Rtvlive.com

RTV NEWS NETWORK

RTV NEWS NETWORK

News Updates from Andhra Pradesh and Telangana

All

119/119

BRS

39

CONG

64

BJP

8

MIM

7

OTH

1

Manogna alamuru

MOVIES:టూ హాట్ లుక్ తో చంపేస్తున్న పొడుగుకాళ్ళ సుందరి

Published on by

Pooja Hegde Birthday Pics Viral: బాలీవుడ్ నుంచి వచ్చి మళ్ళీ బాలీవుడ్ కే వెళ్ళిపోయింది పూజా హెగ్డే. తెలుగులో దాదాపు అందరు టాప్ హీరోల పక్కనా నటించిన ఈమె తన ఖాతాలో మాత్రం పెద్దగా హిట్ లను వేసుకోలేకపోయింది. కొన్నాళ్ళుగా ఖాళీగా ఉన్న పూజా మళ్ళీ బాలీవుడ్ లో బిజీ అవుతోంది. తాజాగా షాహిద్ కపూర్ పక్కన సినిమా చేస్తోంది. పూజా హెగ్డే పుట్టినరోజును ఆన్ లొకేష‌న్ సెల‌బ్రేట్ చేస్తూ షాహిద్ టీమ్ పూజకు గ్రాండ్ వెల్కం చెప్పింది. షాహిద్ కపూర్, నిర్మాత సిద్ధార్థ్ రాయ్ కపూర్, దర్శకుడు రోషన్ ఆండ్రూస్‌తో కలిసి తన కొత్త చిత్రం సెట్స్‌లో బ‌ర్త్ డే బేబి పూజా ఉల్లాసంగా గడిపారు. సెట్స్ పైకి పూజా హెగ్డేని స్వాగతిస్తూ, రాయ్ కపూర్ ఫిల్మ్‌ తన అధికారిక ఇన్‌స్టాగ్రామ్ హ్యాండిల్ ఈ పోస్ట్‌ను షేర్ చేసింది. ఈ ప్రయాణంలో బ‌ర్త్ డే బేబీ పూజా మాతో చేరడంతో థ్రిల్లింగ్ యాక్షన్-ప్యాక్డ్ అడ్వెంచర్ మరింత ఎగ్జయిట్ మెంట్ ని పెంచుతోంది. మా లవ్లీ లీడింగ్ లేడీకి సంతోషకరమైన రోజు శుభాకాంక్షలు! అని అందులో రాసారు. ఇందులో పూజా హెగ్డే కేక్ కట్ చేస్తున్న పిక్ ని కూడా జత చేశారు. ఈ ఫోటో సోషల్ మీడియాలో తెగ వైరల్ అవుతోంది.

Also Read:ఇండియా వర్సెస్ పాక్.. మినిట్ టు మినిట్ లైవ్ అప్డేట్స్..!

పూజా హెగ్డే తన పుట్టినరోజు వేడుకలను ఇన్‌స్టా ఫీడ్‌లో షేర్ చేసింది. ఇందులో పూజా బీచ్ లొకేషన్ ని ఆస్వాధిస్తున్న ఫోటోలు వేడి పెంచాయి. అంత‌కుమించి పూజా టూపీస్ లుక్ వాటిని మరింత పెంచింది. దీంతో పాటు పూజ తన ఇన్‌స్టాగ్రామ్ లో ఒక రీల్‌ను షేర్ చేసింది. ఇందులో షాహిద్ కపూర్ పూజాను చిన్న కేక్ ముక్కను అడిగాడు. పూజా హెగ్డే చివరిసారిగా సల్మాన్ ఖాన్ నటించిన కిసీ కా భాయ్ కిసీ కి జాన్‌లో కనిపించింది.

