ప్రజలకు మంచి చేస్తామమని టీడీపీ నేతలు చెప్పడం లేదని చెప్పారు. పిచ్చి కుక్కల మాదిరిగా రోడ్లపై తిరుగుతున్నారంటూ తీవ్ర ఆగ్రహం వ్యక్తం చేశారు. మంత్రి పెద్దిరెడ్డి రామచంద్ర రెడ్డి గురించి మాట్లాడే నైతిక అర్హత చంద్రబాబుకు ఏ మాత్రమూ లేదన్నారు. చంద్రబాబు పేరు చెబితే వెన్ను పోటు దారుడు అని గుర్తుకు వస్తోందని ఎద్దేవా చేశారు. పుంగనూరు ఘటనలో చంద్రబాబు మొదటి ముద్దాయని ఆరోపించారు.

రౌడీ రాజ్యం తేవాలని టీడీపీ నేతలు చూస్తున్నారని ఆరోపణు గుప్పించారు. పవన్ కళ్యాణ్ సంస్కారం లేకుండా మాట్లాడుతున్నాడంటూ తీవ్ర ఆగ్రహం వ్యక్తం చేశారు. మాట్లాడిన ప్రతిసారి తమ్ముళ్లు తామే అధికారంలోకి వస్తున్నామని అంటున్నాడని వెల్లడించారు. ఏ ఊరికి వెళ్ళినా సీఎం జగనన్న సంక్షేమ పథకాలు గుర్తుకు వస్తాయన్నారు.

మంత్రి పెద్దిరెడ్డి రామచంద్రా రెడ్డి చాలా సహనంతో ఉన్నారని తెలిపారు. మొన్న పుంగనూరు లో జరిగిన ఘటనపై కోర్టులు సుమోటోగా స్వీకరించాలన్నారు. నిన్న కూడా టీడీపీపై ఆయన తీవ్ర విమర్శలు చేశారు. చంద్రబాబు, లోకేశ్ లు పాదయాత్రలు చేస్తూ చంపుతాం, అంతు చూస్తామంటూ ప్రజలను రెచ్చ గొట్టేలా వ్యాఖ్యలు చేయడం రౌడీ రాజకీయాలను ప్రేరేపించడమేనన్నారు.