సినిమా విడుదలై నెల రోజులు అవుతున్న సందర్భంగా ఓటీటీలో రిలీజ్‌కు సిద్ధమైంది. ఈనెల 25న నెట్‌ఫ్లిక్స్‌ వేదికగా ఈ చిత్రం స్ట్రీమింగ్‌ కాన్నునట్లు ఆ సంస్థ సోషల్‌ మీడియా వేదికగా తెలిపింది. తొలుత ఈ సినిమాను పవన్ పుట్టిన రోజు సందర్భంగా సెప్టెంబర్ 2న స్ట్రీమింగ్ చేస్తారని ప్రచారం జరిగింది. అయితే వారం రోజుల ముందే స్ట్రీమింగ్ చేయనున్నట్లు నెట్ ఫ్లిక్స్ ట్వీట్ చేసింది. వినోదాయ సిత్తం సినిమాకు రీమేక్‌గా తెరకెక్కిన ఈ చిత్రానికి సముద్రఖని దర్శకత్వం వహించగా.. మాటల మాంత్రికుడు త్రివిక్రమ్ శ్రీనివాస్ కథ, మాటలు అందించారు. జీస్టూడియోస్‌తో కలిసి పీపుల్‌ మీడియా ఫ్యాక్టరీ నిర్మించింది. కేతిక శర్మ హీరోయిన్‌గా, ప్రియాంక వారియర్‌.. తేజు చెల్లెలుగా నటించారు.

ఇక చిన్న సినిమాగా విడుదలై భారీ కలెక్షన్లు రాబట్టి బేబీ మూవీ కూడా ఓటీటీలోకి విడుదలకు సిద్ధమైంది. గత నెల జులై 14న విడుదలై కల్ట్ క్లాసిక్‌గా బేబీ మూవీ నిలిచిపోయింది. . “మరోసారి కల్ట్ లవ్ స్టోరీ ఆఫ్ ద డెకేడ్ చూడటానికి సిద్ధంగా ఉండండి. బేబీ మూవీ మిమ్మల్ని ప్రేమలో పడేలా చేస్తుంది. కోపం తెప్పిస్తుంది. కన్నీళ్లు పెట్టిస్తుంది. ఈ సినిమా ఆగస్ట్ 25న స్ట్రీమ్ అవుతుంది. అంత వరకూ ఆగలేకపోతే వెంటనే ఆహా గోల్డ్ సబ్‌స్క్రైబ్ చేసుకోండి. 12 గంటల ముందే ఈ సినిమా చూసేయండి” అని ఆహా రెండు రోజుల ముందే ట్వీట్ చేసింది. ఈ మూవీని ఆగస్ట్ 25 నుంచి స్ట్రీమింగ్ చేయనున్నట్లు వెల్లడించింది. సాయిరాజేశ్ దర్శకత్వంలో ఆనంద్ దేవరకొండ, వైష్ణవి, విరాజ్ అశ్విన్ నటించిన ఈ సినిమా బాక్సాఫీస్ దగ్గర దుమ్ము రేపింది. దాదాపు రూ.90కోట్ల వరకు వసూళ్లు రాబట్టి బ్లాక్‌బాస్టర్ సినిమాగా నిలిచింది.