 

View this post on Instagram

 

A post shared by Pooja Hegde (@hegdepooja)

CRIME:భర్తను పాముతో కాటువేయించి చంపిన భార్య

Published on by

రాను రాను మానవ సంబంధాలు మంటగలిసిపోతున్నాయి. సుఖాల మోజులో పడి కట్టుకున్న వారిని పట్టించుకోవడం లేదు. దాంతో ప్రాణాలు పోగొట్టుకుంటున్నారు. పెద్దపల్లి జిల్లా గోదావరి ఖనిలో ఇలాంటి సంఘటనే ఒకటి జరిగింది. అక్కడ మార్కేండయ కాలనీకి చెందిన రియల్ ఎస్టేట్ వ్యాపారి ప్రవీణ్ ను భార్యే డబ్బులిచ్చి మరీ చంపించింది. ముందు దిండుతో ఊపిరాడకుండా చేసి తర్వాత పాముతో కాటు వేయించి మరీ చంపింది. ఆ తర్వాత గుండె పోటని నమ్మించడానికి ప్రయత్నించింది. కానీ మృతుడి తల్లికి అనుమానం వచ్చి ఫిర్యాదు చేయడంతో అసలు విషయం బయటపడింది.

కొచ్చెర ప్రవీణ్‌ మార్కండేయ కాలనీకి చెందిన రియల్‌ ఎస్టేట్ వ్యాపారి. కొన్నాళ్లుగా ప్రవీణ్‌ వేరే మహిళతో వివాహేతర సంబంధం పెట్టుకున్నాడు. వివాహేతర బంధంపై భార్యాభర్తల మధ్య తరచూ గొడవ పడుతూ ఉండేవారు. చివరకు విసిగిపోయిన భార్య లలిత భర్త ప్రవీణ్‌ను చంపాలని డిసైడ్ అయింది. భర్త దగ్గర పనిచేసే హౌసింగ్‌ బోర్డు కాలనీకి చెందిన..మచ్చ సురేష్‌తో కలిసి హత్యకు ప్లాన్ చేసింది.భర్తను చంపితే ఒక ప్లాట్‌ ఇస్తానని ఆఫర్ ఇచ్చింది. దీంతో ప్రవీణ్‌ను చంపేందుకు
స్నేహితులతో కలిసి సురేష్‌ స్కెచ్ వేశాడు. రామగుండానికి చెందిన ఇందారపు సతీష్‌, మందమర్రికి చెందిన మాస శ్రీనివాస్‌, భీమ గణేశ్‌, చంద్రశేఖర్‌లు కలిసి ప్రవీణ్ను హత్య చేశారు.

Also Read:భారత్-పాక్ మ్యాచ్ కోసం సిద్ధమవుతున్న హైదరాబాద్

ఈనెల 9న రాత్రి రామగుండంలో మద్యం తాగిన నిందితులు తర్వాత ప్రవీణ్ ఇంటికి చేరుకున్నారు. ప్రవీణ్‌ ముఖంపై దిండుతో అదిమి ఊపిరాడకుండా చేసి దాని తర్వాత పాముతో కాటు వేయించి అక్కడి నుంచి పరారయ్యారు. భర్త చనిపోయాడని నిర్ధారించుకున్న లలిత గుండెపోటుతో చనిపోయాడంటూ డ్రామా ఆడింది. కానీ అనుమానం వచ్చి ప్రవీణ్ తల్లి పోలీసులకు ఫిర్యాదు చేయడంతో అసలు విషయం బయటపడింది. మిస్టరీని ఛేదించిన పోలీసులు లలిత, సురేష్ తో పాటూ నిందితులందరినీ పట్టుకున్నారు. ప్రవీణ్‌, లలిత దంపతులకు ఇద్దరు కుమార్తెలు, కుమారుడు ఉన్నారు.

Israel Hamas War: హమాస్ సీనియర్ మెంబర్ ఖతం…మిలిటెంట్లు వెనక్కి తగ్గినట్టేనా?

