మరోవైపు ఇదే ఈవెంట్‌లో గుంటూరు కారం చిత్రంపై కూడా అప్డేట్ ఇచ్చాడు. వచ్చే ఏడాది సంక్రాంతి కానుకగా మూవీ విడుల కానుందని.. రిలీజ్ విషయంలో ఎలాంటి మార్పు లేదని స్పష్టంచేశాడు. మాటల మాంత్రికుడు త్రివిక్రమ్ దర్శకత్వం వహిస్తున్న ఈ సినిమాలో శ్రీలీల, మీనాక్షి చౌదరి హీరోయిన్స్‌గా నటిస్తున్నారు. తొలుత ఈ మూవీలో పుజాహేగ్దేను మెయిన్‌ హీరోయిన్‌గా, శ్రీలీలను సెకండ్‌ హీరోయిన్‌గా తీసుకున్నారు. అయితే కొన్ని కారణాల వల్ల పూజ మూవీ నుంచి తప్పుకుంది. దీంతో మెయిన్ హీరోయిన్‌గా శ్రీలల.. సెకండ్ హీరోయిన్‌గా మీనాక్షి చౌదరి లైన్‌లోకి వచ్చారు. మరోవైపు మ్యూజిక్‌ డైరెక్టర్‌గా థమన్‌ను కూడా ఛేంజ్ చేశారనే వార్తలు వచ్చాయి. అయితే ఆ వార్తల్లో నిజం అని తెలిసింది. తాజాగా సినిమాలో మరో మార్పు జరిగింది. ఈ సినిమా నుంచి సినిమాటోగ్రాఫర్ డ్రాప్ అయ్యాడు. అతడి స్థానంలో స్టార్ డీవోపీ మనోజ్ పరమహంసను తీసుకున్నారు.

ఇటీవల ఈ సినిమా కోసం వర్కవుట్ చేస్తున్న ఫోటోలను మహేష్ సోషల్ మీడియాలో పోస్ట్ చేశాడు. చాలా రోజుల నుంచి ఈ సినిమా షూటింగ్ జరుగుతూనే ఉంది. ఏదొక కారణంతో ఎప్పటికప్పుడు షూటింగ్ వాయిదా పడుతోంది. ఇన్నాళ్లకు ఈ మూవీ కొత్త షెడ్యూల్ మొదలైంది. అన్నపూర్ణ స్టుడియోలో మహేష్‌పై కొన్ని సన్నివేశాలు తీస్తున్నారు. మొత్తానికి అనుకున్న తేదికే గుంటూరు కారం సినిమా థియేటర్లలోకి రానుంది.