస్తున్నామని వెల్లడించారు.

అయితే ఈ ఘటన గురించి ఇప్పటి వరకు ఇథియోపియన్ ఎయిర్‌ లైన్స్ సంస్థ కూడా ఈ సంఘటన గురించి ఎలాంటి ప్రకటన విడుదల చేయలేదు. గతంలో కూడా ఇథియోపియన్‌ విమానానికి పెద్ద ప్రమాదమే తప్పింది. రన్‌ వే మీద ఉన్న ఈ విమానాన్ని మరో విమానం రెక్క ఢీకొట్టింది.