Published on by

Hamas Senior Died in Israel Hamas War: మొన్నొక ముఖ్య కమాండర్, ఈరోజు సీనియర్ మెంబర్…ఇలా ఇద్దరు ముఖ్యమైన వారు ఇజ్రాయెల్ (Israel) దాడుల్లో మృతి చెందారు. ఈరోజు ఇజ్రాయెల్ చేసిన దాడుల్లో హమాస్ సీనియర్ మెంబర్ మురద్ అబు మురద్ (Murad Abu Murad) చనిపోయాడు. ఈ విషయాన్ని ఇజ్రాయెల్ ఫోర్సెస్ అధికారికంగా ప్రకటించింది. వారం కిత్రం ఇజ్రాయెల్లో హమాస్ చేసిన దాడులకు మురద్ నేతృత్వం వహించాడు. ఇప్పుడు మురద్ చనిపోవడం హమాస్ గ్రూప్ కు పెద్ద దెబ్బే. ఇద్దరు ముఖ్య వ్యక్తులు చనిపోవడంతో మిలిటెంట్లు డిఫెన్సులో పడిపోయారు. దీంతో ఇరు దేశాల మధ్య యుద్ధం ఎండ్ స్టేజ్‌కు వచ్చినట్లే అని ఇజ్రాయెల్ భావిస్తోంది. అయితే హమాస్ చేతిలో బందీలుగా ఉన్న తమ దేశస్థులు దొరికే వరకు ఇజ్రాయెల్ తమ పోరాటాన్ని ఆపేదిలేదని స్పష్టం చేసింది.

Also Read: మొదలైన ఇజ్రాయెల్ గ్రౌండ్ ఆపరేషన్..ఇక ఏరిపారేయడమే

ఇజ్రాయెల్, హమాస్ మధ్య వారం రోజులగా దాడులు జరుగుతున్నాయి. గాజాపై భూ దాడికి సిద్ధమైంది ఇజ్రాయెల్‌. దీనికి సంబంధించి 11 లక్షల మంది పాలస్తీనియన్లకు ఇజ్రాయెల్‌ డెడ్‌లైన్‌ ఇచ్చింది. 24 గంటల్లో దక్షిణ దిశకు వెళ్లిపోవాలని ఆదేశాలు జారీ చేసింది. ఇప్పటికే గాజాకు నిత్యావసరాల సరఫరాను ఇజ్రాయెల్‌ నిలిపేసింది. ఇప్పటివరకు వైమానిక దాడులకు మాత్రమే పరిమితమైన ఇజ్రాయెల్ సైన్యం ఇప్పుడు భూతల యుద్ధానికి సన్నద్ధమవుతోంది. గాజాలో అడుగుపెట్టి ప్రతీ ఇంటినీ గాలించి మిలిటెంట్లను ఏరిపారేయాలని అనుకుంటోంది. పాలస్తీనా మిలిటెటంట్లను సమూలంగా నాశనం చేయడమే లక్ష్యంగా కదులుతోంది.ఇజ్రాయెల్ సైన్యం హమాస్ మిలిటెంట్ స్థావరాల మీద విరుచకుపడుతున్నాయి. సాధారణ పౌరులను అదుపులోకి తీసుకుని చిత్రహింసలకు గురి చేస్తున్న ఉగ్రమూకలపై ఊహించని విధంగా దాడులు చేస్తున్నాయి. ముఖ్యంగా గాజా (Gaza) పరిసర ప్రాంతాల్లో సొరంగాల్లో దాక్కుని దాడులు చేస్తున్న వాళ్లని కనిపెట్టి గట్టి బదులిస్తున్నారు. బందీలుగా ఉన్న వాళ్ళను ఇజ్రాయెల్ సైన్యం తమ ప్రాణాలను పణంగా పెట్టి మరీ కాపాడుతున్నాయి.

ఇప్పటికే దాదాపు రెండు వైపులా కలిసి 2, 600 మంది మరణించారు. మరింతమంది మరణించడం ఆందోళన కలిగించే విషయంగా మారుతుందని, యుద్ధం వలన సామాన్య మానవులు బలైపోతారని ఐక్యరాజ్య సమితి అంటోంది. అయితే ఇజ్రాయెల్ మాత్రం బందీలుగా ఉన్న తమ పౌరులను వదిలిపెడితేనే గాజాలో అటాక్ చేయకుండా ఉంటామని అంటోంది. అంతేకాదు గాజాకు ఆహారం, నీరు కూడా ఇస్తామని చెబుతోంది.

Also Read: మేము సైతం అంటూ యుద్ధంలో మాజీ ప్రధాని, మోడల్ ఫదీప్..!!

