కాంగ్రెస్, బీజేపీల పాలన ఎలా ఉందో కర్ణాటక, ఛత్తీస్ గడ్ కు వెళ్లి చూస్తే తెలుస్తుందన్నారు. కేసీఆర్ అంత విజన్ ఉన్న నాయకుడు కాంగ్రెస్ లో ఎవరు ఉన్నారో చెప్పాలని ఆ పార్టీ నాయకులను డిమాండ్ చేశారు క్రాంతి కిరణ్. మేనిఫెస్టోలో లేని అనేక హామీలను అమలు చేసిన ఘనత తమ ప్రభుత్వానికే దక్కుతుందన్నారు. బీఆర్ఎస్ పై వ్యతిరేకత ఉందన్నది.. ప్రతిపక్షాలు చేస్తున్న ఓ కృత్రిమ ప్రచారం అని ఆయన అభివర్ణించారు. అత్యంత పారదర్శకంగా పథకాలు అమలు అవుతున్నాయన్నారు.

అర్హులు ఏ పార్టీలో ఉన్నా కూడా వారికి పథకాలు అందించామన్నారు. బాబూ మోహన్, దామోదర్ రాజనర్సింహ ఇద్దరిలో తనకు ప్రధాన ప్రత్యర్థి దామోదర్ రాజనర్సింహా అని అన్నారు. అందోలు నియోజకవర్గంలో తాను గెలిచిన నాటి నుంచి ఒక్కో గ్రామానికి రూ.50 లక్షల నుంచి రూ.కోటి వరకు నిధులు మంజూరు చేశామన్నారు. తాను జర్నలిస్టుగా ఎంత నిజాయితీగా ఉన్నానో ఇప్పుడు కూడా అంతే నిజాయితీగా ఉన్నానన్నారు. తనపై భూకబ్జా ఆరోపణలు అన్నీ అవాస్తవమన్నారు.

ఈ స్టోరీ అప్డేట్ అవుతోంది..