భువనేశ్వరీ చెప్పినట్లు నిజం గెలవాలని ఆకాంక్షిస్తున్నానని మంత్రి రోజా అన్నారు. మిగతా స్కాం లలో లోకేష్, భువనశ్వరి చేసిన దోపిడీని కూడా కోర్టులు గమనించి జైల్లో శాశ్వతంగా పెట్టాలని అన్నారు. చంద్రబాబు భార్య భువనేశ్వరిపై మంత్రి రోజా తీవ్ర స్థాయిలో విమర్శలు గుప్పించారు. భువనేశ్వరి చెప్పినట్లు నిజం గెలవాలని ఆకాంక్షిస్తున్నానని అన్నారు. నాడు రెండెకరాల భూమి.. రెండు సెంట్ల ఇల్లు మాత్రమే కలిగిన ఉన్న చంద్రబాబుకు.. నేడు వేల కోట్ల ఆస్తులు ఎలా వచ్చాయని ప్రశ్నించారు. ఆస్తులపై సీబీఐ విచారణకు భువనేశ్వరి సిద్ధమా? అంటూ సవాల్ విసిరారు మంత్రి రోజా.

Also Read: బెదిరింపులకు భయపడేదే లేదు.. సీఐడీకి నారా భువనేశ్వరి సవాల్..

ఈ నేపధ్యంలోనే భువనశ్వరి తిరుపతిలో సంచలన వ్యాఖ్యలు చేశారు. ” సీఐడీకి సవాల్ విసురుతున్నా.. మాపై ఎలాంటి విచారణనైనా చేసుకోండి. చంద్రబాబు పడిన కష్టాన్ని రాష్ట్ర ప్రజలు మర్చిపోలేదు. చంద్రబాబు కోసం మహిళలు రోడ్లపైకి వచ్చి పోరాడుతున్నారు. అరెస్టులు చేస్తున్నా మహిళలు భయపడడం లేదు. రాజమండ్రి జైలు నుంచి చంద్రబాబు రాసిన లేఖపై ప్రభుత్వం ఎంక్వయిరీ వేయడం విడ్డూరంగా ఉంది. పనికిమాలిన ఎంక్వయిరీలు ఎందుకు? పిచ్చిపిచ్చి ఆలోచనలు తప్ప రాష్ట్రాన్ని అభివృద్ధి చేయాలన్న తపన ప్రభుత్వంలో ఏమాత్రం లేదు. జీవితంలో సమస్యలు మామూలే. త్వరలో మా కుటుంబానికి న్యాయం జరుగుతుందన్న నమ్మకం ఉంది.” అని విశ్వాసం వ్యక్తం చేశారు భువనేశ్వరి.