 

IND VS PAK:భారత్-పాక్ మ్యాచ్ కోసం సిద్ధమవుతున్న హైదరాబాద్

Published on by

భారత్, పాకిస్తాన్ల మధ్య క్రికెట్ మ్యాచ్ అంటే ఎప్పుడూ హడావుడి ఉంటుంది. అందులోనూ వరల్డ్ కప్ అంటే ఇంకా ఎక్కువ ఉంటుంది. రెండు క్రికెట్ టీమ్‌ల మధ్య కాకుండా రెండు దేశాల మధ్య సమరంగా భావిస్తారు. అందులోనూ ఈసారి వరల్డ్ కప్ భారత్ లో జరగడంతో ఈ మ్యాచ్‌కు మరింత క్రేజ్ ఏర్పడింది.

ఈరోజు మధ్యాహ్నం మొదలవ్వబోయే భారత్-పాక్ మ్యాచ్ ను చూసేందుకు అందరూ రెడీ అవుతున్నారు. హైదరాబాద్ సిటీ క్రేజీ మ్యాచ్ కు రెడీ అవుతోంది. భారీ స్క్రీన్‌లతో హోటళ్ళు, కన్వెన్షన్ సెంటర్లలలో ప్రత్యక్ష ప్రసారం చేసేందుకు నిర్వాహకులు ఏర్పాట్లు చేస్తున్నారు. పైగా వీకెండ్ కావడం బాగా కలిసి వచ్చింది. దీంతో మ్యాచ్ ను చూసేందుకు నిర్వాహకులు ప్రత్యేక ఏర్పాట్లు చేస్తున్నారు. భారత్-పాక్ మ్యాచ్ తో పాటూ డీజేలతో సందడి చేయడానికి ప్లాన్ చేస్తున్నారు. హైటక్స్‌లో మ్యాచ్‌ కోసం భారీ ఏర్పాట్లు చేశారు. ఈ కార్యక్రమంలో హీరోయిన్ శ్రియ కూడా పాల్గొంటున్నారు. అంధ క్రికెటర్లకు క్రికెట్ కిట్లు పంపిణీ చేయనున్నారు.

ఇక మ్యాచ్ ను ప్రత్యక్షంగా చూసేందుకు చాలామంది అహ్మదాబాద్ తరలివెళ్ళారు. టికెట్లు రేట్లు ఎక్కువ ఉన్నా సరే కొనుక్కుని మరీ చూస్తున్నారు. అహ్మదాబాద్ కు గవర్నమెంట్ కూడా ప్రత్యేక రైళ్ళను వేసింది. మరోవైపు అహ్మదాబాద్‌లో హోటళ్ళు దొరక్క చాలా మంది ఇబ్బందులు పడుతున్నారు. ఆసుపత్రుల్లో బెడ్స్ సైతం బుక్ చేసేసుకుంటున్నారు.

Also Read:మొదలైన ఇజ్రాయెల్ గ్రౌండ్ ఆపరేషన్..ఇక ఏరిపారేయడమే

ఈసారి కూడా విజయం మనదేనా? 8-0తో రోహిత్ రికార్డ్ సృష్టిస్తాడా? 

Israel-Hamas Conflict:మొదలైన ఇజ్రాయెల్ గ్రౌండ్ ఆపరేషన్..ఇక ఏరిపారేయడమే

Published on by

తమ దేశ బందీలను విడిపించేందుకు ఇజ్రాయెల్ సైన్యం గ్రౌండ్ ఆపరేషన్ మొదలుపెట్టేసింది. నిన్నటి వరకు వైమానికి దాడులు మాత్రమే చేసిన ఇజ్రాయెల్ ఈరోజు భూభాగంలో కూడా అడుగు పెట్టేసింది. దీని కోసం ముందుగానే 24గంటల్లోగా ఉత్తర గాజా నుంచి వెళ్లిపోవాలని పాలస్తీనియన్లకు వార్నింగ్ ఇచ్చింది. దీని ప్రకారం పాలస్తీనియన్లు ఇళ్లు ఖాళీ చేసి దక్షిణ గాజా ప్రాంతాలకు తరలి వెళుతున్నారు. అయితే ఈ గ్రౌండ్ ఆపరేషన్ లో ఇజ్రాయెల్ సైన్యం చాలా చిక్కులనే ఎదుర్కొనవలసి ఉంటుంది.

