ఈ సినిమాని సెప్టెంబర్ 28న విడుదల చేస్తున్నట్లు ప్రకటించారు. అలాగే చిత్ర ట్రైలర్ ను సెప్టెంబర్ 8న ఉదయం 11:22 గంటలకు విడుదల చేయనున్నారు. ఈ సందర్భంగా సినిమా నుంచి మరో కొత్త సాంగ్ ను మీడియాకు ప్రత్యేకంగా చూపించారు.

హీరో కిరణ్ అబ్బవరం గత చిత్రాలకు, ఇమేజ్ కు భిన్నంగా ఈ చిత్రం సరికొత్తగా ఉండటంతో పాటు, పూర్తి స్థాయి వినోదభరితంగా ఉంటుందని చిత్ర నిర్మాతలు తెలిపారు. భావోద్వేగాలు, ప్రేమ, హాస్యం, అద్భుతమైన సంగీతం కలగలిసిన ఈ విందుభోజనం లాంటి చిత్రం కుటుంబ ప్రేక్షకులను, యువతను ఆకట్టుకుని ఘన విజయం సాధిస్తుందని చిత్రబృందం నమ్మకంగా చెబుతోంది. వెన్నెల కిషోర్, హైపర్ ఆది, వైవా హర్ష, నెల్లూరు సుదర్శన్, సుబ్బరాజు, కీలక పాత్రలు పోషిస్తున్న ఈ సినిమాకు అమ్రిష్ గణేశ్ సంగీతం అందిస్తున్నాడు.

నిజానికి సెప్టెంబర్ 28న సలార్ సినిమా విడుదల కావాల్సి ఉంది. కానీ ప్రభాస్ హీరోగా నటించిన ఆ సినిమా విడుదల వాయిదా పడింది. దీంతో రూల్స్ రంజన్ సినిమాను ఆ తేదీకి విడుదల చేయడానికి నిర్ణయించారు. అలా అని కిరణ్ అబ్బవరం సినిమాకు పోటీ లేదనుకుంటే పొరపాటే. స్కంద రూపంలో రూల్స్ రంజన్ కు గట్టిపోటీ ఎదురుకాబోతోంది.