ఆ కొద్ది సేపటికే జైరాం రమేశ్ మరో ట్వీట్ చేశారు. పరస్పర చర్చల తీర్మానం ఆధారంగా మణిపూర్‌పై తక్షణ చర్చకు అనుమతించేందుకు మోడీ సర్కార్ నిరాకరిస్తోందన్నారు. అందుకే ఈ రోజు సభ నుంచి విపక్ష ఇండియా కూటమిలోని పార్టీలు వాకౌట్ చేశాయన్నారు. విపక్ష నేతలపై చేసిన అభ్యంతరకర వ్యాఖ్యల విషయంలో క్షమాపణలు చెప్పేందుకు పీయూష్ గోయల్ పదే పదే తిరస్కరించడాన్ని తాము ఖండిస్తున్నామని చెప్పారు.

అనంతరం పీయూష్ గోయల్ మాట్లాడుతూ…. కాంగ్రెస్, దాని సంకీర్ణ పార్టీలు చైనా మీడియాకు మద్దతు పలుకుతున్నాయని విమర్శించారు. దేశంలో విపక్షాలు కుట్రలు పన్నుతున్నాయని చెప్పారు. ఇది చాలా సీరియస్ అంశమన్నారు. ఈ విషయంపై సభలో సుదీర్ఘ చర్చ జరగాలన్నారు. దురహంకార విపక్ష పార్టీలు ఒక దాని కొకటి సహకరించుకుంటున్నాయన్నారు.

దేశానికి వ్యతిరేకంగా జరుగుతున్న ప్రచారానికి ఫండింగ్ చేస్తున్నాయని తీవ్ర ఆరోపణలు గుప్పించారు. రాహుల్ గాంధీకి కమ్యూనిస్టు పార్టీ, చైనాకు ఉన్న సంబంధమేంటని ఆయన ప్రశ్నించారు. విపక్షాలు భారత్ తో వుంటాయా లేదా చైనా వైపు ఉంటాయా అనే విషయాన్ని ఈ దేశ ప్రజలు తెలుసుకోవాలని అనుకుంటానున్నారని చెప్పారు.