isreal attack

గాజా చాలా సిటీ. ఇరుకు సందులతో, భవనాలతో నిండి ఉంటుంది. ఇలాంటి చోటకు సైన్యం వెళ్ళగలుగుతుంది కానీ భారీ ఆయుదాలు, ట్యాంకులు లాంటివి వెళ్ళలేవు. ఇక్కడ ఇళ్ళు కూడా గజిబిజిగా పజిల్స్ లా ఉంటాయి. హమాస్‌కు అలవాటు అయిన ప్రాంత కాబట్టి ఇజ్రాయెల్ సైన్యం చాలా అప్రమత్తంగా ఉండాల్సి ఉంటుంది. ఎందుకంటే ఎప్పుడైనా, ఎక్కడి నుంచైనా మిలిటెంట్లు ఎదురుపడి దాడి చేయవచ్చును. 2014లో ఇలాగే జరిగింది. కాబట్టి దాన్ని దృష్టిలో పెట్టుకుని ఇజ్రాయెల్ సైన్యం ముందుకు వెళ్ళాల్సి ఉంటుంది. దీనికి తోడు గాజా అంతా టన్నెల్సే ఉంటాయి. హమాస్ రహస్య స్థావరాలు ఇవే. వీటి ద్వారా తమ బలగాలను, ఆయుధాలను వారు ఈజీగా తరలించుకుంటారు. అంతేకాదు మెరుపు దాడులు చేయడానికి కూడా టన్నెల్స్ ను ఉపయోగించుకుంటారు.

isreal attack

మరోవైపు ఇంతకు ముందు కన్నా హమాస్ మిలిటెంట్లు బలంగా ఉన్నారు. వీరి దగ్గర చాలా అధునాతన ఆయుదాలు ఉన్నాయి. మ్యాన్ పాడ్, డ్రోన్ల వంటి వాటితో ఇజ్రాయెల్ సైన్యాన్ని సమర్ధవంతంగా ఎదుర్కోవడమే కాక దాడికి కూడా దిగుతుంది. మ్యాన్ ప్యాడ్స్‌తో చాలా తక్కువ ఎత్తు ఎగిరే విమానాలను దెబ్బతీయవచ్చును. దీనికి తోడు చిన్న చిన్న రాకెట్లను, మోర్టార్లను హమాస్ సమకూర్చుకుంది. వీటితోనే వారం క్రితం కేవలం 3గంటల సమయంలో ఇజ్రాయెల్ మీద 4500 రాకెట్లను ప్రయోగించింది. ఇక డ్రోన్ల విషయానికి వస్తే ఇవి హమాస్ కు సరికొత్త బలాన్ని ఇచ్చేవి. వీటి ద్వారా చిన్న చిన్న ఇరుకు సందుల్లో కూడా బాంబులను వేయొచ్చు. అలాగే బారీ డ్రోన్లు కూడా తమ దగ్గర ఉన్నాయని హమాస్ ప్రకటించింది.

ఇక ఉత్తర గాజాను ఖాళీ చేయాలని ఇజ్రాయెల్ అయితే చెప్పింది కానీ 24 గంటల్లో 10 లక్సల మంది ప్రజలు మొత్తం జాగాను ఖాళీ చేయడం చాలా కష్టం. ప్రజలు ఉంటుండగా ఇజ్రాయెల్ సైన్యం అటాక్స్ ఎక్కువగా చేయలేదు. దానికి తోడు పాలస్తీనాకు తోడుగా ఇరాన్, సిరియా, లెబనాన్ దేవాలు ఉన్నాయి. ఇజ్రాయెల్ మీద దాడికి ఈ దేవాలు ఎప్పుడూ సిద్దంగా ఉంటాయి. ఒకవేళ ఇజ్రాయెల్ గ్రౌండ్ దాడి తీవ్రం అయిందని తెలిస్తే మూడు దేశాలు ఒకేసారి దాడి చేస్తాయి. అప్పుడు ఇజ్రాయెల్ సైన్యానికి అటాక్ చేయడం మరింత కష్టతరం అయిపోతుంది.

