ఇంకా 2014 జులై 30న జరిగిన హెరిటేజ్ బోర్డు సమావేశంలో భూముల కొనుగోలుపై తీర్మానం చేశారు కదా? అంటూ కూడా ప్రశ్నించినట్లు సమాచారం. దీంతో పాటు లింగమనేని రమేష్ కి మీకు ఉన్న సంబంధం ఏంటి? అంటూ ప్రశ్నలు సంధించినట్లు తెలుస్తోంది. మంగళగిరి, తాడేపల్లి, తుళ్లూరు పరిసరాల్లోనే భూములు ఎందుకు కొన్నారంటూ సీఐడీ లోకేష్ ను అడిగినట్లు సమాచారం. ఇంకా.. చంద్రబాబు నుంచి రింగ్ రోడ్డు అలైన్మెంట్ మార్పు సమాచారం మీకు తెలిసిందా? అంటూ ప్రశ్నించినట్లు సమాచారం. ఇలా మొత్తం లోకేష్ ను సీఐడీ దాదాపు 16 అంశాలపై ప్రశ్నించినట్లు తెలుస్తోంది.

అయితే.. తానేం తప్పు చేయలేదని అనేక ప్రశ్నలకు లోకేష్ సమాధానం ఇచ్చినట్లు తెలుస్తోంది. మరికొన్ని ప్రశ్నలకు తెలియదు అని ఆయన చెప్పినట్లు సమాచారం. ఇప్పటివరకు జరిగిన విచారణలో లోకేష్ చెప్పిన సమాధానాల ఆధారంగా లంచ్ బ్రేక్ తర్వాత కొత్త ప్రశ్నలను అడగడానికి సిద్ధమవుతున్నారు ఏపీ సీఐడీ అధికారులు.