బడ్జెట్, బిజినెస్ దృష్ట్యా సలార్, డంకీ సినిమాలు ఒకేసారి రిలీజ్ అయితే రెండు సినిమాలకు నష్టం వాటిల్లే ప్రమాదం ఉందని ట్రేడ్ వర్గాలు చెబుతున్నాయి. అయితే సౌత్ తో సలార్‌కు ఉన్న క్రేజ్ వల్ల డంకీ నిలవడం కష్టమే అని మళ్ళీ చెబుతున్నారు. అంతేకాదు నార్త్‌లో కూడా ప్రభాస్ కు ఫ్యాన్స్ ఉన్నారు. వాళ్ళు కూడా సలార్ మూవీ చూడ్డానికే ప్రాధాన్యం ఇచ్చే అవకాశం ఉందని చెబుతున్నారు. కానీ బాలీవుడ్​లో వ్యాపారం పరంగా డంకీ మూవీకి థియేటర్స్ ఎక్కువగా దొరికే అవకాశం ఉండడంతో సలార్ కి డ్యామేజ్ జరిగే అవకాశం ఉందని అంచనా వేశారు. కానీ తాజా సమాచారం ప్రకారం డిసెంబర్ 22 రేసు నుంచి షారుక్ డంకీ తప్పుకున్నట్లు తెలుస్తోంది. దాంతో ప్రభాస్ సలార్ బాక్సాఫీస్ బరిలో సోలోగా నిలిచి అవకాశాలు ఎక్కువగా కనిపిస్తున్నాయి.

త్వరలోనే డంకీ పోస్ట్ పోన్ పై ఆఫీషియల్ అనౌన్స్మెంట్ కూడా వచ్చే అవకాశం ఉందని అంటున్నారు. అయితే ఈ మూవీ పోస్ట్ పోన్‌కు సలార్ మూవీ ఒక్కటే కారణం కాదని… డిసెంబర్ 22లోగా ఈ చిత్ర పోస్ట్ ప్రొడక్షన్ పనులు, విఎఫ్ఎక్స్ పనులు కంప్లీట్ అవ్వడం అనుమానమేనని, అందుకే ఈ సినిమాను పోస్ట్ పోన్ చేయాలనే ఆలోచనలో సినిమా యూనిట్ ఉన్నట్లు చెబుతున్నారు. ఈ మేరకు డిసెంబర్ 22న కాకుండా వచ్చే ఏడాది ఆరంభంలో షారుక్ డంకీ మూవీని రిలీజ్ మూవీ యూనిట్అనుకుంటోందని సమాచారం.

ఒకవేళ ఇదేకనుక నిజంగా జరిగితే సలార్ మూవీకి బాగా కలిసొచ్చినట్టే. ఇప్పటికే ఈ సినిమా మీద అంచనాలు భారీగా ఉన్నాయి. దీనికి తోడు సలార్ టీజర్ కూడా మూవీకి మంచి బజ్‌ను ఇచ్చింది. మామూలుగానే ప్రభాస్ కు మంచి క్రేజ్ ఉంది. దానికి తోడు ప్రశాంత్ నీల్ డైరక్షన్ లో వస్తుండడంతో సలార్ కచ్చితంగా హిట్ అవుతుందని చెబుతున్నారు.

Also Read:స్టార్ వచ్చేస్తున్నాడు…ఇషాన్, సిరాజ్ డౌటే.