Also Read:ఆపరేషన్ అజయ్-ఢిల్లీకి చేరుకున్న 235మంది భారతీయులు

OPERATION AJAY:ఆపరేషన్ అజయ్-ఢిల్లీకి చేరుకున్న 235మంది భారతీయులు

Published on by

ఇజ్రాయెల్, హమాస్ ల మధ్య యుద్ధం 8వ రోజుకు చేరుకుంది. గాజా, ఇజ్రాయెల్ రెండింటిలోనూ హత్యాకాండ జరుగుతోంది. హమాస్ దాడి తర్వాత, ఇజ్రాయెల్ సైన్యం కూడా తగిన సమాధానం ఇస్తోంది. ఇజ్రాయెల్ సైన్యం ఉగ్రవాదుల రహస్య స్థావరాలపై దాడి చేస్తోంది. ఇందులో భాగంగా ఉత్తర గాజాను వదిలి వెళ్ళిపోవాలని ఇజ్రాయెల్ హెచ్చరించింది. మరోవైపు ఇజ్రాయెల్లో ఇరుక్కున భారతీయులను మన ప్రభుత్వం వెనక్కు తీసుకురావడం మొదలు పెట్టింది.భారత ప్రభుత్వం ఆపరేషన్ అజయ్‌ను ప్రారంభించింది. శుక్రవారం ఉదయం 212 మంది భారతీయులతో ప్రత్యేక విమానం న్యూఢిల్లీకి చేరుకుంది. ఇప్పుడు శుక్రవారం రాత్రి మరొక ఫ్లైట్ టెల్ అవీవ్ నుండి ఈ ఉదయం ఢిల్లీకి చేరుకుంది. ఈ ప్రత్యేక విమానంలో ఇద్దరు చిన్నారులు సహా 235 మంది ఉన్నారని విదేశాంగ మంత్రి జైశంకర్ తెలిపారు. ఇజ్రాయెల్‌లో దాదాపు 18 వేల మంది భారతీయులు నివసిస్తున్నారు. అక్కడి నుంచి ఎవరైతే తమ దేశానికి తిరిగి రావాలనుకుంటున్నారో వారిని ప్రభుత్వం ఆపరేషన్ అజయ్ లో ఇంటికి చేరుస్తోంది.

అక్టోబరు 7న ఇజ్రాయెల్‌పై హమాస్ ఉగ్రదాడి జరిగిన వెంటనే ఎయిర్ ఇండియా తన విమానాలను నిలిపివేసింది. కాగా ఇప్పుడు అక్కడ దాడులు ఎక్కువ అవుతున్న తరుణంలో భారతీయులు ప్రాణాలు కోల్పోకుండా ఉండేందుకు భారత్ చర్యలు చేపట్టింది. దానికి కోసం ప్రత్యేక విమానాలను నడుపుతోంది. ఇందులో భాగంగా ఇజ్రాయెల్ నుండి తిరిగి వచ్చే వారు ఎటువంటి ఛార్జీలు చెల్లించాల్సిన అవసరం లేదు. వారు తిరిగి రావడానికి అయ్యే ఖర్చులను ప్రభుత్వమే భరిస్తోంది. అంతకుముందు, టెల్ అవీవ్ నుండి ఆపరేషన్ అజయ్ కింద నడిచే ప్రత్యేక విమానంలో ఎక్కడానికి విద్యార్థులతో సహా భారతీయుల పొడవైన క్యూ విమానాశ్రయంలో కనిపించింది. భారత ప్రభుత్వం బుధవారం ఆపరేషన్ అజయ్ ను ప్రారంభించినట్లు ప్రకటించింది. దీనికి కోసం ప్రత్యేక చార్టర్ విమానాలు, ఇతర ఏర్పాట్లు చేసామని విదేశాంగ మంత్రి జైశంకర్ తెలిపారు. విదేశాల్లోని మా పౌరుల భద్రత శ్రేయస్సు కోసం మేము పూర్తిగా కట్టుబడి ఉన్నామని ఆయన స్పష్టం చేశారు.

Also Read:ఈసారి కూడా విజయం మనదేనా? 8-0తో రోహిత్ రికార్డ్ సృష్టిస్తాడా?