ఆయన అన్నమయ్య భవనంలో టీటీడీ డయల్‌ యువర్‌ ఈవో కార్యక్రమంలో పాల్గొని భక్తులతో మాట్లాడారు. వారు అడిగిన ప్రశ్నలన్నింటికి సమాధానాలు ఇచ్చారు. ఈ సారి బ్రహ్మోత్సవాల సమయంలో దసరా సెలవులు కూడా ఉండటంతో భక్తులు అధిక సంఖ్యలో తరలి వస్తారని వారు వివరిస్తున్నారు.

Also Read: ఆ సరస్సు ఎప్పుడైనా తెగిపోవచ్చు..మూడు జిల్లాలకు హెచ్చరిక!

బ్రహ్మోత్సవాల నేపథ్యంలో అక్టోబర్‌ 19 న గరుడ సేవ నిర్వహిస్తామని తెలిపారు. ఆ రోజున అధిక సంఖ్యలో భక్తులు తరలి వస్తారు. కాబట్టి వారి భద్రతను కూడా దృష్టిలో ఉంచుకుని కనుమ దారిలో ద్విచక్ర వాహనాల రాకపోకలను నిషేధించినట్లు ఆయన వివరించారు. ఈ నెల 23న జరిగే చక్రస్నానంతో ఈ ఉత్సవాలు ముగుస్తాయని ఆయన తెలిపారు. అలాగే ఈ నెల 17 నుంచి 19వ తేదీ వరకు కాటేజీ దాతలకు గదుల కేటాయింపు ఉండదని చెప్పారు.

వైకుంఠ ఏకాదశి సందర్భంగా డిసెంబర్ 23 నుంచి వచ్చే ఏడాది జనవరి 1వ తేదీ వరకు దర్శనానికి వీలుగా 2 లక్షల టికెట్లను త్వరలోనే ఆన్‌లైన్ లో విడుదల చేస్తామని ఈవో ధర్మారెడ్డి తెలిపారు. 10 రోజుల వ్యవధిలో ఆఫ్‌లైన్ లో 5 లక్షల టికెట్లను ఇస్తామన్నారు. ఈ నెల 29వ తేదీన చంద్రగ్రహణం కారణంగా శ్రీవారి ఆలయాన్ని 28వ తేదీన రాత్రి 7.05 గంటల నుంచి మరుసటి రోజు 29వ తేదీ తెల్లవారుజామున 3.15 గంటల వరకు మూసి వేస్తామని చెప్పారు.

Also Read: ఈ గింజలు తెచ్చి ఇంట్లో పెట్టుకుంటే..దెబ్బకి దరిద్రం పరార్‌!