భారత 360 ప్లేయర్‌గా పేరు తెచ్చుకున్న బ్యాటర్ సూర్య కుమార్ యాదవ్. సూర్య కుమార్‌ యాదవ్ గ్రౌండ్‌కు ఇరువైపులా షాట్లు ఆడుతాడు. వెనక్కి బెండయ్యి అప్పర్ కట్ షాట్లు సులువుగా ఆడుతాడు. ఒక్కసారి మైదానంలో సెట్‌ అయితే బౌలర్‌ ఎవరు అనేది చూడకుండా చెలరేగి పోతాడు. వచ్చిన బాల్‌ వచ్చినట్లే బౌండరీకి తరలిస్తుంటాడు. ఫామ్‌లో ఉన్న సూర్య కుమార్‌ యాదవ్‌కు బౌలింగ్ చేయాలంటేనే ప్రత్యర్థి బౌలర్లు జంకుతారు. అలా ఉంటుంది సూర్య కుమార్ యాదవ్ బ్యాటింగ్.

కాగా ప్రస్తుతం సూర్య కుమార్ యాదవ్ ఫామ్‌లో లేక ఇబ్బంది పడుతున్నాడు. ఈ ఏడాది ఈ మిస్టర్‌ 360 ఎక్కువ శాతం పొట్టి ఫార్మాట్ క్రికెట్‌ మాత్రమే ఆడాడు., వన్డే ఫార్మాట్‌ క్రికెట్‌ ఆడకపోడంతో అతడు వన్డే ఫార్మాట్లో ఫామ్‌లో లేక ఇబ్బంది పడుతున్నాడు. దీంతో ప్రాక్టీస్ మ్యాచ్‌లో సూర్య కుమార్ యాదవ్‌ను తుది జట్టులోకి తీసుకోవాలని మాజీలు భావిస్తున్నారు. ప్రాక్టీస్ మ్యాచ్‌లో సూర్య కుమార్‌ యాదవ్ ఫామ్‌లోకి వస్తే అతన్ని అక్టోబర్ 8న జరుగనున్న వరల్డ్ కప్ మ్యాచ్‌ల్లో ఆడించే అవకాశం ఉందని భారత మాజీ క్రికెటర్లు అభిప్రాయం వ్యక్తం చేస్తున్నారు.