అయితే భారత్ పై కెనడా ప్రధాని ట్రూడో చేసిన వ్యాఖ్యలను ప్రపంచ దేశాలు కూడా ఖండించాయి. బ్రిటన్, అమెరికా దేశాలకు కెనడాకు సపోర్టు చేస్తాయని ట్రూడో భావించాడు. అమెరికాతో సహా కెనడాకు సన్నిహిత సంబంధాలున్న దేశాలన్నీ ఏకతాటిపైకి వచ్చి భారత్ ను ఖండించాలని కోరింది. కానీ రివర్స్ అయ్యింది. కెనడాకు ప్రపంచ దేశాల మద్దతు లభించలేదు. జస్టిస్ ట్రూడో అనుకున్న ప్లాన్ సక్సెస్ కాలేదు. భారత్ కు వ్యతిరేకంగా ఏకతాటిపైకి రావాలన్న ట్రూడో డిమాండ్ నుంచి చాలా దేశాలు వైదొలిగాయని వాషింగ్టన్ పోస్టులో ఒక నివేదిక పేర్కొంది.

ఇది కూడా చదవండి: చంద్రబాబు అరెస్ట్ తర్వాత తొలి కేబినెట్‌ భేటీ.. జగన్‌ నెక్ట్స్ స్టెప్ ఏంటి?

ఈ ఏడాది జూన్‌లో ఖలిస్తానీ ఉగ్రవాది హర్దీప్ సింగ్ నిజ్జర్ హత్యను ఆస్ట్రేలియా, కెనడా, న్యూజిలాండ్, యునైటెడ్ కింగ్‌డమ్, యునైటెడ్ స్టేట్స్‌లోని పలువురు సీనియర్ ఇంటెలిజెన్స్ అధికారులు లేవనెత్తారని ఒక పాశ్చాత్య అధికారి ఉటంకించారు. సెప్టెంబర్ మొదటి వారంలో ఢిల్లీలో జరగనున్న మెగా జీ20 సదస్సులో ఈ అంశాన్ని బహిరంగంగా ప్రస్తావించలేదు. ప్రధాని నరేంద్ర మోదీతో కూడా ఈ అంశాన్ని లేవనెత్తేందుకు ప్రయత్నించానని జస్టిన్ ట్రూడో పేర్కొన్నారు. శిఖరాగ్ర సమావేశం ముగిసిన వారం తర్వాత, కెనడా ప్రధాని జస్టిన్ ట్రూడో భారత ప్రభుత్వంపై తీవ్రమైన ఆరోపణ చేశారు. కెనడా గడ్డపై ‘కెనడియన్ పౌరుడిని’ భారత్ హత్య చేసిందని ఆయన అన్నారు.భారత్‌తో సంబంధాల నిర్వహణకు సంబంధించి కెనడా చేసిన ప్రకటనకు కెనడా మిత్రదేశాలు దూరంగా ఉన్నాయి. జస్టిన్ ట్రూడో చేసిన ఆరోపణలపై అమెరికా, బ్రిటన్, ఆస్ట్రేలియా ఆందోళన వ్యక్తం చేశాయి. అయితే విచారణ పూర్తయ్యే వరకు వ్యాఖ్యానించలేదు.

కెనడా ఆరోపణలపై ప్రపంచం ఏం చెబుతోంది?
మేము కెనడాతో రెగ్యులర్ గా కాంటాక్ట్ లో ఉంటాము. నేరస్థులకు శిక్ష పడటం ముఖ్యమని వైట్ హౌస్ పేర్కొంది. విచారణ కొనసాగుతున్న సమయంలో ఎలాంటి వ్యాఖ్యలు చేయకూడదు. నిజనిజాలు నిర్దారణ అయ్యాకే వ్యాఖ్యానించాలి. విచారణ సమయంలో వ్యాఖ్యానించడం సరికాదని యూకె ప్రతినిధి అన్నారు. భారత్ తో వాణిజ్య చర్చలు యథాతథంగా కొనసాగుతాయని.. కెనడా చేస్తున్న ఆరోపణలపై కాన్‌బెర్రా ఆందోళన చెందుతోందని ఆస్ట్రేలియా విదేశాంగ మంత్రి పెన్నీ వాంగ్ అధికార ప్రతినిధి తెలిపారు. ఇంతో భారత్ తనపై వచ్చిన ఆరోపణలను ఖండించింది.

ఇది కూడా చదవండి: టెన్త్ అర్హత.. 63వేల శాలరీతో ఆర్మీలో జాబ్స్.. డీటైల్స్ చెక్‌ చేసుకోండి..!

కెనడాలో ఆశ్రయం పొందిన ఖలిస్తానీ ఉగ్రవాదులు, తీవ్రవాదుల నుండి దృష్టిని మరల్చేందుకు ఇటువంటి నిరాధార ఆరోపణలు ప్రయత్నిస్తాయని విదేశాంగ మంత్రిత్వ శాఖ మంగళవారం తెలిపింది. అవి భారతదేశ సార్వభౌమత్వానికి, ప్రాదేశిక సమగ్రతకు ముప్పుగా మిగిలిపోయాయన్నది. ఈ విషయంపై కెనడా ప్రభుత్వం నిష్క్రియాత్మకంగా వ్యవహరించడం చాలా కాలంగా ఆందోళనగా ఉందని పేర్కొంది.

హర్దీప్ సింగ్ నిజ్జర్ ఎవరు?
హర్దీప్ సింగ్ నిజ్జర్, జూన్18లో గుర్తుతెలియని దుండగులు కాల్చి చంపారు. అతను ఖలిస్తాన్ టైగర్ ఫోర్స్ (కెటిఎఫ్) చీఫ్. జూలై 2020లో, UAPA కింద భారతదేశం అతన్ని ‘ఉగ్రవాదిగా’ ప్రకటించింది. 2016లో నిజ్జర్‌పై ఇంటర్‌పోల్ రెడ్ కార్నర్ నోటీసు కూడా జారీ చేసింది. సర్రే స్థానిక పోలీసులు కూడా 2018లో నిజ్జర్‌ను తాత్కాలిక గృహనిర్బంధంలో ఉంచారు, కానీ తరువాత అతన్ని విడుదల చేశారు.